Anne-Cécile Ciofani

Anne-Cécile Ciofani
Irudi gehiago
Bizitza
Jaiotza	Colombes, 1993ko abenduaren 14a (31 urte)
Herrialdea	Frantzia
Familia
Aita	Walter Ciofani
Ama	Jeanne Ngo Minyemeck
Ezkontidea(k)	Geoffray Durbant ^(en)  (2022ko ekainaren 4a -
Haurrideak	ikusi Audrey Ciofani ^(en)
Hezkuntza
Hizkuntzak	frantsesa
Jarduerak
Jarduerak	zazpiko errugbi jokalaria
Parte-hartzailea Zazpiko errugbia 2020ko Udako Olinpiar Jokoetan - Emakumezkoen txapelketa (2.)
Jasotako sariak	ikusi Merezimenduaren Ordena Nazionaleko Zalduna  (2021, 2021eko irailaren 8a) World Rugby Women's Sevens Player of the Year  (2021)

Anne-Cécile Ciofani, (Colombes, Frantzia, 1993ko abenduaren 14a), Zazpiko errugbi jokalari frantziarra da. 2021ean, Tokioko Olinpiar Jokoetan zilarrezko domina irabazi zuen, eta, urte berean, Munduko Zazpiko Errugbi jokalaririk onena izendatu zuten.

Biografia

Anne-Cécile Ciofani 1993ko abenduaren 14an jaio zen^[1]. Bere aita, Walter Ciofani, kirolari frantziarra zen, mailu jaurtiketan espezialista. Bere ama, Jeanne Ngo Minyemeck, Kamerungo kirolaria zen, eta, baita ere jaurtiketetan espezialista. 1984ko Udako Olinpiar Jokoetan eta 1988ko Udako Olinpiar Jokoetan parte hartu zuten. Bi ahizpa ditu, Audrey eta Juliette, Frantziako mailu jaurtiketan olinpiar itxaropenak dira^[2].

18 urterekin, errugbia deskubritu zuen STAPS (jarduera fisiko eta kiroletako zientziak eta teknikak) ikasten hasi zenean, ordura arte heptatloia praktikatzen zuen:

«

Nire abiadura ezaugarriekin, banekien egin nezakeela. Oso maila altura iristeko aukerak praktikak bezainbeste bultzatu ninduen

»

Debutatu eta sei hilabetera, ordea, Marcoussis Elite Zentrora deitu zuten^[3], baina ez zuten selekziorako hautatu 2018ra arte^[3].

2018an, AC Bobignyko jokalari profesional gisa lehen urtea amaitu zuenean, munduko txapeldunorde izan zen zazpiko errugbian Frantziako selekzioarekin^[4]. Olinpiar txapeldun den Australiaren aurka, entsegu bat lortu zuen partidako azken ekintzan, Frantzia finalerako sailkatu, eta munduko txapelketako jokalari berririk onena izendatu zuten^[5]. .

Kirol familia batekoa da; bere bi gurasoek Olinpiadetan parte hartu zuten, bere aita, Walter Ciofani, Los Angelesen mailu jaurtiketan 1984an eta bere ama, kamerundarra, Jeanne Ngo Minyemeck, pisu jaurtiketan eta diskoan Seulen 1988an^[6][3]. Bere ahizpak, Juliette (frantziar junior txapelduna) eta Audrey (Frantziako itxaropenen txapelduna eta eliteko txapeldunordea), mailu jaurtiketako kirolariak eta Cercle athlétique de Montreuil 93ko kide dira^[4].

2021ean, David Courteixek Tokioko Udako Olinpiar Jokoetan parte hartzeko hautatu zuen^[7]. Urdinak (Frantziako selekzioa) zilarrezko domina lortu zuten^[8]. Urte berean, zazpiko errugbiko munduko jokalaririk onena izendatu zuten^[9].

Olinpiar Jokoak

2020ko Udako Olinpiar Jokoetan, Tokio 2020an (Tokio), zilarrezko domina irabaziko du Frantziako taldearekin, Zeelanda Berriko taldearen atzetik (urrezkoa) eta Fijikoaren (brontzezkoa) aurretik sailkatuz. Hauek osatuko dute Frantziako taldea: Coralie Bertrand, Anne-Cécile Ciofani, Caroline Drouin, Camille Grassineau, Lina Guérin, Fanny Horta, Shannon Izar, Chloé Jacquet, Carla Neisen, Séraphine Okemba, Chloé Pelle eta Jade Ulutule-k^[10][11].

Emaitzak

Udako Olinpiar Jokoak
Urtea	Lekua	Domina	Proba
2020	Tokio Japonia	02 !	Zazpiko-errugbia emakumeak[12].

Gainerako lorpenak

Selekzioan

• Zazpiko Rugby Munduko Kopa :
  • 2. Zazpiko Errugbi Mundu Kopan, 2018

Aitorpenak

Banakako sariak

• World Rugby Sevens Munduko 2021eko jokalaririk onena ^[13]

Ohoreak

• Merituaren Nazio Ordenaren Zaldun (2021eko irailaren 8ko dekretua).

Erreferentziak

1. Anne-Cécile Ciofani. .
2. Anne-Cécile Ciofani, Olympienne de parents en fille. 25 juillet 2021..
3. ↑ France 7 féminines : Anne-Cécile Ciofani. 15 avril 2018.
4. ↑ Georges Makowski. (25 juillet 2018). Anne-Cécile Ciofani, missile lancé !. .
5. Jeremy Fadat. (25 juillet 2018). Coupe du monde à 7 - Anne-Cécile Ciofani (France), la promesse. .
6. Audrey Ciofani complètement marteau. 2 mars 2013.
7. L'équipe féminine de France 7 pour les JO. 2021-07-05..
8. Les Bleues en argent aux JO de Tokyo. 31 juillet 2021.
9. Jean-Baptiste Soucasse. (2021-12-09). World Rugby Awards : La meilleure joueuse de rugby à 7 au monde est française !. .
10. «Anne-Cécile Ciofani» olympedia.org 2022-02-20an. begiratua(Ingelesez)
11. «Anne-Cécile Ciofani» Olympics.com 2022-02-20an begiratua (Gaztelaniaz)
12. "Zazpiko-errugbia, emakumeak, emaitzak 2020" olympedia.org (Ingelesez)
13. World Rugby Awards 2021 : Joueur et Joueuse World Rugby à XV de l'année dévoilés. 2021-12-10..

Kanpo estekak

• Kirol baliabideak:
  • Frantziako Atletismo Federazioa
  • Frantziako Errugbi Federazioa (Zazpiko errugbia)
  • Munduko Kirolariak
  • Emakumeen munduko zazpiko errugbi serieak  
• Anne-Cécile Ciofani. .