Luke Evans

Luke Evans
Ganwyd	Luke George Evans  15 Ebrill 1979  Pont-y-pŵl
Man preswyl	Shoreditch
Dinasyddiaeth	Cymru
Alma mater	Canolfan Ddrama Llundain London Studio Centre
Galwedigaeth	actor ffilm, actor llwyfan, actor
Adnabyddus am	Beauty and the Beast, Pinocchio
Gwobr/au	Gwobrau Teen Choice
Gwefan	http://www.lukeevans.uk.com

Actor a chanwr o Gymru yw Luke Evans (ganwyd 15 Ebrill 1979).^[1]

Cychwynnodd gyrfa Evans ar y llwyfan, yn perfformio mewn nifer o gynyrchiadau West End Llundain yn cynnwys Rent, Miss Saigon, a Piaf cyn ennill ei ran Hollywood cyntaf yn chwarae rhan Apollo yn ail-gread 2010 Clash of the Titans. Yn dilyn hyn, fe'i castiwyd mewn ffilmiau cyffro ac acsiwn fel Immortals (2011), The Raven (2012), a'r ail-ddychmygiad o The Three Musketeers (2011), lle'r oedd yn chwarae rhan Aramis.

Yn 2013, serennodd Evans fel y prif wrthwynebydd Owen Shaw yn y ffilm fawr Fast & Furious 6, ac fe chwaraeodd Bard the Bowman yn addasiad tri-rhan Peter Jackson o lyfr The Hobbit gan J.R.R.Tolkien.^[2] Portreadodd y fampir Dracula yn y ffilm am wreiddiau'r stori, Dracula Untold.^[3]

Bywyd cynnar

Ganwyd Luke Evans ym Mhont-y-pŵl,^[4] a magwyd yn Aberbargoed,^[5] yng Nghwm Rhymni, yn unig blentyn i Yvonne a David Evans.^[6][7] Magwyd yn un o Dystion Jehofa, ond fe adawodd y grefydd pan adawodd ysgol yn 16 mlwydd oed.^[8]

Fe symudodd i Gaerdydd pan oedd yn 17 mlwydd oed,^[9] lle astudiodd o dan oruchwyliaeth Louise Ryan, athrawes ganu brofiadol.^[10] Yn 1997 enillodd ysgoloriaeth i'r London Studio Centre yn Kings Cross, London.^[11] Fe raddiodd yn 2000.

Gyrfa

Rhwng 2000 a 2008 serennodd Evans mewn nifer o gynyrchiadau yn West End Llundain yn cynnwys La Cava, Taboo, Rent, Miss Saigon a Avenue Q ynghyd â nifer o sioeau ymylol yn Llundain a Gŵyl Caeredin.

Yn 2008, cafodd ei ran theatr fwyaf sylweddol wrth chwarae Vincent yn y ddrama Small Change wedi ei ysgrifennu a'i gyfarwyddo gan Peter Gill yn y Donmar Warehouse. Roedd yn rhan bwysig iddo gael ei adnabod gan gyfarwyddwyr ac asiantaethau castio yn yr Unol Daleithiau a fe'i henwebwyd am wobr yr Evening Standard am y newydd-ddyfodiad gorau. Yn hwyrach yn yr un flwyddyn fe wnaeth ei ail sioe yn y Donmar Warehouse, Piaf, lle'r oedd yn chwarae rhan Yves Montand.

Cafodd Evans ei glyweliad ffilm cyntaf yn dri deg oed. Yn 2009 fe gafodd ei ran ffilm cyntaf yn chwarae'r duw Groegaidd Apollo yn ail-gread Clash of the Titans. Hefyd yn 2010 fe ymddangosodd fel Clive yn y ffilm Sex & Drugs & Rock & Roll, a gyfarwyddwyd gan Matt Whitecross, fel llabwst y Siryf Nottingham yn Robin Hood, wrth ochr Matthew Macfadyen (a fyddai eto yn chwarae wrth ei ochr yn The Three Musketeers), a chwaraeodd y dyn da ei law Andy, yn ffilm y cyfarwyddwr Stephen Frears - Tamara Drewe, wedi seilio ar stribed comig Posy Simmond. Aeth Evans ymlaen i bortreadu DI Craig Stokes yn Blitz (2011), addasiad ffilm o nofel Ken Bruen o'r un enw, lle serennodd gyda Jason Statham a Paddy Considine. Yn gynnar yn 2010, fe saethodd y ffilm annibynnol, Flutter, wedi ei gyfarwyddo gan Giles Borg.

Chwaraeodd Evans ran Mysgedwr Aramis yn fersiwn Paul W. S. Anderson o The Three Musketeers (ffilmiwyd yn 2010 ryddhawyd yn 2011). Fe'i castiwyd mewn prif ran yn epic Groegaidd Tarsem Singh - Immortals (2011), lle'r oedd yn chwarae Brenin y Duwiau, Zeus. Ar ddiwedd 2010, gymerodd ran gyferbyn John Cusack yn ffilm James McTeigue -The Raven, gan gymryd lle Jeremy Renner. Yn y ffilm, a ryddhawyd yn 2012, sydd wedi ei osod yn Baltimore yng nghanol yr 19g, roedd Evans yn chwarae Ditectif Emmett Fields, sy'n ymchwilio i gyfres o lofruddiaethau ochr yn ochr â pherfformiad Cusack o Edgar Allan Poe.^[12] Fe saethwyd y ffilm yn Budapest a Serbia yn Nhachwedd 2010. Yn 2011, fe saethodd No One Lives, ffilm arswyd seicolegol a gyfarwyddwyd gan Ryuhei Kitamura, yn New Orleans, a dechreuodd ffilmio rhan yn addasiad tri rhan Peter Jackson o lyfr The Hobbit gan J.R.R. Tolkien, yn chwarae rhan Bard the Bowman.^[2]

Yn 2013, fe wnaeth Evans chwarae rhan Owen Shaw yn Furious 6, ac yn 2014, chwaraeodd Dracula yn y ffilm Dracula Untold.^[13][14][15]

Castiwyd Evans fel Eric Draven yn ail-ddychmygiad o ffilm The Crow. Yn Ionawr 2015, fe gyhoeddwyd ei fod wedi gadael y prosiect yn swyddogol i ganolbwyntio ar brosiectau eraill.^[16] Yn Mehefin 2014, ymunodd Evans gyda chast y ffilm High-Rise gyda Tom Hiddleston a Jeremy Irons.^[17] Yn Hydref 2014, cyhoeddwyd ei fod wedi arwyddo i serennu yn Free Fire, i'w gyfarwyddo gan Ben Wheatley ac yn cyd-serennu Cillian Murphy, Olivia Wilde a Armie Hammer.^[18] Yn Mawrth 2015, cyhoeddwyd ei fod am chwarae rhan y dihiryn Gaston yn ail-gread Disney o Beauty and the Beast, sy'n cyd-serennu Emma Watson.^[19]

Bywyd personol

Mae Evans yn agored hoyw. Mewn cyfweliad o 2002, dywedodd, "Roedd pawb yn fy nabod i fel dyn hoyw, ac yn fy mywyd yn Llundain wnes i byth trio ei guddio," a thrwy fod yn agored ni fyddai ganddo "y sgerbwd hynny yn y cwpwrdd gallen nhw ei ddatgelu".^[20] Yn 2004, dywedodd nad oedd ei yrfa actio wedi dioddef o fod allan.^[21] Yn 2014, fe wnaeth Evans gydnabod y pwysigrwydd o farchnadwyedd ac er nad yw'n cuddio ei rywioldeb, mae'n gyndyn o'i drafod gyda'r cyfryngau.^[22] Mae cyfryngau Sbaen wedi adrodd ei fod mewn perthynas gyda'r model Jon Kortajarena.^[23][24][25]

Yn 2015, enwyd Evans gan gylchgrawn GQ fel un o'r 50 dyn sy'n gwisgo orau.^[26]

Ffilmyddiaeth

Evans in January 2014

Blwyddyn	Ffilm	Rhan	Nodiadau
2002	Taboo	Billy	Fideo
2009	Don't Press Benjamin's Buttons	Tad Benjamin	Ffilm fer
2010	Cowards and Monsters	Paul	Ffilm Fer
2010	Sex & Drugs & Rock & Roll	Clive Richards
2010	Clash of the Titans	Apollo
2010	Robin Hood	Llabwst y Siryf
2010	Tamara Drewe	Andy Cobb
2011	Blitz	DI Craig Stokes
2011	The Three Musketeers	Aramis
2011	Immortals	Zeus
2011	Flutter	Adrian
2012	Ashes	Crewcut
2012	The Raven	Inspector Emmett Fields
2012	No One Lives	Gyrrwr
2012	The Hobbit: An Unexpected Journey	Girion, Lord of Dale	Fersiwn Estynedig yn unig
2013	Fast & Furious 6	Owen Shaw[27]
2013	The Hobbit: The Desolation of Smaug	Bard / Girion, Lord of Dale
2013	The Great Train Robbery	Bruce Reynolds	Cyfres deledu: 2 bennod
2014	Dracula Untold	Vlad III Țepeș / Dracula
2014	The Hobbit: The Battle of the Five Armies	Bard
2015	Furious 7	Owen Shaw	Cameo
2015	High-Rise	Richard Wilder
2016	Message from the King	Wentworth	Yn ôl-gynhyrchu
2016	The Girl on the Train	Scott	Yn ffilmio
2017	Beauty and the Beast	Gaston	Yn ôl-gynhyrchu
2019	StarDog and TurboCat	Felix

Gwobrau ac enwebiadau

Blwyddyn	Gwobr	Categori	Canlyniad	Gwaith
2014	Gŵyl Deledu Monte-Carlo	Actor Eithriadol mewn Cyfres	Enwebwyd	The Great Train Robbery
2014	Gŵyl Ffilm Acapulco Black	Cast Ensemble Gorau	Enwebwyd	Fast & Furious 6
2015	British Independent Film Awards	Actor Cynorthwyol Gorau	Enwebwyd	High-Rise

Cyfeiriadau

1. (Saesneg) Luke Evans. BBC. Adalwyd ar 1 Ionawr 2014.
2. Fleming, Mike (16 June 2011). "Luke Evans To Play Bard in 'The Hobbit'". Deadline Hollywood. Cyrchwyd 16 June 2011.
3. Justin Vactor. "Luke". Screen Rant. Archifwyd o'r gwreiddiol ar 2013-12-19. Cyrchwyd 1 March 2015.
4. "Pontypool-born Luke Evans hopes to be new Bourne star". walesonline. 9 April 2011. Cyrchwyd 1 March 2015.
5. "Evans finds himself among the stars". walesonline. 8 September 2010. Cyrchwyd 1 March 2015.
6. "Aberbargoed actor Luke Evans' success in Hollywood". Wales Online. 3 June 2010. Cyrchwyd 25 July 2013.
7. Rachel Mainwaring (30 May 2010). "Welsh actor Luke Evans is hot Hollywood property". Wales Online. Cyrchwyd 25 July 2013.
8. "Hobbit star Luke Evans swaps the valleys for the Shire". The Guardian. 7 December 2013. Cyrchwyd 11 December 2013.
9. "Luke Evans Interview TAMARA DREWE". Collider. Archifwyd o'r gwreiddiol ar 2011-08-11. Cyrchwyd 1 March 2015.
10. "Welsh actor Luke Evans is hot Hollywood property". walesonline. 29 May 2010. Cyrchwyd 1 March 2015.
11. Mo-Net s.r.l. Milano-Firenze. "Luke Evans". mymovies.it. Cyrchwyd 1 March 2015.
12. Leins, Jeff. "Luke Evans, Alice Eve Join 'The Raven'". News in Film. Archifwyd o'r gwreiddiol ar 2011-01-09. Cyrchwyd 13 October 2010.
13. Mike Fleming Jr. "'The Crow' Reboot Flies With Luke Evans - Deadline". Deadline. Archifwyd o'r gwreiddiol ar 2013-12-03. Cyrchwyd 1 March 2015.
14. The Deadline Team. "Universal Dates 'Dracula' Origin Pic For August 8, 2014 - Deadline". Deadline. Archifwyd o'r gwreiddiol ar 2014-06-19. Cyrchwyd 1 March 2015.
15. Pamela McClintock. "Title Change: 'Dracula' Renamed 'Dracula Untold'". The Hollywood Reporter. Cyrchwyd 1 March 2015.
16. "Luke Evans Officially Exits 'The Crow' Reboot; Relativity Seeking New Star". TheWrap. Cyrchwyd 1 March 2015.
17. Oliver Lyttelton (13 June 2014). "'The Hobbit' Star Luke Evans Joins Tom Hiddleston in Ben Wheatley's 'High Rise'". Indie Wire. Archifwyd o'r gwreiddiol ar 2014-06-16. Cyrchwyd 16 June 2014.
18. Leo Barraclough. "Luke Evans to Star in Ben Wheatley's 'Free Fire'". Variety. Cyrchwyd 1 March 2015.
19. "Luke Evans To Star Opposite Emma Watson In Disney's Beauty And The Beast".
20. Barclay, Paris (3 September 2002). "Breaking the Taboo". The Advocate. t. 55. Cyrchwyd 4 August 2011. available online
21. "Luke Goes Hardcore" (PDF). QX Magazine. July 2004. Archifwyd o'r gwreiddiol (PDF) ar 2011-09-27. Cyrchwyd 8 July 2011.
22. "Luke Evans: Slaying Them Softly". Women's Wear Daily. October 9, 2014. Cyrchwyd November 28, 2014.
23. "Luke Evans, Jon Kortajarena's vampire" (yn Spanish). dparejas. October 2, 2014.
24. "Jon Kortajarena introduces his boyfriend Luke Evans to his mother" (yn Spanish). El Mundo. December 20, 2014.
25. "Jon Kortajarena: sus 30 'buenorros' años en fotos" (yn Spanish). El Mundo. May 19, 2015.
26. "50 Best Dressed Men in Britain 2015". GQ. 5 Jan 2015. Archifwyd o'r gwreiddiol ar 2015-01-07. Cyrchwyd 2015-12-14.
27. "Luke Evans Joins Sixth 'Fast & Furious' Film". hollywoodreporter.com. Cyrchwyd 25 July 2013.

Dolenni allanol

• Luke Evans ar wefan Internet Movie Database

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.