Inwil LU

- La mallongigo LU en Inwil LU staras por la svisa Kantono Lucerno. Por aliaj signifoj de la nomo vidu sub Inwil.

---

Inwil
Blazono de Inwil
Blazono de Inwil
Inwil
Vilaĝocentro de Inwil kun preĝejo
komunumo en Svislando
Kantono	Lucerno
Distrikto	Hochdorf
Koordinatoj	47° 7′ 20″ N 8° 21′ 1″ O / 47.12222 °N, 8.35028 °O / 47.12222; 8.35028 (mapo)Koordinatoj: 47° 7′ 20″ N 8° 21′ 1″ O / 47.12222 °N, 8.35028 °O / 47.12222; 8.35028 (mapo)
Nombro de loĝantoj	2140
Areo	10,32 km²
Alteco	423 m super marnivelo
Poŝtkodo	6034
Komunumkodo	1033
Mapo de Inwil
Mapo de Inwil
v • d • r

Inwil estas komunumo en la distrikto Hochdorf en Kantono Lucerno, Svislando. Ĝi havis 2140 loĝantojn je la 31-a de decembro 2008.

Geografio

La Inwil etendiĝas de la suda fino de la montoĉeno Lindenberg, la tiel nomita Inwilerberg [monto de Inwil] ĝis la norda bordo de la rivero Reuss.

Najbaraj komunumoj

La komunumo limas en nordo al Ballwil, Sins kaj Dietwil (la lastaj du situas en Kantono Argovio), en oriento al Honau kaj Gisikon, en sudo al Root kaj Buchrain, kaj en okcidento al Eschenbach.

Trafiko

Inwil estas konektita al la publika trafikreto per la loka buslinio 22 de Lucerno.

La komunumo disponas pri komuna alveturejo kun Gisikon al la nacia svisa aŭtovojo A14 en distanco de 4 km de la vilaĝo centro.

Historio

La unua dokumenta mencio de Inwil datiĝas el la jaro 1145 kiel Ingenwilare.

Sur la teritorio de la komunumo situas la restaĵoj de kastelo de la Senjoroj de Iberg. Inwil apartenis kune kun la preĝejo kaj kelkaj liberaj bienoj supozeble al la jurisdikcio de la Baronoj de Eschenbach. Apud Fahr, malnova pasejo trans la rivero Reuss troviĝas la restaĵoj de setlejo, kiu estis loĝita dum la 11-a kaj 12-a jarcentoj, kaj la ruinoj de la urbeto Eschenbach, kiu estis detruita en la jaro 1309. Tiu loko hodiaŭ nomiĝas Alt-Eschenbach (Malnoveschenbach).

Post la reĝmurdo en la jaro 1308 la Habsburgoj konfiskis la posedaĵon de la Senjoroj de Eschenbach, kaj Inwil fariĝis servuto de la Senjoroj de Aarburg kaj poste de Lütishofen, kiuj transdonis la rajtojn en la jaro 1479 al la Abatejo Beromünster, kiu siavice en la jaro 1480 integriĝis al Lucerno. Ĝis la jaro 1798 la komunumo apartenis al la lucerna voktejo Rothenburg kaj ek de tiam al la unue helveta kaj ek de 1803 lucerna distrikto Hochdorf.

Vidu ankaŭ

• Aliaj lokoj kun la nomo Inwil

Eksteraj ligiloj

• Kategorio Inwil LU en la Vikimedia Komunejo (Multrimedaj datumoj)

• Oficiala retejo de la komunumo Inwil
• Inwil en la Historia Leksikono de Svislando
• Profilo de la komunumo en la retejo de la kantono

Bildoj

• 
  Preĝejo Inwil
• 
  Interno de la preĝejo
• 
  Vilaĝeniro
• 
  Trafikcirklo en la vilaĝocentro