Büchslen

Büchslen
Blazono de Büchslen
Blazono de Büchslen
Vilaĝeniro de Büchslen
Vilaĝeniro de Büchslen
former municipality of Switzerland • vilaĝo • kvartalo
Kantono	Friburgo
Distrikto	Lagodistrikto
Koordinatoj	46° 56′ 42″ N 7° 10′ 47″ O / 46.94500 °N, 7.17972 °O / 46.94500; 7.17972 (mapo)Koordinatoj: 46° 56′ 42″ N 7° 10′ 47″ O / 46.94500 °N, 7.17972 °O / 46.94500; 7.17972 (mapo)
Nombro de loĝantoj	177
Areo	1,55 km²
Alteco	511 m super marnivelo
Poŝtkodo	3215
Komunumkodo	2244
Mapo de Büchslen
Mapo de Büchslen
v • d • r

Büchslen (en la franca lingvo Buchillon) estas komunumo en la Lagodistrikto en Kantono Friburgo, Svislando. Ĝi havis 177 loĝantojn je la 31-a de decembro 2010.

Geografio

Büchslen situas oriente de la arbaro de Morato en la sudo de la Granda Marĉo. La komunumo konsistas el la vilaĝo Büchslen kaj kelkaj izolitaj bienoj.^[1]

La teritorio de la komunumo etendiĝas sur areo de 1,55 km², de kiuj 13,0% estas kovritaj de arbaro, 78,3% servas por agrikulturo kaj 8,7% por setlado. ^[2]

Najbaraj komunumoj

La komunumo Büchslen limas en nordo al Ried ĉe Kerzers, en oriento al Gempenach, en sudo al Lurtigen, en sudokcidento al Morato, kaj en okcidento al Galmiz.

Trafiko

Tra la komunumo pasas la grava kantona ĉefvojo n-ro 1 de Zuriko al Ĝenevo. La plej proksima alveturejo al la svisa aŭtovojo A1 troviĝas proksimume 3 kilometrojn norde de la komunumo apud Kerzers. La komunumo ne disponas pri propra konekto al la publika transportreto.

Historio

La unua dokumenta mencio de Büchslen datiĝas el la jaro 961 kiel Buoch. En la jaro 1339 aperis la franclingva formo Buchillion. Ekde la 12-a jarcento Büchslen apartenis al la priorejo Payerne. Poste ĝi fariĝis havaĵo de la urbo Morato. Dum la Burgonjaj Militoj en la jaro 1475 Büchslen kune kun Morato estis konkerita de Friburgo kaj Berno fariĝis komuna havaĵo de la du urboj. Okaze de la Helveta Revolucio de 1798 Büchslen fariĝis parto de Kantono Friburgo kaj estis surbaze de la konstitucio de 1848 atribuita al la Lagodistrikto.^[3]

Notoj kaj referencoj

1. Fonto: Reta mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Jean-François Steiert: Büchslen en Historia Leksikono de Svislando (2003-01-29)

Eksteraj ligiloj

• Kategorio Büchslen en la Vikimedia Komunejo (Multrimedaj datumoj)

• Oficiala retejo de la komunumo Büchslen^{[rompita ligilo]}

Bildoj

• 
  Komunuma domo kaj lernejo Büchslen
• 
  Vilaĝa strato
• 
  Faktrabdomo en la vilaĝocentro
• 
  Strato en la vilaĝocentro