Włocławek

Włocławek
	Trem ar Włocławek o'r awyr, gan gynnwys golwg o'r eglwys gadeiriol Gothig o'r 14g a'r palas esgobol a godwyd yn yr 17g.
Math	dinas gyda grymoedd powiat, dinas fawr
Poblogaeth	104,705
Sefydlwyd	10 g ;
Cylchfa amser	UTC+01:00, UTC+2
Gefeilldref/i	Mahilioŭ, Bedford, Izmail, Saint-Avold
Iaith/Ieithoedd; swyddogol	Pwyleg
Daearyddiaeth
Rhan o'r canlynol	Związek Miast Nadwiślańskich
Sir	Kuyavian-Pomeranian Voivodeship
Gwlad	Gwlad Pwyl
Arwynebedd	84.32 km²
Gerllaw	Afon Vistula, Włocławek Reservoir
Cyfesurynnau	52.65°N 19.05°E
Cod post	87-800 — 87-822
	Ffeiliau perthnasol ar Comin
	[golygwch ar Wicidata]

Dinas yng nghanolbarth Gwlad Pwyl yw Włocławek a leolir yn nhalaith (foifodiaeth) Kujawsko-Pomorskie. Saif ar lannau Afon Vistula.

Mae'n debyg i Włocławek gael ei sefydlu yn y 10g, un o'r trefi mawr cyntaf yn Wielkopolska (Pwyl Fawr). Yn yr 11g daeth yn sedd i esgobion rhanbarth Kujawy, a derbyniodd Włocławek freintiau dinesig ym 1256. Astudiodd y seryddwr enwog Copernicus yno ym 1489–91. Yn sgil rhaniadau Gwlad Pwyl yn niwedd y 18g, daeth Włocławek yn rhan o Deyrnas Prwsia. Yn ystod Rhyfeloedd Napoleon, cipiwyd y ddinas gan Ddugiaeth Warsaw, gwladwriaeth ddibynnol ar Ymerodraeth Ffrainc. Wedi cwymp Napoleon ym 1815, daeth Włocławek dan dra-arglwyddiaeth Ymerodraeth Rwsia fel rhan o Wlad Pwyl y Gyngres. Dychwelodd y ddinas i Wlad Pwyl annibynnol wedi'r Rhyfel Byd Cyntaf.

Yn y 19g adeiladwyd y felin bapur a ffatri fwydion gyntaf yng Ngwlad Pwyl yn Włocławek, a daeth y ddinas yn ganolfan ddiwydiannol fawr. Ffynnai'r diwydiant seliwlos yn y cyfnod wedi'r Ail Ryfel Byd, ond dirywiodd erbyn diwedd yr 20g. Mae'r economi hefyd yn dibynnu ar amaeth, y diwydiant cemegion, a chynhyrchu bwyd.

Y boblogaeth yn 2011 oedd 116,783.^[1]

Cyfeiriadau

↑ (Saesneg) Włocławek. Encyclopædia Britannica. Adalwyd ar 16 Mawrth 2022.

gw • sg • go

Dinasoedd Gwlad Pwyl

Warsaw · Kraków · Łódź · Wrocław · Poznań · Gdańsk · Szczecin · Bydgoszcz · Lublin · Katowice · Białystok · Gdynia · Częstochowa · Radom · Sosnowiec · Toruń · Kielce · Gliwice · Rzeszów · Zabrze · Olsztyn · Bytom · Bielsko-Biała · Ruda Śląska · Rybnik · Tychy · Dąbrowa Górnicza · Gorzów Wielkopolski · Płock · Elbląg · Opole · Wałbrzych · Zielona Góra · Włocławek · Tarnów · Chorzów · Koszalin · Kalisz · Legnica ·

[1] (Saesneg) Włocławek. Encyclopædia Britannica. Adalwyd ar 16 Mawrth 2022.

[1]