Aŭtomatigita Translokiga Veturilo
| Kosmoŝipo ATV | ||
|---|---|---|
| ||
| Priskribo | ||
| Funkcio: | Provizi la Internacian Kosmostacion je brulaĵoj, akvo, aero, ktp. | |
| Ŝipanaro: | Ne homporta | |
| Dimensioj | ||
| Alto: | 10,3 m | |
| Diametro: | 4,5 m | |
| Utila ŝarĝo: | ~9 000 kg | |
Automated Transfer Vehicle ("aŭtomatigita translokiga veturilo", mallongigo: ATV) estas aŭtomata ne homporta kosmoŝipo desegnita por la Eŭropa Kosma Agentejo por provizi la Internacian Kosmostacion je brulaĵo, akvo, aero, utila ŝarĝo kaj eksperimentaĵoj. Ĝi povas ankaŭ plialtigi la orbiton de la kosmostacio.
Ĉiu kosmoŝipo estas lanĉita per raketo Ariane 5 ekde Kourou, Franca Gujano. Post du tagoj da flugado ĝi aŭtomate endokiĝos en la rusan modulon Zvezda de la Internacia Kosmostacio. La unua, ATV-001 Jules Verne, estis lanĉita la 9-an de marto 2008. La dua, ATV-002 Johannes Kepler, estis lanĉita la 17-an de februaro 2011 kaj la tria, ATV-003 Edoardo Amaldi, estis lanĉita la 23-an de marto 2012.