Kagajana Valo - filipine Lambak ng Cagayan, ilokeTanap ti Cagayan, hispaneValle del Cagayán - estas unu el 17 administraj regionoj de la ŝtato Filipinoj. Ĝia teritorio grupigas kvin provincojn (en la apuda mapo apud la regiona nomo ĉiuj kolorigitaj en nuancoj de bluo). Ĉiuj el tiuj provincoj havas propran registaron, estratan de guberniestro (gobernador). Por elektoj la provincoj estas subdividitaj al kongresaj distriktoj (distrito), kiuj elektas po deputiton. Dek kvar el la dek sep regionoj de la Filipinoj estas signitaj per numeroj: Kagajana Valo havas la numerigon "2".
La regiono geografie ampleksas la nordorientan parton de la insulo Luzono, kaj aldone la insularon Batanoj norde de Luzono. La teritorio sume kovras areon de 26 838 kvadrataj kilometroj, kaj en 2010 havis 3 229 163 loĝantojn, kio rezultigas loĝdenson de 120 homoj po kvadrata kilometro.
Vikimedia Komunejo: Cagayan Valley [+]
