Jazz Carlin

Jazz Carlin

Jazz Carlin yn 2009
Gwybodaeth bersonol
Enw llawn	Jazmin Roxy Carlin
Llysenw	"Jazz"
Ganwyd	(1990-10-16) 16 Hydref 1990 (34 oed) Swindon, Lloegr
Taldra	1.75 m (5 tr 9 mod)
Pwysau	57 kg (126 lb; 9.0 st)
Camp
Gwlad	Cymru
Chwaraeon	Nofio
Camp	Dull Rhydd
Clwb	Caerfaddon
Cofnod o fedalau Yn cynrychioli  Y Deyrnas Unedig Nofio Gemau Olympaidd Rio de Janeiro 2016 400m Dull rhydd Rio de Janeiro 2016 800m Dull rhydd Pencampwriaeth y Byd (Cwrs Hir) Kazan 2015 800m Dull rhydd Rhufain 2009 4x200m Dull rhydd Pencampwriaeth y Byd (Cwrs Byr) Doha 2014 800m Dull rhydd Pencampwriaeth Ewrop (Cwrs Hir) Berlin 2014 400m Dull rhydd Berlin 2014 800m Dull rhydd Llundain 2016 400m Dull rhydd Llundain 2016 800m Dull rhydd Budapest 2010 4x200m Dull rhydd Pencampwriaeth Ewrop (Cwrs Byr) Netanya 2015 400m Dull rhydd Netanya 2015 800m Dull rhydd Yn cynrychioli  Cymru Gemau'r Gymanwlad Glasgow 2014 800m Dull rhydd Glasgow 2014 400m Dull rhydd Delhi Newydd 2014 200m Dull rhydd Delhi Newydd 2014 400m Dull rhydd
Diweddarwyd 11 Awst 2016.

Nofwraig o Gymru yw Jazmin Roxy "Jazz" Carlin (ganwyd 17 Medi 1990) sydd wedi cystadlu dros Gymru yng Ngemau'r Gymanwlad a thros Prydain Fawr yn y Gemau Olympaidd. Mae hi'n cystadlu yng nghystadlaethau dull rhydd^[1] ac yn ymarfer ym Mhrifysgol Caerfaddon^[2].

Gyrfa

Ganed Carlin yn Swindon, Lloegr^[1] cyn symud i Abertawe gyda'i rhieni, sydd yn hannu o Gymru, yn 2006. Bu'n ymarfer ym Mhwll Cenedlaethol Cymru^[1]. Roedd yn aelod o dîm Cymru yng Ngemau'r Gymanwlad ym Melbourne, Awstralia yn 2006 gan orffen yn wythfed yn yr 800m dull rhydd ac yn drydydd yn ras rhagbrofol y 400m dull rhydd. Roedd hefyd yn aelod o'r tîm ras gyfnewid 4x200m dull rhydd orffennodd yn chweched.

Casglodd Carlin ei medal cyntaf yn un o prif bencampwriaeth nofio ym Mhencampwriaeth Nofio'r Byd 2009 yn Rhufain, Yr Eidal. Llwyddodd, ynghŷd â Joanne Jackson, Caitlin McClatchey a Rebecca Adlington, i gipio'r fedal efydd yn y ras gyfnewid 4x200m dull rhydd^[3].

Yng Ngemau'r Gymanwlad 2010 yn Delhi Newydd, India cipiodd Carlin fedal arian yn y 200m dull rhydd a medal efydd yn y 400m dull rhydd^[4] ac o'r herwydd cafodd ei henwebu ar gyfer gwobr Personoliaeth Chwaraeon Cymreig y Flwyddyn BBC Cymru^[1]

Pedair mlynedd yn ddiweddarach llwyddodd Carlin i gipio'r fedal aur yn yr 800m dull rhydd a'r fedal arian yn y 400m dull rhydd yng Ngemau'r Gymanwlad 2014 yn Glasgow, Yr Alban gan ddod y nofwraig Cymreig cyntaf i gipio medal aur yng Ngemau'r Gymanwlad ers Pat Beavan yng Ngemau'r Gymanwlad 1974^[5].

Yng Ngemau Olympaidd 2016 yn Rio de Janeiro, Brasil casglodd Carlin fedal arian yn y ras 400m ac 800m dull rhydd.^[6]

Cystadlodd yng Ngemau’r Gymanwlad Arfordir Aur Awstralia yn 2018 ond methodd ac ennill medal. Dywedodd bryd hynny y byddai'n cymryd seibiant o'r gamp a bu'n dioddef o salwch ac anafiadau. Yn Chwefror 2019 cyhoeddodd ei bod am ymddeol o'r byd nofio cystadleuol.^[7]

Cyfeiriadau

1. "Profile: Jazz Carlin". BBCSport.
2. "copi archif". Archifwyd o'r gwreiddiol ar 2016-08-21. Cyrchwyd 2016-08-11.
3. "2009 World Championships results: Women's 4x200m freestyle final" (PDF). 2009-07-30. Archifwyd o'r gwreiddiol (PDF) ar 2009-10-04. Cyrchwyd 2016-08-11.
4. "Commonwealth Games 2010: Carlin takes silver for Wales". BBC Sport. 2010-10-04.
5. "Swimming: Jazz Carlin targeting a medal at Rio 2016 Olympics". BBC Sport.
6. "Rio: Medal arian i Jazz Carlin". BBC Cymru Fyw. 2016-08-08.
7. Jazz Carlin yn ymddeol o’r byd nofio , Golwg360, 27 Chwefror 2019.