Betty DeGeneres

Betty DeGeneres
Irudi gehiago
Bizitza
Jaiotzako izen-deiturak	Elizabeth Jane Pfeffer
Jaiotza	New Orleans, 1930eko maiatzaren 20a (94 urte)
Herrialdea	Ameriketako Estatu Batuak
Lehen hizkuntza	estatubatuar ingelesa
Familia
Aita	William Dick Pfeffer
Ama	Mildred Morrill
Ezkontidea(k)	Elliott Everett DeGeneres Jr. ^(en)  (1952 -  1974)
Seme-alabak	ikusi Ellen DeGeneres Vance DeGeneres
Hezkuntza
Heziketa	Louisiana State University ^(en)
Hizkuntzak	ingelesa
Jarduerak
Jarduerak	zutabegilea, kazetaria, LGBT ekintzailea eta speech and language therapist ^(en)

Elizabeth Jane DeGeneres sortzez Pfeffer (New Orleans, 1930eko maiatzaren 20a) LGBT komunitatearen eskubideen aldeko estatubatuar ekintzailea da.^[1] Ellen eta Vance DeGeneresen ama eta Human Rights Campaign erakundeko bozeramailea. 1997an, Ellen alabak bere homosexualitatea jendaurrean onartu ostean lortu zuen ospea.^[2]

Biografia

DeGeneres Violeten (Louisiana) jaio zen, 1930ean, Depresio Handiaren unerik gorenean.^[3] Aita alemaniarra zuen, eta ama, irlandarra. Louisianako Estatu Unibertsitatean izan zen bi urtez, hizkuntzaren patologia ikasten, logopeda bihurtzeko. Unibertsitatean zegoela, hainbat antzezlanetan parte hartu zuen Joanne Woodward aktorearekin, eta aktore ezagun bilakatu zen.^[2]

Elliott DeGeneresekin ezkondu zen 1952an. Bikotea 1974an dibortziatu zen. Handik gutxira, Roy Gruessendorfekin ezkondu zen, eta hark Texasera eraman zuen familia. DeGeneresi bigarren aldiz ezkondu eta gutxira diagnostikatu zioten bularreko minbizia. 2005ean, Ellen alabak nerabe zela aitaordearengandik jasan zuen sexu abusuaz hitz egin zuen jendaurrean lehen aldiz. Louisianako Unibertsitatera itzuli zen 50 urte bete ondoren, hizketaren patologiari buruzko maisutasuna osatzeko.^[2]

DeGeneresek bi liburu idatzi zituen: Love, Ellen: A Mother Daughter Journey eta Just a Mom.^[4] Lehenengoan, Bettyk bere alaba armairutik atera izanaren aurrean izandako erreakzioa deskribatzen du, eta onarpen pasibotik LGBT komunitatearen eskubideen defendatzaile sutsu bihurtu arteko bidea. Horrez gain, Ellenek bere aitortza egin ostean jaso zuen komunikabideen mihaketa ere deskribatzen du. Just a Mom bere bigarren liburuak gai horiek azpimarratzen jarraitzen du.

Argitalpenak

• Love, Ellen: A Mother Daughter Journey
• Just a Mon

Erreferentziak

1. Herscher, Elaine. (28 de septiembre de 1998). «Mother of Comedian Ellen DeGeneres Is Dream Mom for Gays / Support for daughter leads to activism» SFGate.
2. ↑ «Betty DeGeneres» The Lavender Effect 24 de enero de 2015.
3. 'America's Mom' Betty DeGeneres Discusses Ellen, Parenting, and Lady Gaga. .
4. «Betty DeGeneres» Good Reads.

Kanpo estekak

• Artikulu hau, osorik edo zatiren batean, {{{hizkuntza}}} Wikipediako «Betty DeGeneres» artikulutik itzuli da. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.