La provinco Ŝabua (arabe شبوة محافظة, latinliterigo Muḥāfaẓat Šabwa - laŭ sistemo DMG - respektive Muhafazat Ŝabŭa, ankaŭ angle latinliterigata Shabwah, prononco de la araba nomo proksimume [ŝabŭA'], sed ĉar en Esperanto la sono "ŭ" ankaŭ en transskriboj de alilingvaj nomoj ne antaŭvidatas sen antaŭa "a" aŭ "e", la latinliterigo "Ŝabua" prefere al "Ŝabva" restas laŭeble proksima al la origina prononco) estas unu el la 20 provincoj (respektive gubernioj) de Jemeno. Ĝi situas en la sudo de la lando, kaj havas bordon al la Hinda Oceano respective ties Golfo de Adeno.
Laŭ la stato de la censo de 2004 la provinco havis 466 889 loĝantojn. La areo estas 39 000 kvadrataj kilometroj, kaj la loĝdenso rezulte po 12 loĝantoj laŭ kvadrata kilometro. La provinco nomatas laŭ la historia urbo Ŝabua, sed la administra centro de la teritorio estas la nuntempe pli granda urbo 'Atak.
Vikimedia Komunejo: Shabwah Governorate [+]
