Hanami

Piknik Hanami id dumbangan do Istana Himeji, 2005
Istana Osaka

Hanami (花見, "mogintong do tusak") nopo nga koubasanan do tulun Jepun montok mogintong do kogingohon do tusak; om iti nopo nga montok tusak sakura (桜, sakura) toi ko', lobi ingkuri intangan nopo nga puun plum (梅, ume).[1] Mantad kolimpupuson do wulan Gomot gisom koimpuunon do wulan Mikat, mungkalad ngawi o tusak sakura pointongkop do Jepun,[2] om lobi kuang minggu koduo do Milatok id pulau do Okinawa.[3] Sakura-zensen nopo nga poiloon do Agensi Meteorologi Jepun monikid toun om intangan kopio montok mamalan do hanami, tu' tusak nopo diti nga gisom no sominggu toi ko' duo minggu.

Id timpu nokoburu id Jepun, hanami nopo nga iso karamayan labus montok sakura maamaso timpu dangadau toi ko' totuong. Id piipiro konteks miagal do Sino-Jepun, gunoon o kopomoroitan kan'ō (観桜, mogintong sakura), montok do karamayan diti. Hanami id timpu totuong nopo nga lohowon sabaagi yozakura (夜桜) "sakura totuong". Id kinoyonon miagal do Taman Ueno, posoiton o tanglung kalatas montok tudu do yozakura. Id pulau Okinawa, tanglung lotirik di ongolumis nopo nga pinasait id puun montok kohiakan timpu sosodopon, miagal do puun di Nulu Yae, somok do Kakadayan Motobu, toi ko' Istana Nakijin.

Bontuk hanami di lobi nokodori nogi nga haro id Jepun, hinonggo mogintong do tusak plum do mungkalad, i kikomoyon do umemi (梅見, mogintong plum). Hanami id kawo diti nopo nga lobi otutunan montok tulun di lobi otuo, tu' lobi otoronong mantad karamayan sakura, i koubasan no popohompit do sukod wagu. Koubasan nopo karamayan sakura nga ososok om agangau.

Sajara

[simbanai | simbanai toud]

Id timpu mongusak diti,
soira binabang lampu di otoronong nopo nga nokotongkop
id apat koongoyon,
nokuro tu' songingurias o tusak sakura
miampai ginawo di au otoronong

Ki no Tomonori (c. 850 – c. 904)[4]

Hanami diti nopo nga mantad po di laid. Adat nopo diti nga nokotimpuun maamaso timpu Nara po (710-794) soira do korohian tomod do tulun o tusak plum toi ko' ume. Hanami Jepun nopo nga mantad adat do Sina i momonsoi do hiis om monginum do wain tusak plum miampai mongintong kumaa tusak diolo, i tinanud do elit Jepun. Iti nopo nga sinokodung do fakta kokomoi 'hanami' i nokotimpuun id kakadayan, okon ko' id labus kakadayan, hinonggo id kotimpuunon, tulun Jepun nopo nga orohian kumaa tusak plum miagal do tulun Sina om okon ko' tusak sakura, om hiis Jepun klasik nopo nga au pinopoungkait do tusak sakura miampai kohiakan.[5]

Maamaso timpu Heian (794–1185), sakura nopo nga montok pamagayat, lobi ko' tusak plum, om hanami nopo nga sinonim miampai do sakura.[6] Mantad di, id goduuduo do waka om haiku, "tusak" nopo nga kirati do "sakura".[7][8] Teks sajara Nihon Kōki, minonuat do pongintangan kumoiso kokomoi tusak sakura di toun 812, hinonggo nintangan om pinosuat solinaid hopod om duo abad di potilombus. [9][10]

Id kotimpuunon Hanami nopo nga gunoon sabaagi analogi kumaa mogintong sakura id timpu Heian novel The Tale of Genji. Hali pia karamayan mogintong wisteria nogi nga gunoon, istilah "hanami" om "karamayan tusak" nogi nga gunoon montok sumuku kumaa mogintong tusak sakura.

Sakura id kotimpuunon nopo nga gunopon montok mangaga do omoton toun dii miampai popoilo timpu mananom do parai. Otumbayaan o tulun ginumuan do kami id suang do puun di om manahak do tatahakon. Kalaps di, maganu yolo boogian do koposolimbahan dii miampai sake.

Maharaja Saga id timpu Heian nopo nga popoindalan do amalan diti, om papaharo do karamayan mogintong tusak miampai sake om ababayan ,mangakan-ngakan id siriba do puun sakura i poingkalad id Mahkamah Imperial id Kyoto. Hoos nopo nga suaton montok mamarayou tusak-tusak di aalus, i okito sabaagi metafora montok koposion, kibinabang om ogingo, nga oruhai om au poinkakal. Iti nogi nga noroitan sabaagi nontodon do "Hanami" id Jepun.

Sokiro aiso sakura id pomogunan diti
Songkuro tinoronong do ginawo tokou maamaso do timpu mongusak.

Ariwara no Narihira (825–880)[11]

Id kotimpuunon, koubasanan nopo diti nga poinrontob kumaa tulun elit Mahkamah Diraja, nga au alaid do rinumalad kumaa tulun Samurai om maamaso timpu Edo nogi nga rinumalad kumaa tulun ginumuan. Minananom i Tokogawa Yoshimune do puun sakura sabaagi pongunsub kumaa koubasanan diti. Id siriba puun do sakura, tulun ginumuan nopo nga makan pitangaadau om monginum do sake id karamayan di aramai kopio.

'Shidare-zakura' nopo nga kultivar kumoiso di nosuat id Jepun.

Gama do narait o "weeping cherry" (しだり櫻, shidarizakura) id buuk di sinuat maamaso timpu Heian, iso nopo kultivar miampai ra'an di poinramboi nopo nga Prunus itosakura 'Pendula' (Sidare-zakura), kultivar di bobos nokodori id Jepun. Id timpu Kamakura, soira nokoingkawas o populasi id kabaatan do Kanto, ceri Oshima, mantad Pulau Izu Oshima, tinanggayan kumaa Honshu om tananom do hilo, om noit kawagu kinumaa id Kyoto. Id timpu Muromachi, Tinimungan Sato-zakura nopo nga nakaasil mantad interspesifik hibrid kompleks, noimpohon do ceri Oshima.[12]

Jindai-zakura, puun i kiumul loni kuang 2,000 toun

Prunus itosakura (syn. Prunus subhirtella, Edo higan), spesies tolias, sumuni miampai opian, nga lobi alaid do poimpasi mantad ko' i puun ceri suai om osonong do sumuni kumaa puun di lobi tagayo. Mantad dii, ogumu puun diti di tagayo om alaid poinsuni id Jepun, om puun ceri nopo diolo nga roitan do osundu om nokosiliu do tanda' i papalambang do kuil Shinto, iso kuil Budda om kinoyonon sandad.

Poomitanan di otutunan kopio nopo nga kohompit no Jindai-zakura (~2,000 toun), Usuzumi-zakura (~1,500 toun), om Daigo-zakura (~1,000 toun).[13]

'Kanzan' nopo nga kultivar duo tusak i nowonsoi maamaso timpu Edo. Kiwaa 50 kelopak id tusak diti. [14]

Id timpu do Edo, mogikaakawo kultivard duo tusak nopo nga winonsoi om tinanom id disan do bawang, id kuil Buddha, id kuil Shinto om nogi id taman daimyo id sorili do kakadayan miagal do Edo, om mogigion id kakadayan dii nopo nga kaanu mogintong do tusak dii. Buuk mantad timpu di nogi nga pinoposuat do lobi ko' 200 kawo do tusak om pinopoilo do ogumu kawo do skura hinonggo otutunan id timpu diti, miagal do 'Kanzan'. Hali pia miagal di, kowoowoyoon nopo diti nga poinrontob no id posorili do kakadayan, om objek kopio do hanami diti id pointongkop pogun nga montok spesies tolias miagal do Prunus jamasakura (Yamazakura) om ceri Oshima, i pinotikid miampai poinralad.[12]

Ceri Yoshino ('Somei-yoshino') nopo nga nakaralad miampai osikap pointongkop do Jepun mantad po di timpu Meiji.

Mantad po timpu Meiji, maamaso pinoburu o Jepun, ceri Yoshino nopo nga nakaralad poingompus do Jepun, om objek nopo hanami montok tulun Jepun nga nokosimban kumaa ceri Yoshino.[15]

Mogikaakawo kultivar suai mantad ko' ceri Yoshina nopo nga tinagad gama do koburuon di osikap kopio id kakadayan, miagal do monginsonong wayaan do waig om pongiduan do taman daimyo. Mananamong kabun Takagi Magoemon om luguan kampung Kohoku Villa Kohoku Village Shimizu Kengo tumongob do kowoowoyoon diti. Mantad di, numaan diolo tamangai o susumuni di moi do amu atagak miampai minananom do puun ceri mantad mogikaakawo kultivar id disan do Bawang Arakawa. Id Kyoto, Sano Toemon XIV, songulun mananamong do kabun, minonimung piipiro kultivar om pinoilang. Kalapas Pisangadan Pogun II, tinungkusan o kultivar diti do Institut Genetik Kabansaan, Taman Sains Talun Tama om Koisaan Tusak Jepun, mantad toun 1960-an om potilombus, ogumu kawo kultivar id gunoon kawagu montok hanami.[16]

Geishas id Sumida poposurung do teh tutumombului hanami, 1954.

Tukadan montok mamagaso ladu daripada bunga (花より団子, hana yori dango) popokito do kapangkalan montok kogumuan mogigintong do tusak saku, kirati do tulun ginumuan nopo nga lobi kirahi kumaa taakanon om tiinumon i haro id karamayan hanami lobi ko' mongoi pogintong do tusak dii.[17][18]

RAta pinolobong id siriba do puun ceri dii! nopo nga boros di otutunan kopio kokomoi do hanami, kalapas do panandatan pongukab id suang do suniba "Under the Cherry Tree" i sinuat di Motojirō Kajii di toun 1925.

  • Lukisan Ukiyo-e mantad do The Tale of Genji, bab ko-20 Hana no En, "Under the Cherry Blossoms", mantad do artis Kunisada (1852)
    Lukisan Ukiyo-e mantad do The Tale of Genji, bab ko-20 Hana no En, "Under the Cherry Blossoms", mantad do artis Kunisada (1852)
  • Piknok Mogintong do Sakura, c. 1624–1644. Timpu Edo, Kan'ei Era. Ink, warana om roun amas id kalatas, Brooklyn Museum
    Piknok Mogintong do Sakura, c. 1624–1644. Timpu Edo, Kan'ei Era. Ink, warana om roun amas id kalatas, Brooklyn Museum
  • Hanami id Osaka. Tongotulun mogintong do sakura miampai sayau, muzik, taakanon om sake. Payanan oitom id wanan nopo nga lalapatan bento ogumu simbau. Hiroshige (1834).
    Hanami id Osaka. Tongotulun mogintong do sakura miampai sayau, muzik, taakanon om sake. Payanan oitom id wanan nopo nga lalapatan bento ogumu simbau. Hiroshige (1834).
  • Tongoondu mogintong do sakura id Edo, Toyohara Chikanobu (1894)
    Tongoondu mogintong do sakura id Edo, Toyohara Chikanobu (1894)
  • Pangalapan sosodopon montok mogintong sakura id Istana Rokujô (Rokujô gosho hanami no yûen), mantad di Kunisada (1855)
    Pangalapan sosodopon montok mogintong sakura id Istana Rokujô (Rokujô gosho hanami no yûen), mantad di Kunisada (1855)
  • Blok kayu mantad di Tsukioka Yoshitoshi, siri "Courageous Warriors" ("Yoshitoshi musha burui"), Kurō Hangan Minamoto Yoshitsune om Musashibō Benkei id susut do puun ceri
    Blok kayu mantad di Tsukioka Yoshitoshi, siri "Courageous Warriors" ("Yoshitoshi musha burui"), Kurō Hangan Minamoto Yoshitsune om Musashibō Benkei id susut do puun ceri

Hanami timpu baino

[simbanai | simbanai toud]

Pinotilombus do tulun Jepun o koubasanan 'hanami', mogitiitimung id honggo-honggo nopo puun kitusak di norubaan. Boribu-ribu tulun nopo nga nokoponu do taman montok papaharo karamayan id siriba do puun-puun kitusak, om haro nogi timpu do karamayan dii koindalan gisom pitanga tuong. Lobi sampapas do kinoyonon id Jepun, tadau-tadau tusak sakura nopo nga korikot id timpu di miagal, maamaso do kotimpuunon sikul om tadau kumalaja kalapas do tadau koundorongon, om mantad di, karamayan nopo di nga insaru ukabon miampai hanami. Koubasan nopo, tulun ginumuan nopo nga rumikot id taman montok mogihum do kinoyonon di bobos tolumis montok mamaramai do hanami miampai tambalut, paganakan om nogi tambalut id iso kinoyonon do kumalaja, miampai piipiro jaam toi ko' piipiro tadau sobolum do ababayan dii. Id kakadayan-kakadayan miagal do Tokyo, karamayan id siriba do sakura nopo nga noubasan do poindalanon id timpu dongotuong. Hanami id timpu do totuong nopo nga lohowon sabaagi do yozakura (夜桜, "sakura totuong"). Id kogumuan kinoyonon miagal do Taman Ueno, ogumu tanglung kalatas pinasait montok maganu do yozakura.

Tusak sakura kopogulu nopo nga agaon monikid toun, sobolum diti nopo nga numaan do Agensi Meteorologi Jepun om baino nopo nga agensi swasta, om nintangan diolo miampai osorisid montok mamalan do karamayan hanami tu' tusak sakura nopo nga mungkalad id timpu di oniba, koubasan nopo nga au kolobi do duo minggu. Tusak sakura di bobos tosopung nopo nga mimpuun id pulau subtropika kabaatan Okinawa, om id pulau koibutan Hokkaido nopo nga mungkalad miampai lobi alaid. Id kogumuan do kakadayan tagayo miagal do Tokyo, Kyoto om Osaka, timpu tusak sakura nopo nga lobi kuang id koompokon wulan Gomot om kotimpuunon do wulan Ngiop. Televisyen om suat abal nopo nga tumanud miampai osorisid kokomoi tusak sakuura diti soira mongusak miampai oloyo mantad kabaatan kumaa koibutan. [19] Di toun 2018, tusak diti nopo nga noulud do mungkalad maamaso 21 Gomot id Fukuoka, 27 Gomot id Kyoto om 1 Mikat id Sapporo.[20] Karamayan hanami diti nopo nga koubasan no popohompit do mangaangakan om monginum, miampai mamain om mokinongou do muzik. Piipirp taakanon poinsuai-suai nogi nga potoundaon om akanon maamaso karamayan diti, miagal do dango om bento, om nogi sake, i oubas do inumon sabaagi soboogian mantad do karamayan diti. Maamaso di toun 2020, ababayan do koubasanan sakura diti nopo nga au pinaharo om tutumombului nopo nga au kaanu rumikot id Jepun gama do pandemik COVID-19.[21] Tadau koompokon montok poungkalad o tusak di toun 2021 id Kyoto nopo nga 26 Gomot, bobos tosopung mantad kinoonuan do rikud kotimpuunon di toun 812. Kinoompokon do minungkalad diti nopo nga nokosopung mantad po di 1880, miagal do kosimbanon timpu gama do kosimbanon iklim.[22][23][24][25]

  • Mogintong do sakura, Istana Himeji, 2009
    Mogintong do sakura, Istana Himeji, 2009
  • Hanami mantad do "Tunnel" id Japan Mint id Osaka, 2016
    Hanami mantad do "Tunnel" id Japan Mint id Osaka, 2016
  • (video) Tulun popoindalan do piknik maamaso hanami id Bunkyō, 2015
  • Hanami id Taman Maruyama id tolikud do Kuil Yakasa id Kyoto, 2014
    Hanami id Taman Maruyama id tolikud do Kuil Yakasa id Kyoto, 2014
  • Karamayan hanami poingompus do Bawang Kamo, 2005
    Karamayan hanami poingompus do Bawang Kamo, 2005
  • Pangagaan tusak montok toun 2006, miampai tadauwulan pangagaan tusak. Numbul dau nopo nga montok tadawulan (3.22 nopo nga 22 Gomot) om "dumbangan tusak sakura" mamanau mantad kabaatan kumaa koibutan.
    Pangagaan tusak montok toun 2006, miampai tadauwulan pangagaan tusak. Numbul dau nopo nga montok tadawulan (3.22 nopo nga 22 Gomot) om "dumbangan tusak sakura" mamanau mantad kabaatan kumaa koibutan.
  • Koleksi mogikaakawo warana montok taakanon di oomis om opoto montok kokoton id pialatan do monginum do sake, maamaso mogintong do tusak sakura.
    Koleksi mogikaakawo warana montok taakanon di oomis om opoto montok kokoton id pialatan do monginum do sake, maamaso mogintong do tusak sakura.
  • Chidorigafuchi, Tokyo
    Chidorigafuchi, Tokyo
  • Hanami id Taman Ueno
    Hanami id Taman Ueno
  • Hanami id Parc de Sceaux, Hauts-de-Seine
    Hanami id Parc de Sceaux, Hauts-de-Seine

Labus do Jepun

[simbanai | simbanai toud]

Karamayan di kopiagal id Taiwan, Korea, Filipina om China.[26]

America Koibutan

[simbanai | simbanai toud]

Amerika Syarikat

[simbanai | simbanai toud]
Festival Sakura Sompomogunan id Macon, Georgia, Amerika Syarikat

Id Amerika Syarikat, hanami nogi nga otutunan no kopio. Di toun 1912, minanahak o Jepun do 3,000 puun sakura sabaagi tutungkap kumaa Amerika Syarikat sabaagi mamarayou do piombolutan diolo. Tinanom o puun sakura diti id Washington, D.C., om lobi kuang 3,800 puun sakura tinahak kawagu di toun 1965.[27] Puun sakura diti nokotimpuun no do otutunan kopio sabaagi pamagayat do tutumombului, om monikid toun, Karamayan Sakura Sompomogunan pohoroon soira mungkalad o tusak diti id kotimpuunon do timpu mongusak.[28]

Id Macon, Georgia, karamayan sakura nopo nga lohowon sabaagi Karamayan Sakura Sompomogunan om ramayon ontok monikid timpu mongusak. Macon nopo nga otutunan sabaagi Kinoyonon Sakura id POmogunan, tu' kiwaa 300,000 puun sakura poinsuni hilo.[29]

Id Brooklyn, New York, Sakura Tounan Matsuri Karamayan Sakura nopo nga poindalanon antakan wulan Mikat, id Taman Botanikal Brooklyn.[30] Karamayan nopo diti nga ramayon mantad po di 1981, om taman nopo diti nga bobos otutunan kopio montok pamagayat tutumombului. Karamayan di miagal nogi nga poindalon id Philadelphia[31] om kinoyonon suai id Amerika Syarikat.

Koleksi sakura suai i otutunan kopio id Amerika Syarikat nopo nga id Rapang Taman Brook id Newark, hinonggo lobi ko' 5,000 puun sakura miampai 18 kawo i nakaanu do minamagayat do 10,000 tutumombului montok sangadau maamaso Karamayan Sakura tounan.[32][33]

Kanada

[simbanai | simbanai toud]

Id Toronto, Kanada ramayon o Hanami id kogumuan taman id kakadayan maamaso koompokon do wulan Ngiop, gama do iklim tosogit id kakadayan diti. Lobi kuang 50 puun Yoshino Sakura pinatahak id kakadayan diti sabaagi panakatanda' do piombolutan sompomogunan, om niat di tosonong do rurumikot mantad Jepun.

Taman High, walai montok koleksi sakura di bobos apagon id kakadayan, minonompon do wayaan kumaa korita moi do kaanu mogintong sakura maamaso timpu mungkalad.

Vancouver[34] nopo nga haro lobi ko' 40,000 do puun sakura miampai mogisuusuai o kawo. Taman Ratu Elizabeth nopo nga kinoyonon di otutunan kopio montok mogintong do puun sakura.

Eropah

[simbanai | simbanai toud]
Sakura id Kirsikkapuisto id Helsinki, Finland

Hanami nogi nga ramayon id piipiro pogun id Eropah. Miagal do poomitanan, tulun id Finland nopo nga mogiamung-amung montok mamarayou do hanami od Helsinki, id Roihuvuori. Tulun Jepun sandad om piipiro syarikat nogi nga pinapatahak do 200 puun sakura i numaan tonomo id Kirsikkapuisto. Koubasan nopo, sakura diti nopo nga mungkalad id pintangaan do wulan Mikat.

Id Rom, id Itali, ramayon o hanami, hinonggo ogumu puun sakura tinahak do Jepun maamaso di toun 1959.[35]

Id Stockholm nopo nga sabaagi karamayan tounan i pohoroon id Kungsträdgården.[36] Hinonggo ogumu tulun mamaramai do hanami.[37]

Paris nopo nga haro piipiro kopokitanan di olumis kopio kokomoi do puun sakura id Taman Trocadero, Jardin des Plantes, Parc de Sceaux, om ogumu po kinoyonon suai.[38]

Maamaso do pandemik COVID-19 id England, National Trust pinopotimpuun do kempen #BloosomWatch. Idio nopo diti nga nokoimbulai mantad do karamayan tusak sakura Jepun. Iti nopo nga mongunsub do tulun ginumuan montok popoilang do gambal tusak kumoiso maamaso mimpanau id timpu poinguung.[39][40]

Intangai nogi

[simbanai | simbanai toud]

Sukuon

[simbanai | simbanai toud]
  1. ↑ Sosnoski, Daniel (1996). Introduction to Japanese culture. Tuttle Publishing. p. 12. ISBN 0-8048-2056-2. hanami.
  2. ↑ "Cherry blossom forecast" (id boros Jepun). Weather Map. 27 January 2021.
  3. ↑ "Okinawa Cherry Festivals". Pinoopi mantad sand̠ad ontok 2011-07-22.
  4. ↑ Pictures of the heart: the hyakunin isshu inword and image, University of Hawaii Press, 1996, By Joshua S. Mostow, page 105
  5. ↑ Hannes Palang; Helen Sooväli; Anu Printsmann (2007). Seasonal Landscapes Volume 7 of Landscape Series. Springer. p. 223. ISBN 978-1402049903.
  6. ↑ Brooklyn Botanic Garden (2006). Mizue Sawano: The Art of the Cherry Tree. Brooklyn Botanic Garden. p. 12. ISBN 1-889538-25-6.
  7. ↑ Hoffman, Michael, "Sakura: Soul of Japan", "Petals 'perfect beyond belief' stir poetic", Japan Times, 25 March 2012, p. 7.
  8. ↑ Inoki, Linda, "Tracing the trees in a long national love affair", The Japan Times, 25 March 2012, p. 7.
  9. ↑ "Cherry blossom phenology and temperature reconstructions at Kyoto". 生態気象学研究グループ (id boros Jepun). Linoyog ontok 2024-08-20.
  10. ↑ Christidis, Nikolaos; Aono, Yasuyuki; Stott, Peter A (2022-05-01). "Human influence increases the likelihood of extremely early cherry tree flowering in Kyoto". Environmental Research Letters. 17 (5): 054051. doi:10.1088/1748-9326/ac6bb4. ISSN 1748-9326.
  11. ↑ "Cherry Blossom Viewing". Japan Mint. Pinoopi mantad sand̠ad ontok May 23, 2007. Linoyog ontok August 14, 2007.
  12. ↑ 12.0 12.1 Toshio Katsuki. (2015) Sakura. pp.86-95 p.106 pp.166-168 Iwanami Shoten. ISBN 978-4004315346
  13. ↑ Toshio Katsuki. (2015) Sakura. pp.178-182. Iwanami Shoten. ISBN 978-4004315346
  14. ↑ Toshio Katsuki (2015). Sakura p.93 pp.103-104. Iwanami Shoten. ISBN 978-4004315346
  15. ↑ Toshio Katsuki. (2015) Sakura. pp.2-7 pp.156-160 Iwanami Shoten. ISBN 978-4004315346
  16. ↑ Toshio Katsuki. (2015) Sakura. pp.115-119 Iwanami Shoten. ISBN 978-4004315346
  17. ↑ Buchanan, Daniel Crump (1973). Japanese Proverbs and Sayings. University of Oklahoma Pres. p. 175. ISBN 0-8061-1082-1.
  18. ↑ Trimnell, Edward (2004). Tigers, Devils, and Fools: A Guide to Japanese Proverbs. Beechmont Crest Publishing. p. 41. ISBN 0-9748330-2-9.
  19. ↑ Akasegawa, Genpei (2000). Sennin no sakura, zokujin no sakura: Nippon kaibo kiko (id boros Jepun). Osaka Seikei University, Kyoto, Japan: JTB Nihon Kotsu Kosha Shuppan Jigyokyoku. ISBN 978-4-533-01983-8. Pinoopi mantad sand̠ad ontok 2007-04-28. Linoyog ontok 2010-10-22. As cherry blossom front comes up, the whole Japan goes into a war; we just can't sit home and let it go.
  20. ↑ [1] Templat:Deadlink
  21. ↑ Hoskins, Peter (2020-03-20). "Japan cherry blossom season wilted by coronavirus". BBC News (id boros Inggeris British). Linoyog ontok 2020-03-20.
  22. ↑ "Japan's cherry blossom 'earliest peak since 812'". BBC News. 2021-03-30.
  23. ↑ "Japan's cherry blossoms are a marker of natural time — and how climate change is altering it". 19 May 2022.
  24. ↑ Miller-Rushing, Abraham J.; Katsuki, Toshio; Primack, Richard B.; Ishii, Yukio; Lee, Sang Don; Higuchi, Hiroyoshi (2007). "Impact of global warming on a group of related species and their hybrids: Cherry tree (Rosaceae) flowering at Mt. Takao, Japan". American Journal of Botany. 94 (9): 1470–1478. doi:10.3732/ajb.94.9.1470. PMID 21636514. We examined a 25-yr record (1981–2005) of flowering times for 97 trees, representing 17 species and hybrids of cherry (Cerasus sp. or Prunus sp.) grown at Mt. Takao, in Tokyo, Japan. The cherry trees flowered earlier over time, by an average of 5.5 d over the 25-yr study.
  25. ↑ Cleland, E.; Chuine, I.; Menzel, A.; Mooney, H.; Schwartz, M. (2007). "Shifting plant phenology in response to global change" (PDF). Trends in Ecology & Evolution. 22 (7): 357–365. Bibcode:2007TEcoE..22..357C. doi:10.1016/j.tree.2007.04.003. PMID 17478009. The longest and best known phenological records come from the Far East and Europe, including ... the 1300+-year Kyoto cherry blossom time series [37]... These longterm historical records can serve as proxies for temperature where thermometer data are unavailable.[noputan di napatai sogigisom]
  26. ↑ "Spring flower festival events". Seoul Metropolitan Government. Pinoopi mantad sand̠ad ontok February 2, 2009. Linoyog ontok August 18, 2007.
  27. ↑ "HISTORY OF THE CHERRY TREES". National Park Service, United States.
  28. ↑ "National Cherry Blossom Festiva". Official Site. Linoyog ontok August 16, 2007.
  29. ↑ "International Cherry Blossom Festival Online". Official Site. Pinoopi mantad sand̠ad ontok July 11, 2012. Linoyog ontok August 16, 2007.
  30. ↑ "Brooklyn Botanic Garden Celebrates Hanami". Brooklyn Botanic Garden, Brooklyn, New York. Pinoopi mantad sand̠ad ontok August 8, 2007. Linoyog ontok August 17, 2007.
  31. ↑ "Subaru Cherry Blossom Festival of Greater Philadelphia". Japan America Society of Greater Philadelphia, Philadelphia, Pennsylvania. Linoyog ontok August 17, 2007.
  32. ↑ "Branch Brook Park FAQs". Linoyog ontok March 26, 2016.
  33. ↑ Di Ionno, Mark (27 March 2016). "The story behind Branch Brook Park's cherry blossom trees". The Star-Ledger. Linoyog ontok 9 February 2018.
  34. ↑ ""This is why I live here!" exclaims many a Vancouverites during cherry blossom season". www.destinationvancouver.com (id boros Inggeris AS). Linoyog ontok 2024-02-23.
  35. ↑ "Passeggiata del Giappone". rerumromanarum.com.
  36. ↑ "Kungsträdgården norra delen 1997-98". silvertlindblom.se. January 18, 2015.
  37. ↑ "Hanami – körsbärsblomningen i Kungsträdgården". silvertlindblom.se. July 15, 2018.
  38. ↑ "Best Places For Cherry Blossoms In Paris". This Life Of Travel (id boros Inggeris AS). 2023-03-14. Linoyog ontok 2024-02-23.
  39. ↑ Bawden, Tom (2020-03-27). "National Trust asks public to take a moment to enjoy the blossom". inews.co.uk (id boros Inggeris). Linoyog ontok 2022-07-15.
  40. ↑ "Blossom watch". National Trust (id boros Inggeris). Linoyog ontok 2022-07-15.

Noputan labus

[simbanai | simbanai toud]