Gábor Szegő [segO], laŭ hungarlingve kutima nomordo Szegő Gábor estis hungara matematikisto, profesoro, honora membro de Hungara Scienca Akademio (1965).
Gábor Szegő [1] naskiĝis la 20-an de januaro 1895 en Kunhegyes. Li mortis la 7-an de aŭgusto 1985 en Palo Alto.
Gábor Szegő devenis el juda familio. Li frekventis gimnazion en Szolnok, universitaton en Budapeŝto, kie li lernis ekzemple de Lipót Fejér, József Kürschák, Manó Beke. Li lernis ankaŭ en universitatoj de Berlino kaj Göttingen. inter 1915-1918 li batalis en la 1-a mondmilito. En 1918 li doktoriĝis en universitato en Vieno. En la sekva jaro li estis vicprofesoro en la teknikuniversitato en Budapeŝto. En 1921 li translokiĝis al Berlino, poste li instruis en Königsberg. Pro la nazioj li rifuĝis al Usono, kie en Stanford li estis katedrestro ĝis 1953.