Григорьева Лидия Николаевна (ҫӑмӑл атлет)

Григорьева хушаматлă урăх çынсем çинчен Википедире статьясем пур.

Лидия Григорьева
Пайăр хыпар
Арлăх:	хӗрарӑм
Тулли ят:	Григорьева Лидия Николаевна
Гражданлăх:
Ăстаçăлăх:	вӑрӑм дистанцисене чупасси
Çуралнă вăхăт:	1974.01.21
Çуралнă вырăн:	ССРП, РСФСР, ЧАССР, Йӗпреҫ районӗ, Смычка
Тренер(сем):	Матрин Николай Александрович
Çӳллĕш:	160 см
Йывăрăш:	44 кг

Лидия Николаевна Григорьева (мӑшӑрланничченхи хушамат — Никифорова^[1], 1974 ҫулхи кӑрлачӑн 21, Смычка^[2][3]) — чӑваш раҫҫей вӑрӑм дистанцисене чупаканӗ^[4], Раҫҫей суйласа пухнӑ командин^[5] спортсмен-инструкторӗ. Раҫҫейӗн тӗнчери класӑн ҫӑмӑл атлетикӑпа спорт ӑсти.

Пурнӑҫ

1974 ҫулхи кӑрлачӑн 21-мӗшӗнче Чӑваш АССР-н Смычкӑра ҫуралнӑ. Пӗрремӗш тренер — Николай Александрович Матрин (Тольятти). 1999 ҫултан пуҫласа Раҫҫей суйласа пухнӑ командине кӗнӗ. Тӗнчери класӑн ҫӑмӑл атлетикӑпа спорт ӑсти (10 000 м). Сиднейри XXVII-мӗш 2000 ҫулхи ҫуллахи Олимп вӑййисен, Афиныри XXVIII2004 ҫулхи ҫуллахи Олимп вӑййисен хутшӑнаканӗ. Ҫӗнӗ Шупашкарта пурӑнать.

Волгоград физикӑллӑ культурӑн патшалӑх институчӗн вӗренсе тухаканӗ (1998).

Ҫитӗнӳсем

• Кросра Раҫҫей чемпионӗ (1998, 2000).
• Чупассинче Раҫҫей чемпионачӗсен ҫӗнтерӳҫи: кӗмӗл (2000), пӑхӑр^[6] (1999, 2003).
• 3000 ҫухрӑмлӑ чупассинче Раҫҫей чемпионачӗн пӑхӑрлӑ ҫӗнтерӳҫи (2004). Харпӑр рекорд — 30.57,83 (2003).
• Шоссе тӑрӑх чупассинче Раҫҫей хӗрарӑм ҫӑмӑл алтечӗсенчен ят-йышӗнче чи вӑйли.
• Команда ӑмӑртӑвӗнчи ҫурмарафон тӑрӑх Тӗнче чемпионӗ (2003).
• Европа чемпионӗсен кубокӗн ҫӗнтерӳҫи (2003).
• Париж (2005), Лос-Анджелес (2006), Бостон (2007), Чикаго (2008) марафонӗсенчи ҫӗнтерӳҫӗ.

Харпӑр рекордсем

Чупассинче

• 10 000 м: 30.32,72 (2006)
• Ҫурмарафон: 1:11.01 (2005)
• Марафон: 2:25.10 (2006)

Дисквалификаци

Пӗтӗм Раҫҫей ҫӑмӑл атлетика федерацийӗ Дисциплинарлӑ антидопинг комитечӗн йышӑнӑвӗпе 2016 ҫулхи нарӑсӑн 16-мӗшӗнчен пуҫласа Лидия Григорьевӑна 2 ҫул тата 6 уйӑх ҫине дисквалификациленӗ. Григорьевӑн пур пӗтӗмлетӗвӗсем 2009 акан 17-мӗшӗнчен пуҫласа 2010 ҫӑвӑн 14-мӗшӗ таран нульлетнӗ^[7][8][9].

Кил-йыш

• Упӑшка тата тренер — Григорьев Валерий Николаевич^[1].
  • Хӗрӗ — Виктория^[10].
• Атте-анне (Чӑваш Енчи Йӗпреҫ районӗн Смычка ялӗнче пурӑнаҫҫӗ): ашшӗ — Никифоров Николай Михайлович; амӑшӗ — Никифорова Клавдия Павловна.
• Аппа — раҫҫей ҫӑмӑл атлетчӗ Ирина Тимофеева^[10].

Каҫӑсем

• Лидия Григорьева — профиль на сайте IAAF (акӑл.)

Асӑрхавсем

1. ^ ^тата +Скородумов Н. Г.
   −{{{2}}} Григорьева Лидия Николаевна // Электронная Чувашская энциклопедия.
2. Lidiya Grigoryeva // World Athletics database
3. Чувашская энциклопедия — Чувашское книжное издательство, 2006. — 2567 с. — ISBN 978-5-7670-1471-2
4. SAMAH.CHV.SU-ри бегун
5. SAMAH.CHV.SU-ри сборный
6. ПӐХӐР - ВИҪҪӖМӖШ ВЫРӐН
7. Лидия Григорьева дисквалифицирована за допинг // Спорт-Экспресс. — 2016.06.15.
8. Две российские спортсменки дисквалифицированы из-за допинга // Коммерсантъ. — 2016.06.15.
9. Информация о дисквалификации: легкая атлетика | РУСАДА (2017-04-29). Тĕрĕсленĕ 12 Юпа уйӑхӗн 2020.
10. ^ ^тата Победы Лидии Григорьевой // Спортсмены : Иллюстрированное издание. — Шупашкар: Чуваш, кн. изд-во. — Т. 3. — С. 265—269. — ISBN 5-7670-1271-7.