Imperatriz (Maranjo)

Imperatriz
Fotomontaĵo
municipo de Brazilo ; urbego vd
Flago	Blazono
Administrado
Poŝtkodo	65900-000
En TTT	Oficiala retejo [+]
Demografio
Loĝantaro	273 110 (2022) [+]
Loĝdenso	199 loĝ./km²
Geografio
Geografia situo	5° 32′ S, 47° 29′ U (mapo)-5.5258333333333-47.475833333333Koordinatoj: 5° 32′ S, 47° 29′ U (mapo) [+]
Alto	95 m [+]
Areo	1368,987 km² (13 689 8.7 ha) [+]
	Imperatriz (Brazilo)
	Situo de Imperatriz
Alia projekto
	Vikimedia Komunejo Imperatriz [+]
	v • d • r

Imperatriz estas municipo kaj signifa universitata urbego de la brazila subŝtato Maranjo.

Bazaj informoj

Areo: 1,367.9 km²
Supermara alteco: 95 m
Loĝantaro: 250,063 (municipo en 2012)
Horzono: UTC -3 (somere UTC -2)
Poŝtkodo: 65900-000
Telefonkodo:
Aŭtokodo:
05° 31′ 33″ S 47° 28′ 33″ U / 5.52583 °S, 47.47583 °U / -5.52583; -47.47583 (mapo)

Situo

Imperatriz situas laŭ la dekstra bordo de la rivero Tokantinsa en rando de la subŝtato. Belém troviĝas 468, São Luís (subŝtata ĉefurbo) 490, Teresina 519, Braziljo 1141, Goiânia 1253, Salvador de Bahio 1286, Natalo (Brazilo) 1358, Maceió 1376, Manaus 1417, Recife 1418, Belo Horizonte 1645, Campo Grande 1829, Campinas 1932, Nova Iguaçu 1964, Rio-de-Ĵanejro 1985, Guarulhos 1997, San-Paŭlo (urbo) 2004, Curitiba 2220, Porto Alegre 2753 km.

Historio

Eŭropaj aventuristoj alvenis al la nuna Imperatriz en la malfrua 16-a jarcento. La fondo okazis en 1852 tri jarojn post foriro de ekspedicio el Belém. La vilaĝo tiam havis la loknomon Vilaĝo de Sankta Therese de Tocantins. Post kvar jaroj la nomo ŝanĝiĝis al Imperatriz Teresa Cristina, kiu poste mallongiĝis al simpla Imperatriz. La urbiĝo okazis en 1924. La interliga ŝoseo al la subŝtata ĉefurbo estis konstruita en 1953. La konstruo de la Belém-Braziljo ŝoseo en 1958 rezultigis rapidan ekonomian kaj loĝantarkreskojn de la urbo.

Ekonomio

Imperatriz estas ĉefe komerca, industria kaj serva komunumo. Menciindas ankaŭ la terkultivado kaj brutbredado, kiu kreis lokajn buĉejojn. La viando estas sendita eĉ al eksterlando. La plej gravaj kultivaĵoj de la areo estas sojoj, rizoj, sukerkanoj, maniokoj kaj lignaĵoj. En la proksimeco signifa hidroelektra centralo kaj uzino pri paperoj funkcias.

Klimato

Imperatriz havas veran tropikan klimaton. La tutjara averaĝa temperaturo varias inter 22-32 °C. Jare pluvas po 1320 mm. En ĉiuj monatoj pluvas, sed la pluvsezono daŭras inter novembro-aprilo, la seka sezono inter majo-oktobro. La vetero abrupte ŝanĝiĝas, laŭ la loĝantoj "atendu kvin minutojn kaj la vetero ŝanĝiĝos", alia opinio: "kvar sezonoj dum unu tago".

Trafiko

En Imperatriz flughaveno (Pref. Renato Moreira Airport) funkcias. La urbego havas 4 ŝoseojn, el tio unu trairas la riveron. La rivero mem estas navigebla, fine ankaŭ fervojo funkcias.

Ĝemelurboj

Teresina, Brazilo

Fontoj

Portugala Vikipedio helpe de Guglo
Angla Vikipedio helpe de WikiTrans
mapo, distancoj Arkivigite je 2015-12-23 per la retarkivo Wayback Machine