Bœuf bourguignon

Bœuf bourguignon
Osagaiak	behikia, salda eta ardo beltza
Historia
Jatorria	Frantzia

Bœuf bourguignon (euskaraz: «behiki borgoinar erara») Frantziako gastronomiaren errezeta nabarmena da. Bere bi osagai nagusiei zor die bere izena: txahal haragia eta ardoa, Borgoinako bi produktu enblematiko.^[1]

Plater hau Borgoinako ardo beltzez egindako abere-haragizko estofatu bat da, baratxuri, tipula, azenario, gatz eta bouquet garni batekin aromatizatua. Egosketa luzea da, eta su motelean egiten da. Egostearen ondoriozko likido kontzentratua pixka bat loditu ohi da roux batekin, saltsa baten trinkotasuna emateko. Hirugihar, perretxiko edo txanpinoi eta tipulin goarnizio batekin zerbitzatzen da.

Historia

Nekazari plater moduan jaio zen Borgoinan. Haragi gogorreko xerra bat edukitzean, eta koipe pixka batekin, su baxuan egosten dute zenbait orduz, salda edo otorduekin hartzen zuten ardoarekin estalita.

Plater "tradizionaltzat" hartzen da, eta, XIX. mendean jada dokumentatua dagoen arren, ziur asko oso antzinakoa da.^[2][3] Arkume hanka^[4] eta untxientzat^[5] antzeko osagarriak dituzten eta "à la Bourguignonne" deituriko beste errezeta batzuk XIX. mendearen erdialdekoak dira.

Platera Frantziako gastronomiaren estandar bihurtu da, Parisko bistroetan bereziki. XX. mendean hasi zuten Borgoinako espezialitatetzat hartzen.^[2]

Julia Child estatubatuar sukaldariaren esanetan, plater hori "gizakiak prestatutako behi-haragizko plater gozoenetako bat da".^[1]

Erreferentziak

1. ↑ Child, Julia. (2002). The French chef cookbook. , 480 or. ISBN 9780375710063..
2. ↑ Chevallier, Jim. (2018). A History of the Food of Paris: From Roast Mammoth to Steak Frites. , 191 or. ISBN 1442272821..
3. Larousse, Pierre. (1867). Grand dictionnaire universel du XIXe siècle. 2.
4. A French Lady. (1864). Gigot à la Bourguignonne. in: Cookery for English Households., 139 or..
5. Francatelli, Charles Elmé. (1846). Rabbits, à la bourguignonne. in: The Modern Cook., 320 or..

Kanpo estekak