Bhumika Shrestha

Bhumika Shrestha
Bizitza
Jaiotza	Katmandu, 1987ko urtarrilaren 11 (37 urte)
Herrialdea	Nepal
Bizilekua	Katmandu
Hezkuntza
Hizkuntzak	nepalera
Jarduerak
Jarduerak	modeloa, aktorea, politikaria eta gizarte-langilea
Sinesmenak eta ideologia
Alderdi politikoa	Nepali Congress (en)

Bhumika Shrestha (nepaleraz: भूमिका श्रेष्ठ; Katmandu, Nepal, 1987ko urtarrilaren 11) nepaldar modeloa, aktorea, politikaria eta pertsona transgeneroen eskubideen aldeko ekintzailea da.

Bizitza

Katmandun sortu zen klase ertaineko familia batean. Bere gurasoak Kumar Shrestha eta Numaya Shrestha dira. Bi neba-ahizpa ditu. Gizon jaio bazen ere, bere genero-nortasuna ez zetorren bat bere sexuarekin.^[1] Hau da, ez zegoen eroso egokitutako gorputzarekin eta horrek arazoak zekarzkion bere arazoa ulertzen ez zutenekin.

16 urte zituenean Nepalgo LGBTen eskubideen aldeko Blue Diamond Society elkarteko kide bat ezagutu zuen eta honek Shresthari bere bulegora joateko gonbita egin zion. Elkartera joaten hasi eta bera bezala Nepalgo gizartetik baztertuta zeuden beste lagun batzuk ezagutu zituen, dela sexualitateagatik, dela genero-nortasunagatik. Bakarrik ez zegoela ikusteak bere buruarengan segurtasuna indartu zion. 2007an hirugarren sexuko pertsonentzako Miss Pink edertasun-lehiaketan parte hartu zuen eta irabazle atera zen.^[2] Ondoren Thailandiako Miss International Queen edertasun-lehiaketan parte hartu zuen.

Edertasun-lehiaketa irabazteak fokuen erdigunean jarri eta kazetarien arreta bereganatu zuen. Bat-bateko ospeak politikarako ateak zabaldu zizkion. 50 hautagairen artean gutxiengoak ordezkatzeko Nepalgo Kongresu izeneko alderdi polititikoko kide hautatu zuten.

2015eko abuztuan Nepalek pasaportean jabearen sexua identifikatzeko dagokion atalean "beste bat" (ez gizon, ez emakume) jartzeko aukera ematea adostu zuen. Urte horretako urrian "beste bat" sexua zioen pasaportearekin atzerrira bidaiatu zuen lehen nepaldarra bihurtu zen Shrestha.^[3]

Filmografia

Filmak

Urtea	Izenburua	Rola	Oharrak
2018	Kanchhi	Emakume transgeneroa
2012	Highway

Erreferentziak

↑ (Ingelesez) Liverpoolgo John Moores Unibertsitatea. (pdf) Interview with Bhumika Shrestha. (Noiz kontsultatua: 2018ko ekainaren 13a).
↑ (Ingelesez) «Nepal's first transgender politician on a mission» RNW Media (Noiz kontsultatua: 2018ko ekainaren 13a).
↑ (Ingelesez) «Bhumika becomes first transgender to travel abroad with 'other' category passport» The Kathmandu Post 2015eko urriaren 6a (Noiz kontsultatua: 2018ko ekainaren 13a).

Datuak: Q54963081

[1] (Ingelesez) Liverpoolgo John Moores Unibertsitatea. (pdf) Interview with Bhumika Shrestha. (Noiz kontsultatua: 2018ko ekainaren 13a).

[RNW-2] (Ingelesez) «Nepal's first transgender politician on a mission» RNW Media (Noiz kontsultatua: 2018ko ekainaren 13a).

[3] (Ingelesez) «Bhumika becomes first transgender to travel abroad with 'other' category passport» The Kathmandu Post 2015eko urriaren 6a (Noiz kontsultatua: 2018ko ekainaren 13a).

[1]

[2]

[3]