Cougar

C'l artìcul chè 'l è scrit in Miranduléś

La Cougar (ch'a vōl dir “Puma” in Emigliàn, a s lèś /ˈkuːɡə/ in Ingléś) l'è na dóna madùra ch'in dal gèrg americàṅ e britànic la dà la casa a i masć śōvan e ch'la s cumpòrta cuma na magna-óm^[1]. La paròla l'è stada druàda in cla manéra chè par la prima vòlta in Cànada. In Itàglia i li ciàm'n anc tardóni o panteróni.

In gènar l'è na paròla ch'la s riferìs a cal dóni fra i Quarànta e i Sinquànt' an^[2]^[3] anc se però i n èṅ minga tut 'd acòrd: par 'l ABC News la paròla "cougar" la figùra dal dóni ch'i vàn'n a lèt cun di óm ch'i gh'àṅ almànc nóṿ an manc^[2] mént'r al New York Times e Vogue i la dróan par descrìv'r al dóni ad sōvar di quarànta ch'i péscan rabìdi di masć fra i vint e i trénta da ciulàr-as^[3]^[4]. Par qvéi 'd La Repubblica p'r a n èsar minga cumpatìdi da la gint, al cougar i gh'aṅ 'd avér interès sōl p'r i óm ch'i gh'aṅ almànc la mità di sò an più sèt^[5], secónd la fórmula:

$eM>{\frac {eF}{2}}+7$

in dua eM i èṅ i an di masć e eF i èṅ i an dla fémna cougar. Par far 'n eśèmpi quànd l'atōra Jennifer Aniston la s éra misa a quarànt'an c'n al cantànt John Mayer ad trént'òṅ, l'iva fat un quèl che la società la psiva anc cumpatìr-as parchè 40 divìś 2 più 7 a fà vint-sèt ch'l è più bas di an dal sò óm.

Foravìa la paròla la pōl andàr bèṅ in gènar anc par tut cal dóni ch'i s métan c'n un ragàs dimóndi più śōv'n ad lē^[6]^[7]: 'l è par qvést che soquànt star 'd Hollywood, cuma la Demi Moore durànt la sò stòria cun Ashton Kutcher, i èṅ stadi batśàdi cuma dal cougar. Àtri cougar famóśi in gir p'r al mónd i èṅ la Lory Del Santo, la Madonna, la Valeria Golino, la Corinne Clery, la Susan Sarandon, la Mariah Carey, la Jennifer Lopez, la Courteney Cox e la Giuliana De Sio^[8].

Al presidènt francéś Emmanuel Macron al gh'à na mujér più vècia 'd lò 'd vint-quàt'r an, la sò èx mistra 'd létri a i tèmp dal lìceo Brigitte Trogneux, ch'i sò aversàri i aṅ batśâ cuma na “cougar ambisióśa”^[9].

La psicòluga Chiara Simonelli l'à definî la cougar cuma la "cartìna ad turnasōl dla società ucidentàla e dla cundisiòṅ nóva dla fémna" in dua anc a cal dóni 'l è parmìs 'd avér di muróś dimóndi śōvan^[10].

In tut al manéri un studi su vintadū-mila dóni ad quatórdas paéś fat da l'Università metrupulitàna ad Cardiff su la difarénsa in di an in dal còpi 'l à stabilî che quànd che lōr i vàn'n in sla réda internet a pascàr di incóntar, in gènar i vōlan catàr di óm più grand o grand cumpàgn a difarénsa di masć ch'i péscan dal dóni più śōvni^[11].

Tgnénd adrē a na risérca dal 2017 'd un sit specialiśâ, in Itàglia al cougar più inśgórdi i èṅ al milanéśi ch'i gùs'n in mèdia duśènt vòlti 'l an méntar qvéli più malnéti ch'i n gh'aṅ vargóggna 'd gnint i èṅ qvéli dl'Emìglia-Rumàgna^[12].

At pó dar 'n òć anc a...

Milf

Culegamènt estèran

Nòti

↑ Definisiòṅ ad Cougar in dal disiunàri di ślang The Online Slang Dictionary
↑ ^2,0 ^2,1 "Are More Older Women With Younger Men?", ABC News, 5 ad Maǵ dal 2005
↑ ^3,0 ^3,1 "Rethinking the Older Woman-Younger Man Relationship", The New York Times, 14 'd Utóbar dal 2009
↑ Un gènar nóṿ ad dóni: la cougar, Vogue, 26 'd Utóbar dal 2011
↑ Urban Cougar, la dóna casadōra ch'la fà suo i śuvnòt cun dal stîl, Repubblica.it, 18 ad Dicémbar dal 2008
↑ For Would-Be Cougars, the Prom Is a Good Start, The New York Times, 25 ad Maǵ dal 2012
↑ Can a 16-Year-Old Girl Be a Cougar? Asks the New York Times
↑ Jennifer Lopez, Sharon Stone, Rita Rusic e Lory Del Santo: al dóni ch'i preferìs'n i óm più śōvan, Oggi, 25 'd Agóst dal 2015
↑ Frància, chi l'è la Brigitte, l'èx insgnànta (e adès mujér) 'd Emmanuel Macron, Il Corriere della Sera, 25 'd Avrìl dal 2017
↑ «Dóni Cougar? A n è piò 'n scàndal divuràr di ragàs śugàtui», 29 'd Utóbar dal 2010
↑ Michael J. Dunn, S. Brinton & Clark, Universal sex differences in online advertisers age preferences: comparing data from 14 cultures and 2 religious groups
↑ Milàṅ al gh l'à calda - Al "Cougar" meneghìni i èṅ al più inśgórdi 'd Itàglia: i faṅ sès 200 vòlti a 'l an - Gl'emigliàni e 'l rumagnōli i n gh'aṅ vargóggna 'd gnint, al napuletàni e 'l sicigliàni al più sudisfàti méntar p'r al rumàni a vâl al dit “Fém-al strâṅ” - Ca'l chè 'l sudàǵ, Dagospia

[1] Definisiòṅ ad Cougar in dal disiunàri di ślang The Online Slang Dictionary

[more-2] 2,0 ^2,1 "Are More Older Women With Younger Men?", ABC News, 5 ad Maǵ dal 2005

[york-3] 3,0 ^3,1 "Rethinking the Older Woman-Younger Man Relationship", The New York Times, 14 'd Utóbar dal 2009

[vogue-4] Un gènar nóṿ ad dóni: la cougar, Vogue, 26 'd Utóbar dal 2011

[repubblica-5] Urban Cougar, la dóna casadōra ch'la fà suo i śuvnòt cun dal stîl, Repubblica.it, 18 ad Dicémbar dal 2008

[6] For Would-Be Cougars, the Prom Is a Good Start, The New York Times, 25 ad Maǵ dal 2012

[7] Can a 16-Year-Old Girl Be a Cougar? Asks the New York Times

[8] Jennifer Lopez, Sharon Stone, Rita Rusic e Lory Del Santo: al dóni ch'i preferìs'n i óm più śōvan, Oggi, 25 'd Agóst dal 2015

[9] Frància, chi l'è la Brigitte, l'èx insgnànta (e adès mujér) 'd Emmanuel Macron, Il Corriere della Sera, 25 'd Avrìl dal 2017

[10] «Dóni Cougar? A n è piò 'n scàndal divuràr di ragàs śugàtui», 29 'd Utóbar dal 2010

[11] Michael J. Dunn, S. Brinton & Clark, Universal sex differences in online advertisers age preferences: comparing data from 14 cultures and 2 religious groups

[dagospia-12] Milàṅ al gh l'à calda - Al "Cougar" meneghìni i èṅ al più inśgórdi 'd Itàglia: i faṅ sès 200 vòlti a 'l an - Gl'emigliàni e 'l rumagnōli i n gh'aṅ vargóggna 'd gnint, al napuletàni e 'l sicigliàni al più sudisfàti méntar p'r al rumàni a vâl al dit “Fém-al strâṅ” - Ca'l chè 'l sudàǵ, Dagospia

[1]

[2]

[3]

[4]

[5]

[6]

[7]

[8]

[9]

[10]

[11]

[12]