Matthew Shepard
| Matthew Shepard | |
|---|---|
| Persona informo | |
| Naskonomo | Matthew Wayne Shepard |
| Naskiĝo | 1-an de decembro 1976 en Casper |
| Morto | 12-an de oktobro 1998 (21-jaraĝa) en Fort Collins |
| Mortokialo | Krania traŭmato 
|
| Tombo | Vaŝingtona Nacia Katedralo (2018–)
|
| Loĝloko | Laramie • Casper |
| Ŝtataneco | Usono
|
| Alma mater | Universitato de Vajomingo - sen valoro Natrona County High School (en)  Catawba College (en) The American School In Switzerland (en)
|
| Familio | |
| Patro | Dennis Shepard (en)
|
| Patrino | Judy Shepard (en)
|
| Okupo | |
| Okupo | studento
|
| TTT | |
| Retejo | http://www.matthewshepard.org/ |
Matthew Wayne SHEPARD (naskiĝis la 1-an de decembro 1976 en Casper, Wyoming, mortis la 12-an de oktobro 1998 en Fort Collins, Kolorado) estis usona studento de la Universitato Wyoming, brutale murdita je la aĝo de 22 jaroj. Esploro de la polico pruvis, ke la sola motivo de la murdo estis malamo kontraŭ samseksemuloj.
La 22-jara Aaron McKinney kaj 21-jara Arthur Henderson logis Matthew Shepard el la universitata kampuso mallonge post la noktomezo la 7-an de oktobro 1998. Ambaŭ interfiksis renkontiĝon kun li, parolante al Matthew, ke ili estas gejoj. Li estis forkaptita kaj forveturita al senhomaj terenoj Sherman Hills, oriente de la urbo. Tie Matthew Shepard estis ligita al ĉirkaŭbarilo, batata kaj torturata. La krimuloj forlasis lin tie, por ke li mortu. Nokte la temperaturo falis al proksimume nulo.
18 horojn poste Shepard estis hazarde trovita de iu biciklisto, kiu komence pensis ke li estas birdotimigilo. Tiam li ankoraŭ vivis, tamen estis en komato. Matthew mortis kvar tagojn poste en malsanulejo je 12:53 sen lucidiĝo.
La kialo de la morto estis la vundoj sur lia cerbo. Krevaĵo de kranio estis de la malantaŭo de la kapo ĝis la dekstra orelo. Sur la vizaĝo kaj kapo li havis dek du vundojn, kiujn la kuracisto ne kuraĝis operacii.
Ambaŭ krimuloj estis ligitaj al la religia movado de la loka pastoro, kiu aktive propagandis kontraŭ samseksemuloj. En juĝejo ili senkulpigis sin poste asertante, ke laŭ ili Dio malamas samseksemulojn kaj ke samseksemuloj estas kondamnitaj por eterna damno. Juĝo kondamnis ilin je la puno de dumviva malliberigo.
Por memorigo
[redakti | redakti fonton]- Lin memorigas fondaĵo de lia nomo – Matthew Shepard Foundation.
- Pri la historio de Matthew Shepard oni faris kelkajn filmojn, i.a.:
- Anatomy of a Hate Crime reĝisorita de Tim Hunter en 2001,
- Projekto Laramie (The Laramie Project) reĝisorita de Moisés Kaufman en 2002,
- The Matthew Shepard Story reĝisorita de Roger Spottiswoode en 2006.
- Elton John dediĉis al li la albumon Songs from the West Coast en 2001.