Vortová

Koordinatoj: 49° 41′ 56″ N 15° 56′ 20″ O / 49.69889 °N, 15.93889 °O / 49.69889; 15.93889 (mapo)

Vortová
municipo
Vortová, malantaŭ rojo
Blazono
Oficiala nomo: Vortová
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Hlinsko
Historia regiono	Bohemio
Montaro	Suprasvratka montetaro, Fera montaro
Rivero	Vortovský potok
Situo	Vortová
- alteco	612 m s. m.
- koordinatoj	49° 41′ 56″ N 15° 56′ 20″ O / 49.69889 °N, 15.93889 °O / 49.69889; 15.93889 (mapo)
Areo	12,14 km² (1 214 ha)
Loĝantaro	228 (2024)
Denseco	18,78 loĝ./km²
Unua skribmencio	1548
Horzono	MET (UTC+1)
- somera tempo	MET (UTC+2)
Poŝtkodo	539 01
NUTS 3	CZ053
NUTS 4	CZ0531
NUTS 5	CZ0531 572527
Katastraj teritorioj	2
Partoj de municipo	2
Bazaj setlejunuoj	2
Situo enkadre de Ĉeĥio Situo enkadre de Ĉeĥio
Vikimedia Komunejo: Vortová
Retpaĝo: www.vortova.cz
Portalo pri Ĉeĥio

Municipo Vortová situas en Ĉeĥio, regiono Pardubice, distrikto Chrudim, en protektata pejzaĝa regiono Žďárské vrchy, en fonta regiono de rivero Chrudimka, 7 km sude de urbo Hlinsko, ĉe neĉefa ŝoseo inter Hlinsko kaj Herálec. Vivas ĉi tie 228 loĝantoj (2024).

La najbaraj municipoj de la setlejo estas Jeníkov, Hamry, Kameničky, Studnice, Chlumětín kaj Herálec (distrikto Žďár nad Sázavou).

Historio

La vilaĝo situas en pentrinda valo de malgranda rivereto, ĉirkaŭigita de grandaj arbaroj. Legendo pri ekesto de la vilaĝo rakontas, ke el monaĥejo konkerita kaj forbruligata de husanoj fuĝis unu el la monaĥoj en arbarojn rande de la sinjorejo kaj post iu tempo fondis tie domaron nomatan Ortova. Proksime de ĝi situas tri montaraj fiŝlagoj nomataj Zlámanec, Návesník kaj Utopenec. Tiujn, aŭ almenaŭ unu el ili, verŝajne fondis posedanto de sinjorejo de Rychmburk Jiřík, filo de Jakub el Kroměšín inter la jaroj 1426 - 1433. La unua skriba mencio pri la vilaĝo estas en raporto de direktora oficejo en Chrast el la jaro 1543. Tiutempe estis onidire en la domaro nur muelejo n-ro 1 kaj vilaĝestrejo n-ro 2. En la jaro 1656 estis en Vortová sinjora segejo kaj gastejo n-ro 3. Disvolvo de la vilaĝo ne estis sukcesa pro tio, ke la sinjoroj postulis de subuloj multe da servuta laboro kaj pro tio multaj homoj fuĝadis el la sinjorejo en Moravion, kie la vivkondiĉoj estis pli mildaj. En la 16-a jarcento laboris en Vortová vitrofarejo, kiun oni povas trovi sur mapo de Johano Amoso Komenio el la jaro 1627. En la jaro 1732 konstruis Josef Sewald, posedanto de bienego en Vejvanovice, en Vortová vitrofarejon, kiu laboris ĝis la jaro 1762, kiam Sewald formigris al Aŭstrio.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	534
1880	514
1890	511
1900	485
1910	513
1921	489

Jaro	Loĝantoj
1930	577
1950	411
1961	451
1970	390
1980	330
1991	274

Jaro	Loĝantoj
2001	255
2014	250
2016	248
2017	243
2018	235
2019	232

Jaro	Loĝantoj
2020	226
2021	222
2022	226
2023	235
2024	228

Partoj de municipo

• Vortová
• Lhoty

Memorindaĵoj

Kapelo

En la vilaĝo estas kapelo de Sankta Maria, pseŭdoromanika el la jaro 1882. Sur la altaro estas bildo el la jaro 1800.

Forstejo

En la jaro 1905 episkopo Doubrava el Hradec Králové konstruigis en arbaro proksime de Vortová historiigan forstejon laŭ planoj de fama arĥitekto Josef Fanta el Prago.

Lhoty

Al la municipa komunumo Vortová apartenas ankaŭ vilaĝeto Lhoty, kiu situas sur monteto oriente de Vortová.

Fotoj

• 
  Vortová - kapelo
• 
  Vortová - n-ro 50
• 
  Vido al Vortová de Lhoty
• 
  Vortová - n-ro 60

Literaturo

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Paĝaro de mikroregiono Hlinsko Arkivigite je 2010-10-03 per la retarkivo Wayback Machine ĉeĥe