Edmondu Simeoni
Edmondu Simeoni (natu in Corti u 6 d'agostu di u 1934) hè statu un militente prugressista puliticu, medicu di prufessione, rivindichendu si naziunalistu corsu.
U duttore Edmondu Simeoni hè maritatu, babbu di dui figlioli, è quattru volte caccaru. Hà avutu una zitellina paesana trà Francardu è Lozzi in u Niolu, tettu di a Corsica. Hà studiatu in u Liceu di Bastia. Pacifistu ma diterminatu, u duttore Edmondu Simeoni hà dedicatu a so vita à a Corsica.
Morse Edmondu Simeoni à Aiacciu u 14 di dicembre 2018.
Biugrafia
[mudificà | edità a fonte]Hè cunsideratu cume unu di i "babbi" di u naziunalisimu corsu incù u so fratellu Max Simeoni. Milita per l'autonomia di a Corsica è micca per a so indipendenza, ch'ellu ùn cunsidera economicamente campia, per via, inoltre, di a so debbula populazione.
Cundanna a viulenza, cunsiderendu ch'ella hè una via senza scopu. Hà puru cunduttu, accantu à Aleria, u 21 d'agostu di u 1975, a prima azzione viulente è spettacularia di a mossa autonomista. À u capu di 12 omi armati di fucili di caccia, hà "occupatu" una carciula vinicula appartenendu à un impurtante capu d'impresa d'origina pedinera, per pruteste contr'à una scruccuneria chì minacciava d'arruvinà centinaie di picculi viticultori (cundannazione, u 19 di nuvembre di u 1975, di Depeille, Siegel, Junqua, Cuaz frères, è di u gruppu COVIREP per infrazzione nant'à e legge di a sucetà, è fallitta). L'assaltu, datu dui ghjorni dopu da a ghjendarmeria (1.200 omi, ufficialmente), rinfurzata da veiculi militari legeri, seguitendu l'ordine di u ministru di l'Internu,Michel Poniatowski, appruvatu da u Primu ministru Jacques Chirac, hà fattu dui morti fra e forze di l'ordine, è un feritu in a carciula.
Fù a prima azzione viulente è spettacularia di a mossa autonomista. Ha creatu, in lugliu 1970, l'Azzione Regiunalista Corsa (ARC), richjamatu in u 1973 "Azzione per a Rinascita di a Corsica". Hè cunsiglieru tarrituriale à l'Assemblea di Corsica. Hè statu à u capu di a lista Unione Naziunale à l'elezzione tarrituriale di u 2004, chì otteni 17.34 % di i voti.
Hè u babbu di Ghjilliu Simeoni, unu di i quattru avucati d'Yvan Colonna per u prucessu di l'assassinamentu di u prifettu Claude Erignac, è cunsiglieru municipale naziunalistu in Bastia, è cunsiglieru à l'Assemblea di Corsica. Edmondu Siemoni hè u presidente du u Cumitatu di sustegnu à Yvan Colonna.
Percorsu
[mudificà | edità a fonte]•1953 : Studii di medicina in Marseglia (gastroenterolugia) •1960 : Creazione di l'Associu di i Studienti Corsi à Marseglia per pruteste contr'à u scandalu di l'esperimentazione nucleare in Corsica in l'Argentella (Calvi). •1965 : Stallazione cume medicu, in Bastia. •1967 : Participa à a creazione di l'Azzione Regiunalista Corsa. •1973 : Manifestazione contr'à u sversime di e fangue rosse in Mediterraniu. •1975 : Drama d'Aleria. •1977 : Creazione di l'Unione di u Populu Corsu (muvimentu autonomistu). •1981 : Elezzione à l'Assemblea di Corsica - 6 eletti. •1983 : Elezzione à u Cunsigliu Municipale di Bastia ; primu infarctu1er infarctus incù puntaghju. •1987 : Participazione à a creazione di u Cullettivu antirazzistu Avà Basta. •1992 : Elezzione à l'Assemblea di Corsica - 8 eletti. •1992 : Demissione di l'Assemblea di Corsica, per via di un disaccordu incù a pulitica di u FLNC. •2004 : Elezzione à l'Assemblea di Corsica incù u gruppu Unione Naziunale - 8 eletti. •2004 : Creazione di Corsica Diaspora et Amis de la Corse (www.corsicadiaspora.com). •2007 : Participazione numarose in u quatru di u bicentenariu Pasquale Paoli (Ghjurnata di a Memoria à Levallois-Perret, Senatu,…) incù a Maison de la Corse. •2007 : Ricevutu à Cadet (GODF) per un dibattu dedicatu à "l'avvene di a Corsica". •2009 : Coordinazione, incù Corsica Diaspora, di a terza Journée mondiale de la Corse è di u centenariu Danielle Casanova incù l'associu Corsica Cinema (in linea incù u Senatu : "Ella averia avutu 100 anni"). •2010 : Coordinazione, incù Corsica Diaspora, di u Foru citatinu mundiale sott'à l'egida di l'UNESCO.
Ligami
[mudificà | edità a fonte]- U situ persunale d'Edmondu Simeoni Archiviu 2015-12-19 at the Wayback Machine
- Videu: Edmondu Simeoni, Lettera à l'umani]