Goldingen

Tiu ĉi artikolo temas pri la komunumo Goldingen en Svislando. Dum multaj jaroj ankaŭ historia mezepoka hansa urbo en Baltio havis la nomon Goldingen - nun ĝi oficiale havas la latvan nomon Kuldīga.

Goldingen
Blazono de Goldingen Flago de Goldingen
Blazono kaj flago de Goldingen
Goldingen vidita de Haspel
Goldingen vidita de Haspel
vilaĝo • former municipality of Switzerland
Kantono	Sankt-Galo
Distrikto	Elektodistrikto See-Gaster
Koordinatoj	47° 16′ 0″ N 8° 58′ 0″ O / 47.26667 °N, 8.96667 °O / 47.26667; 8.96667 (mapo)Koordinatoj: 47° 16′ 0″ N 8° 58′ 0″ O / 47.26667 °N, 8.96667 °O / 47.26667; 8.96667 (mapo)
Nombro de loĝantoj	1044
Areo	22,11 km²
Alteco	705 m super marnivelo
Poŝtkodo	8638
Komunumkodo	3333
Mapo de Goldingen		priskribo de mapo=Mapo de Goldingen
v • d • r

Goldingen estas komunumo en la elektodistrikto See-Gaster, Kantono Sankt-Galo, Svislando. Ĝi havis 1044 loĝantojn je la 31-a de decembro 2006.

Geografio

Goldingen situas 5 km oriente de Wald ZH super la Linth-Ebenaĵo. Tra la komunumo fluas la rojo Goldingerbach, kiu formas la Valon de Goldingen. En nordoriento de Goldingen situas la monto Atzmännig, kiu estas ŝatata ekskurscelo. La komunumo Goldigen konsistas el la vilaĝoj Goldigen kaj Hintergoldigen, kaj la setlejoj Rossfallen, Vordersagen, Egligen, Hinterbergen, Echeltschwil kaj Riederen, kaj multnombraj izolitaj bienoj.^[1]

Najbaraj komunumoj

La komunumo Goldingen limas en nordo al Fischenthal (ZH), en nordnordoriento al Mosnang, en nordoriento en unu punkto al Wattwil, en oriento kaj sudo al Sankt-Gallenkappel, en sudokcidento al Eschenbach, kaj en okcidento kaj nordokcidento al Wald (ZH).

Trafiko

Goldigen situas flanke de la gravaj trafikvojoj. La kantona vojo n-ro SG37 kondukas de Eschenbach tra Goldigen kaj pasejo al Wald. Golgingen atingeblas per poŝtaŭtobuso ek de Uznach, Schmerikon kaj Eschenbach SG. De Goldingen seĝtelfero kondukas al la monto Atzmännig, kie somere funkcias somersledvojo kaj vintre estas skiregiono.

Historio

La unua dokumenta mencio de Goldingen sub la nomo Goldelingin datiĝas el la jaro 1266. En la jaro 1641 kelkaj kamparanoj en la valo konstruis kapelon, je kies loko estis konstruita preĝejo en la jaro 1679. Ĉirkaŭ la preĝejo estiĝis vilaĝo, kiu fine de la 18-a jarcento alprenis la nomon Goldingen kaj je la Helveta Revolucio fariĝis memstara komunumo de la tiama Kantono Linth. Post la fino de la Helveta Respubliko ĝis aliĝis al la nove fondita Kantono Sankt-Galo.^[2]

Notoj kaj referencoj

1. Fonto: Reta Mapo 1:20000 de Swisstopo^{[rompita ligilo]}
2. Fonto: Alois Stadler: Goldingen en Historia Leksikono de Svislando (2005-11-25)

Eksteraj ligiloj

• Kategorio Goldingen en la Vikimedia Komunejo (Multrimedaj datumoj)

• Oficiala retejo de la komunumo Goldingen

Bildoj

• 
  Goldingen kaj seĝtelfero al Atzmännig
• 
  Vilaĝocentro de Goldingen
• 
  Preĝejo de Goldingen
• 
  La preĝejo de interne