C'l artìcol chè 'l è scrit in Carpśàn |
Al mât 'l è cal cristiàn che, per di quelc procês mentêl ch'i nn'ìn minga andê p'r al vers giùst, al n'gh'la chèva minga 'd stèr bèin in mêś ala gint, e gnanc 'd adatères a 'l só manéri civìli, e dòunca al prèv agitères, fèr di quèlc gest dimòndi stràn, e finànc edvintèr catìv cun se stès e cun chièter.
Minga in tùti el socetê e gnanch ed lung a 'l tèimp, i mât i àn catê chel curi ch'i gh'avrèven avû biśògn. Cun eli arcmandasiòun a 'l riguèrd edla salùt da pèrt edl OMS, a 'l dè 'd incō i mât i vinen tgnû drē dai specialìsta, ch'i gh'àpien da mijorèr el só cundisiòun dàintr in dla socetê, piutòst che andèr a 'l indrē s'i fùsen lasê andèr per só còunt.