Johann Gottfried Seume
| Johann Gottfried Seume | |
|---|---|
| |
| Persona informo | |
| Naskiĝo | 29-an de januaro 1763 en Poserna |
| Morto | 13-an de junio 1810 (47-jaraĝa) en Teplice |
| Lingvoj | germana |
| Ŝtataneco | Reĝlando Saksio 
|
| Alma mater | Universitato de Lepsiko
|
Memorigilo 
| |
| Okupo | |
| Okupo | poeto tradukisto komponisto
|
| TTT | |
| Retejo | http://www.seume.de/ |
Johann Gottfried SEUME [johan gotfrit sojme] (n. la 29-an de januaro 1763 en Poserna, Saksio, m. la 13-an de junio 1810 en Teplice, Bohemio) estis germana verkisto.
En la jaro 1780 li komencis studi teologion en Leipzig, sed jam post unu jaro li forlasis tiun ĉi karieron por vojaĝi al Parizo. Survoje lin kaptis soldataj varbistoj, kiuj devigis lin al militservo en Norda Ameriko. En 1784 li sukcesis fuĝi al Germanio, sed oni arestis lin kaj nur en 1789 li finfine regajnis la liberecon.
Li studis juron kaj ekde 1796 li laboris kiel korektisto en la eldonejo de sia amiko Georg Joachim Göschen. Ekde 1801 li multe vojaĝis, i.a. al Sicilio, Rusio, Finnlando kaj Svedio, kaj li priskribis siajn impresojn kun speciala rigardo al la sociaj, ekonomiaj kaj politikaj cirkonstancoj. Pro siaj spertoj kiel soldato en Norda Ameriko li pledis por la rajto pri individua kaj popola libereco.
Listo de verkoj
[redakti | redakti fonton]- Spaziergang nach Syrakus im Jahre 1802 (vojaĝraporto, 1803)
- Mein Sommer 1805 (vojaĝraporto, 1806)
- Mein Leben (membiografio, eld. 1813)