Boris Pilnyak

Boris Pilnyak
Irudi gehiago
Bizitza
Jaiotzako izen-deiturak	Борис Андреевич Вогау
Jaiotza	Mozhaysk ^(en) , 1894ko irailaren 29a ^(juliotar egutegia)
Herrialdea	Errusiar Inperioa  Sobietar Errepublika Sozialisten Batasuna
Talde etnikoa	Volgako alemaniarra
Heriotza	Kommunarka fusilamendu-eremua, 1938ko apirilaren 21a (43 urte)
Hobiratze lekua	Kommunarka fusilamendu-eremua
Hezkuntza
Hizkuntzak	errusiera
Jarduerak
Jarduerak	idazlea eta poeta
Izengoitia(k)	Pilňak, Pilniak, Пильняк eta Pilnyak

Boris Pilnyak (jaiotza-izena: Boris Andreievitx Vogau ; Mozhaisk, Errusiar Inperioa, 1894ko urriaren 11^greg./irailaren 29a^jul. - Mosku, Sobietar Batasuna, 1938ko apirilaren 21a) sobietar idazlea izan zen. Eskola sinbolistako kide izan zen. 1922an hasi zen ezagun egiten bere Goly God (1922, Mixeria gorriko urtea) eleberriarekin; eleberri horretan, Errusia Mendebaldetik askatzeko ekimen gisa deskribatu zuen Errusiako Iraultza. 1926an, arazo larriak izan zituen Povest nepogashennoy luny (Itzaltzen ez zen ilargiaren historia) eleberriarekin, Frunze buruzagiaren hilketa kontatzen baitzuen. 1929an ere, arazoak izan zituen Krasnoye derevo (Mahogani) eleberria Sobietar Batasun ohiaz kanpo argitaratu zuelako. Volga vpadayet v Kaspiyskoye more (1930, Volgak Kaspiar Itsasoan du amaiera) obran, nolabait agintariekin bakeak egin nahi izan zituen, bost urteko planen goraipamena eginez. 1937tik aurrera, Stalinen zapalkuntzekin, haren izena eta obra guztiak ezabatu eta ahaztu ziren. Stalin hil ondoren jakin zenez, 1937. urtean atxilotu eta 1938an epaitu eta hil zuten.

Erreferentziak

Wikimedia Commonsen badira fitxategi gehiago, gai hau dutenak: Boris Pilnyak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.