Malfermita letero estas skribaĵo, kiun iu publikigas kiel flugfolio, en la gazetaro aŭ en aliaj komunikiloj. Per la formo kiel malfermita letero, la ricevinto ofte estas admonata publike komenti la objekton de la skribaĵo. Malfermita letero kelkfoje rilatas al protesto, priskribo de maljusteco kaj tiele peticio aŭ mesaĝo al la gazetaro, kaj ĝin oni povas uzi kiel instrumento por la publikaj rilatoj. Malferma letero povas aldone sendiĝi rekte al la ricevinto/j.
La malfermita letero en sia plej konata formo ofte estas uzata por konfronti personojn de publika intereso, asociojn aŭ entreprenojn al kontraŭecaj konstatoj, neplenumitaj promesoj aŭ malveraĵoj, aŭ uzata por provoki necesan el la vidpunkto de la verkanto agadon de la adresato.
Fakte la variaĵoj estas tre multenombraj, ekzemploj estas malfermitaj leteroj okaze de naskiĝmemoroj (Anne Seghers al Christa Wolf okaze de ties 50a naskiĝmemoro), kiel literatura kritiko (Marcel Reich-Ranitzki al Günter Grass en la gazeto "Der Spiegel"), kiel satiro kaj antaŭ ĉio kiel "noto en la plenda libro de la historio" (cit. B. Dücker)
Unu el la plej famaj malfermaj leteroj (J'accuse) verkis Émile Zola kaj temigis la "Dreyfus-aferon" en la jaro 1898.
En tiu ĉi artikolo estas uzita traduko de teksto el la artikolo "offener Brief" de la germanlingva vikipedio en la versio de la 9-a de junio 2015, 19:46 CET.