Leprechaun 3
|
C'l artìcul chè 'l è scrit in
Miranduléś |
 Leprechaun 3
| ||
 La Caroline Williams in na figùra dal film | ||
| id. 1995 | ||
|---|---|---|
| Regìa: Brian Trenchard-Smith | ||
| Scritōr: Mark Jones • David DuBos | ||
| Atōr: Warwick Davis • John Gatins • John DeMita Lee Armstrong • Michael Callan • Marcelo Tubert Caroline Williams • Tom Dugan • Roger Hewlett | ||
| Müsica: Dennis Michael Tenney | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Leprechaun 3 (id.) 'l è 'n film ad scarésa americàṅ dal 1995 ad Brian Trenchard-Smith, séguit ad Leprechaun e 'd Leprechaun 2.
'L è vgnû fóra diretamènt p'r al marcâ d'l home video, custànd dū migliòṅ e mèś ad dòlar a 'l incìrca.
Sunt
Turnâ in vita dòp èsar dvintâ na statṿa, Lubdan al leprecàṅ (Warwick Davis) al s mōṿ adès par la sità 'd Las Vegas. In dla “sità dal pcâ”, par śugàr a 'l caśinò, i èn rivâ anc un ragàs ciamâ Scott McCoy (John Gatins) e la Tammy Larsen (Lee Armstrong), na śuvnòta bcada par strada che lò 'l à fat muntàr sù esénd ch'la gh'iva présia 'd andàr a lauràr cuma asistènta in un spetàcul dal mâg Fazio (John DeMita).
Dòp avēr pardû incòsa a la roulette, Scott al cata na munéda dal leprecàṅ e i sò deśidèri 'd vìnsar dimóndi a 'l śōg i dvèntan véra. Dòp ch'al fulét al gh'à dâ na murśgàda, la munéda la pasa a dū impiegâ dal caśinò, Mitch (Michael Callan) e la Loretta (Caroline Williams). Al prim al dmanda 'd psēr andàr a lèt cun la Tammy, la secónda 'd turnàr śōvna. Chi lōr dū i vìnan cuntintâ ma pò al leprecàṅ al s mét in mèś masànd-i. 'L óm al finìs fulgurâ méntar la dóna la mōr dòp ch'i sò làbar, al sò téti e 'l sò cûl i ìvan tacâ a infiàr-as in fiṅ a scupiàr.
In cal méntar Scott e la Tammy i càtan la pgnata 'd òr dal leprecàṅ, purtròp però al murśgòt patî prima da 'l fulét catìṿ 'l al custrìnś a 'ndàr a 'l uśdàł.