Carlo Maria Giulini

Carlo Maria Giulini
Irudi gehiago
Bizitza
Jaiotza	Barletta, 1914ko maiatzaren 9a
Herrialdea	Italia  Italiako Erresuma  (1914ko maiatzaren 9a -  1946ko ekainaren 18a)  Italia  (1946ko ekainaren 18a -  2005eko ekainaren 14a, 2005eko ekainaren 15a)
Heriotza	Brescia, 2005eko ekainaren 14a (91 urte)
Hezkuntza
Heziketa	Accademia Nazionale di Santa Cecilia ^(mul) Accademia Musicale Chigiana ^(en)
Hizkuntzak	italiera
Ikaslea(k)	ikusi Franco Gallini ^(en)
Jarduerak
Jarduerak	orkestra zuzendaria eta musika-zuzendaria
Jasotako sariak	ikusi Knight Grand Cross of the Order of Merit of the Italian Republic
Genero artistikoa	musika klasikoa
Musika instrumentua	biolina biola
Diskoetxea	EMI Deutsche Grammophon ^(en) Sony Classical

Carlo Maria Giulini (Barletta, 1914ko maiatzaren 9a - Brescia, 2005eko ekainaren 14a) italiar orkestra eta opera-zuzendaria izan zen.

Txikitan biolineko ikasketak egin zituen, eta 1930. urtean Erromara aldatu zen. Harrezkero, biola ikasten jardun zuen, eta konposizioko ikasketak egin zituen, orobat, Accademia di Santa Cecilian. 1934. urtean Teatro Augustoko orkestran sartu zen, 1944an egin zuen debuta, eta 1953. urtea bitartean irrati estataletako zenbait orkestraren zuzendari izan zen Erroman eta Milanen. Urte hartan, 1953an, Milango La Scala antzokiko orkestraren zuzendari nagusi izendatu zuten, eta handik bi urtera Erromako operako antzokian hasi zen lanean. Bai Milanen eta bai Erroman zinemako zenbait ekoizpenetan parte hartu zuen Giulinik, Franco Zeffirelli eta Luchino Visconti zuzendariekin eta Maria Callas greziar sopranoarekin besteak beste. Bere karreran zehar errepertorio sinfoniko eta liriko zabala interpretatu zuen, baina azken urteetan orkestra zuzendaritzan espezializatu zen, opera-zuzendaritzan baino gehiago. 1968. urtean Chicagoko Orkestra Filarmonikoaren zuzendari gonbidatu nagusi izendatu zuten, eta 1978az gero Los Angelesko Orkestra Filarmonikoaren zuzendari nagusi izan zen. 1984an utzi zuen kargu hura, baina zuzendaritza-lanetan jarraitu zuen handik aurrera.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.