Vlasta Chramostová
| Vlasta Chramostová | |
|---|---|
| |
| Persona informo | |
| Naskiĝo | 17-an de novembro 1926 en Brno |
| Morto | 6-an de oktobro 2019 (92-jaraĝa) en Prago,  Ĉeĥio
|
| Lingvoj | ĉeĥa |
| Ŝtataneco | Ĉeĥio Ĉeĥoslovakio 
|
Subskribo 
| |
| Familio | |
| Edz(in)o | Stanislav Milota (en) 
|
| Okupo | |
| Okupo | aktoro filmaktoro teatra aktoro televida aktoro
|
Vlasta Chramostová (naskiĝis la 17-an de novembro 1926 en Brno, mortis la 6-an de octobro 2019 en Prago) estis elstara ĉeĥa teatro- kaj filmaktorino kaj samtempa simbolo de tio, ke parto de la ĉeĥa nacio ne repaciĝis kun sovetia okupado el la aŭgusto 1968. En la 60-aj jaroj ŝi ludis en multaj filmoj kaj en Nacia teatro en Prago, sed post la invado, kiun ŝi kondamnis, ŝi ne plu rajtis publike prezentiĝi. Post 1977, kiam ŝi fariĝis unu el la unuaj subskribintoj de Ĉarto 77, ŝiaj vivkondiĉoj ankoraŭ pli malfaciliĝis. Tamen ŝi en tiu periodo kun kuraĝo sekrete okazigadis en sia loĝejo famajn teatraĵojn por siaj geamikoj. Al la scenejo de Nacia teatro ren Prago ŝi revenis nur post 1989 kaj ŝanĝo de politika reĝimo en Ĉeĥoslovakio. Ekde tiu periodo ŝi ludis en teatroj en Brno kaj Olomouc kaj precipe en fama praga teatro "Divadlo na Vinohradech". Grandan sukceson havis ankaŭ ŝia memuarlibro, kiun ŝi aperigis en 1999.
En 1998 tiama ĉeĥa prezidento Václav Havel atribuis al ŝi Triagradan Ordenon de Tomáš Garrigue Masaryk por elstaraj meritoj pri demokratio kaj homaj rajtoj. En marto 2008 Nacia teatro en Prago honorigis ŝin per prestiĝa premio de "Thalia".
Eksteraj ligiloj
[redakti | redakti fonton]- Filmografio Arkivigite je 2007-12-29 per la retarkivo Wayback Machine ĉeĥe
- Filmografio en Internet Movie Database angle