Anthony Robbins
| Anthony Robbins | |
|---|---|
 verkisto, profesia motivigisto kaj parolisto | |
| Persona informo | |
| Naskonomo | Anthony J. Mahavoric |
| Naskiĝo | la 29-an de februaro 1960 en Glendora, Kalifornio, Usono |
| Lingvoj | portugala |
| Ŝtataneco | Usono 
|
| Alma mater | ESIC University (en) 
|
| Familio | |
| Infano | Jairek Robbins (en)
|
| Okupo | |
| Okupo | motivational speaker (en) manager (en) life coach (en) aktoro verkisto entreprenisto
|
| Verkoj | Unlimited Power |
| TTT | |
| Retejo | https://www.tonyrobbins.com/ |
Anthony Robbins aŭ malpli longe Tony Robbins (origina nomo Anthony J. Mahavick, naskiĝis la 29-an de februaro 1960) estas usona verkisto de memhelpa literaturo, profesia motivigisto kaj parolisto en memhelpaj eventoj, kiu aktivas tiuteme ekde pli ol 30 jaroj. Li konatiĝis per siaj memhelpaj libroj "Nelimigita forto: la nova scienco de persona atingado" ("Unlimited Power: The New Science Of Personal Achievement", publikigita dum 1987) kaj "Vekante la internan giganton" ("Awaken The Giant Within", publikigita dum 1992).
Anthony Robbins verkas pri sanceco kaj persona energio, supero de timoj, konvinka komunikado, kaj plibonigo de la personaj interhomaj rilatoj. Aldone al siaj libroj, li publikigis multajn sondosierojn kaj edukajn filmojn pri tiuj temoj, kaj aparte sukcese prezentas grandajn scenejajn eventojn en Norda Ameriko kaj Eŭropo (precipe en Londono kaj Frankfurto-ĉe-Majno), en kiu li komunikas siajn ideojn al miloj da partoprenantoj. Liaj verkoj kaj scenejaj prezentoj uzas multajn elementojn de Neŭro-lingvistika programado kaj psikoterapiajn teknikojn de Milton Erickson. La seminariegoj de Anthony Robbins ankaŭ utiligas fajrokuradon kiel metaforo por la supero de timoj kaj limigaj kredoj.
Liaj seminariegoj estas persone impresaj, kvankam sufiĉe multekostaj kaj tial aparte vizitataj de entreprenaj gvidistoj kaj aliaj ekonomie relative bonstataj personoj. Pluraj esperantistaj psikoterapiistoj dum la lastaj jaroj kunlaboris kun Anthony Robbins, kaj laboris kiel helpantoj en liaj seminariegoj, spertante ilin "malantaŭ la kulisoj": inter ili estis ekzemple la psikologino Remi Rudaitytė kaj ankaŭ la kuracisto Thomas Pusch, kiuj inter la jaroj 2001 kaj 2003 aktivis kiel helpistoj kaj tradukistoj en la eŭropaj seminariegoj de Anthony Robbins en Frankfurto-ĉe-Majno.
Eksteraj ligiloj
[redakti | redakti fonton]- oficiala retejo de Tony Robbins
- oficiala mesaĝejo de Tony Robbins Arkivigite je 2021-01-20 per la retarkivo Wayback Machine
- retejo de la "fondaĵo Anthony Robbins"
Pliaj retaj ligiloj anglalingvaj, kaj ampleksa listo pri liaj anglalingvaj publikaĵoj, troveblas en la anglalingva vikipedia artikolo pri li.