Имре Кальман
Кальман хушаматлă урăх çынсем çинчен Википедире статьясем пур.| Имре Кальман | |
| Çуралнă чухнехи ят | Имре Копштейн |
|---|---|
| Тулли ят | Имре Кальман |
| Çуралнă вăхăт | 1882, юпа, 24 |
| Çуралнă вырăн | Шиофок, Австро-Венгри |
| Вилнĕ вăхăт | 1953, юпа, 30 |
| Вилнĕ вырăн | Парис, Франци |
| Патшалăх |
 Австро-Венгри Австри  АПШ |
| Профессисем | композитор |
| Жанрсем | оперетта |
И́мре (Э́ммерих) Ка́льман (венг. Kálmán Imre, ним. Emmerich Kalman; юпа, 24, 1882 — юпа, 30, 1953) — хункăр композиторĕ, популярлă опереттăсен: «Сильва», «Баядера», «Принцесса цирка», «Фиалка Монмартра» тата урăххисен авторĕ. Кальман пултарулăхĕпе Вена опереттин чечекленĕвĕ тапхăрĕ вĕçленет.
Биографи
[тӳрлет | кодне тӳрлет]Имре Кальман 1882 çулхи юпан 24-мĕшĕнче Балатон кӳлĕ хĕрринче вырнаçнă Шиофокра (Австро-Венгри, халĕ Хункăри), еврей килйышĕнче çуралнă. Ашшĕ — Карл Коппштейн купса (1850—1921), Будапештре çуралнăскер пулнă. Имре гимназирех хушаматне Кальман çине куçарнă[1]. Амăшĕ — Паула Кальман-Коппштейн (хĕр чухне Зингер, 1853—1923) — Вараждинре çуралнăскер. Пианист пулма вĕреннĕ, анчах та артрита пула композици çинелле куçнă. Будапештри Ференц Лист мусăк академинче [2] Бела Барток, Альберт Сирмаи тата Золтан Кодай пĕрле пĕлӳ илнĕ.
1904 çулта Кальман Будапештри «Пешти Напло» хаçатĕнче критик пулса ĕçленĕ[2], çав хушăрах композиципе хăтланнă.
Кальман кĕвĕленĕ романссем тата симфони хайлавĕсем ăнăçлах пулман, çапах та юрăсене çырнăшăн вăл Будапешт хулин Мăн премине тивĕçнĕ. Хăйĕн тусĕ — Виктор Якоби композитор — сĕннипе хăйĕн вăй-халне опереттăра тĕрĕслесе пăхнă. Унăн пĕрремĕш опереттине (венг. Tatárjárás, 1908, Будапешт) публика тăвăллăн алă çупса йышăннă, ăна вара Венăра, Нью-Йоркра тата Лондонра («Кĕрхи манёврсем» ячĕпе) лартнă.
Асăрхавсем
[тӳрлет | кодне тӳрлет]- ^ Emery Kálmán. çăлкуçран архивланă 27 Нарӑс уйӑхӗн 2009. Тĕрĕсленĕ 21 Раштав уйӑхӗн 2008.
- ^ 1 тата 2 Биография Имре Кальмана (выр.) (2012-10-24). Тĕрĕсленĕ 8 Кӑрлач уйӑхӗн 2021.