Sartè
| Sartè
| |
|---|---|
| Statu | Francia |
| Rigioni | Corsica |
| Dipartimentu | Corsica suttana |
| Circundariu | Sartè |
| Cantonu | Sartè |
| Codici INSEE | 2A272 |
| Codici pustali | 20100 |
| Merri | Paulu Quilichini |
| Intercumunalità | |
| Longitudina | 8° 58' 27" |
| Latitudina | 41° 37' 18" |
| Altitudina | {{{alt}}} |
| Superficia | {{{superficia}}} ettari |
| Pupulazioni | 3 033 |
| Dinsità | 15,1 ab./km² |
Sartè hè una cumuna di u dipartimentu di a Corsica suttana. Hè a sottu prifittura di u dipartimentu. A cità, incù 200 kilometri quatrati, hè l'ottesima cumuna di Francia è a prima di Corsica pa a so stesa. In 1999 a so populazioni era di 3400 abitanti.
A cità fù custruita annantu à un pitraghju sopra u golfu di u Vallincu par scappà à parechji invasioni barbari. Sartè hè situata à 15 kilomitri di Prupià. A rigioni hè travirsata par u Rizzanesu chì fala da u Monti Alcudina. A tarra hè ricca di duminii viticuli (Fiumiciculu).
L'alti casi di granitu siparati da stretti pitrosi è liati da l'una à l'altra incù picculi volti li dani un aspettu siveru. A cità hè chjamata "a più corsa di i cità corsi".
Sartè hè dinò un locu di tradizioni riligiosi ancù i cunfraterni (cunventu di San Damianu) è a cirimonia di u Catenacciu. Par u venaressantu un omu capuchjutu è incatinatu faci u camminu di croci di Ghjesù. Hè una cirimonia chì attira monda parsoni in a cità. S'hè ancu criatu un centru pulifonicu di musica corsa. Si po ascultà u gruppu di "u coru di l'omini è Ghjuvan Paulu Poletti" chì sò attori impurtanti di u "riacquistu".
Storia
[mudificà | edità a fonte]In i primi annati di u seculu XVI, i quartieri di u Pitraghju è di Manichedda (a vechja cità) funi cinti di rampali par parà l'invasioni di i barbari. In u midievu, Sartè era u feudu di i putenti signori di a Rocca. Erani affidati à a Republica di Genuva. Dopu a cità cascò sottu a duminazioni di qualchì famidda putenti chjamata "sgiò". Si vedi à issa epica lotti arrabbiati par a pulitica. A cità hè marcata dinò par a numicizia trà dui famiddi di sgiò in 1830. Tandu Sartè fù insanguinata. Un trattatu di paci fù firmatu in dicembri 1834 incù un generali di Nabulionu.
Munimenta
[mudificà | edità a fonte]Ci hè parichji siti archiulogichi annantu à a cumuna di Sartè. In particulari:
- u situ di Stantari
- u situ di Rinaghju
- u situ di Cauria
- u Frati è a Sora
Sartè hè un locu induv'è l'omini preistorichi ci ani lasciatu monda stantari è stazzoni. U più chì si ni trova hè in Paddaghju è in Filitosa (rigioni di Sartè). A cità t'hà u so museu preistoricu riccu di i testimonii passati.
Si vedi u ponti di Spin'à Cavaddu chì hè unu di u più beddi ponti di Corsica. Difatti, hè d'urighjina pisana, è micca ghjinuvesa.
Annantu à a cumuna, ci sò parichji turri ghjinuvesi: a Turra di Roccapina, a Turra di Tizzà, a Turra di Senetosa.
Merri
[mudificà | edità a fonte]Citazioni
[mudificà | edità a fonte]Accadi chì Sartè fussi mintuvatu in a litteratura è a cultura corsa. Par asempiu in i pruverbii:
- Sartinesi, carchi à fresi. Annantu una coppula stani trè mesi.
- Grande Bastia, buffonu Aiacciu, riccu Sartè.
- Chjachjare Bastiacce, orgogliu Sartinese, fatti Aiaccini.
o in a canzona Sartè di Diana di l'Alba:
- Ci hè chì Sartè hà un distinu, pà certi, ùn vali un cinquinu
- Par Edda, ùn ci sarà mai bè, ma sò ghjilosi di Sartè
- Ci hè chì trà Borgu è Sant’Anna, ci sò nati pienti è affanni
- Ci era vindetta da lu bisbigliu, danni, sciaguri è parapiglia.
Da veda dinò
[mudificà | edità a fonte]Rifarenzi
[mudificà | edità a fonte]- Saravelli-Retali, F. A vita in Corsica à traversu pruverbii è detti, 1976, Don Bosco.
