Ried ĉe Kerzers
| Ried ĉe Kerzers | |
|---|---|
 | |
| Blazono de Ried ĉe Kerzers | |
_288.JPG) | |
| Vilaĝeniro de Ried ĉe Kerzers | |
| komunumo en Svislando | |
| Kantono | Friburgo |
| Distrikto | Lagodistrikto |
| Koordinatoj | 46° 57′ 26″ N 7° 11′ 15″ O / 46.95722 °N, 7.18750 °O (mapo)Koordinatoj: 46° 57′ 26″ N 7° 11′ 15″ O / 46.95722 °N, 7.18750 °O (mapo) |
|
| |
| Nombro de loĝantoj | 1007 |
| Areo | 7,59 km² |
| Alteco | 511 m super marnivelo |
| Poŝtkodo | 3216 |
| Komunumkodo | 2276 |
 | |
| Mapo de Ried ĉe Kerzers | |
Ried ĉe Kerzers (en la franca lingvo Essert) estas komunumo en la Lagodistrikto en Kantono Friburgo, Svislando. Ĝi havis 1007 loĝantojn je la 31-a de decembro 2010.
Geografio
[redakti | redakti fonton]Ried situas en la Granda Marĉo sude de Kerzers kaj proksimume 6 kilometrojn nordoriente de Morato. La komunumo konsistas el la vilaĝoj Ried (sur alteco de 511 m s.m. en okcidento), Agriswil (sur alteco de 503 m s.m. en oriento) kaj Gurzelen (sur alteco de 451 m s.m. en nordo, nordokcidente de la aŭtvojnodo), kaj kelkaj izolitaj bienoj. Laŭlonge de la orienta kaj norda limo de la komunumo fluas la riverete Bibere. [1]
La teritorio de la komunumo etendiĝas sur areo de 7,59 km², de kiuj 7,1% estas kovritaj de arbaro, 80,2% servas por agrikulturo kaj 11,6% por setlado. [2]
Najbaraj komunumoj
[redakti | redakti fonton]La komunumo Ried ĉe Kerzers limas en nordo al Müntschemier (BE), en nordoriento al Kerzers, en oriento al Gurbrü, en sudoriento al Gempenach, en sudo al Büchslen, en okcidento al Galmiz, kaj en nordokcidento al eksklavo de Morato.
Trafiko
[redakti | redakti fonton]En nordo de la komunumo situas la vojnodo de la svisa aŭtovojo A1 kun la svisa rapidvojo H10, kiu konektas kun interrompo la aŭtovojojn A1 kaj A5. Ĉe la vojnodo ekzistas alveturejo al la aŭtovojo. Pere de konektaj vojoj atingeblas de tie la centro de la komunumo. Per poŝtaŭtolinio de Kerzers al Ulmiz la komunumo estas konektita al la publika transportreto.
Historio
[redakti | redakti fonton]La unua dokumenta mencio de Ried datiĝas el la jaro 1277 kiel Riedes. En la 13-a jarcento ried apartenis al feŭduloj de la Grafoj de Kiburgo kaj fariĝis en la 14-a jarcento havaĵo de la episkopejo Laŭzano, kiel feŭdo de la Grafoj de Savojo, kiuj submetis ĝin al la tribunalo de Morato. Dum la Burgonjaj Militoj en la jaro 1475 Ried kune kun Morato estis konkerita de Friburgo kaj Berno fariĝis komuna havaĵo de la du urboj. Okaze de la Helveta Revolucio de 1798 Ried ĉe Kerzers fariĝis parto de Kantono Friburgo kaj estis surbaze de la konstitucio de 1848 atribuita al la Lagodistrikto.[3]
Kun efiko de la 1-a de januaro 2006 la ĝis tiam aŭtonoma komunumo Agriswil estis integrita al la komunumo Ried ĉe Kerzers. La unua dokumenta mencio de Agriswil datiĝas el la jaro 1275 kiel Agerswyle.[4]
Vidu ankaŭ
[redakti | redakti fonton]- Aliaj lokoj kun la nomo Ried
Notoj kaj referencoj
[redakti | redakti fonton]- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Teksto pri la historio de Ried sur la hejmpaĝo de la komunumo Arkivigite je 2019-02-15 per la retarkivo Wayback Machine
- ↑ Fonto: Jean-François Steiert: Agriswil en Historia Leksikono de Svislando (2009-06-25)
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Ried ĉe Kerzers – (Kolekto de bildoj kaj plurmediaj dosieroj)
Bildoj
[redakti | redakti fonton]-
Faktrabdomoj en la vilaĝocentro de Ried -
Kampara domo en la vilaĝocentro -
Fornodomo -
Vilaĝa placo de Ried -
Vilaĝeniro de Agriswil -
Vilaĝocentro de Agriswil
_293.JPG)
_312.JPG)
_303.JPG)
_316.JPG)
_320.JPG)
_323.JPG)
| ||||||
