Clara Stauffer

Clara Stauffer

Bizitza
Jaiotza1904
Herrialdea Espainia
 Alemania
Bizilekuacalle de Galileo (en) Itzuli
HeriotzaMadril, 1984ko urriaren 4a (79/80 urte)
Hezkuntza
Hizkuntzakgaztelania
Jarduerak
Jarduerakespioia, militante politikoa, Socialitea eta kirolaria
KidetzaSección Femenina

Clara Stauffer Loewe (Madril, Madrilgo Erkidegoa, 1904 — ibidem, 1984ko urriaren 4a) madrildar espioia, Espainiako Falangeko Sección Femenina (Emakumeen Ataleko) militante nabarmena izan zen, Clarita Stauffer izenez ere ezaguna.[1]

Biografia

[aldatu | aldatu iturburu kodea]

Alemaniar jatorriko bere familia Espainiara etorri zen negozioengatik[1]. Bere aitak, Conrado Stauffer kimikariak eta garagardogileak, Mahou enpresarentzat lan egin zuen. [2][3] Maila pertsonalean, kirola asko maite zuen; igeriketan, 1931n, Peñalarako Aintzira Handia igerian zeharkatzeko emakumezkoen lehiaketako lehen postua lortu zuen, eta, gainera, xake-txapelketetan parte hartu eta eskian ere aritu zen.[4][3][5][6] Pilar Primo de Riveraren laguna, Falangeko Emakumeen Ataleko kidea izan zen.[7] Gerra Zibilean, Primo de Riverak FSko Prentsa eta Propaganda bulegoaren buru jarri zuen. [8]

Nazien jarraitzaile

[aldatu | aldatu iturburu kodea]

Gaztetatik nazien jarraitzaile sutsua izan zen, eta bere bulegoko hormetan Adolfo Hitler eta Benito Mussoliniren erretratuak zituen, Francisco Francoren eta José Antonio Primo de Riveraren erretratuekin batera.[9] Stauffer 1943ko erdialdean joan zen nazien Alemaniara, Pilar Primo de Riverarekin batera, Bigarren Mundu Gerran, eta ondoren, ratlines izeneko nazien ezkutatze- eta babes-sareetan parte hartu zuen. Alberto Martín-Artajo Espainiako Kanpo Arazoetako ministroari Aliatuen Kontrol Kontseiluak 1947an erreklamatutako 104 erreklamazioen zerrendan agertu zen emakume bakarra izan zen, eta Francoren erregimenak baztertu egin zuen bere extradizioa.[2]

Madrilen hil zen 1984ko urriaren 4an, laurogei urte zituela.[10]

Herri kulturan

[aldatu | aldatu iturburu kodea]
  • Clara Stauffer Loewe da protagonista Berta Vias Mahou idazle eta itzultzailearen "Los pozos de la nieve" (Elurraren putzuak) eleberriaren protagonista (Acantilado, 2008).
  • Urte batzuk geroago, Almudena Grandes idazlearen Los pacientes del doctor García (2017) eleberriko pertsonaietako bat bihurtu zen.

Erreferentziak

[aldatu | aldatu iturburu kodea]
  1. ↑ a b (Gaztelaniaz) «Clarita Stauffer, la dama que escondía nazis en España» La Vanguardia 2020-07-02 (Noiz kontsultatua: 2024-05-10).
  2. ↑ a b Tereixa Constela. (26 de agosto de 2016). «Clarita y sus 800 nazis» El País (Madrid).
  3. ↑ a b Txantiloi:Aut, Marcos. (2016). «Odessa en la Sierra Madrileña: la historia de Clara Stauffer» CTXT.
  4. ↑ Walters 2009, 193-195 orr. .
  5. ↑ «Clarita Stauffer, la muchacha que cruzó más rápidamente, a nado, la helada laguna de Peñalara» Crónica: 25-26. 9 de agosto de 1931 ISSN 2171-293X..
  6. ↑ Txantiloi:Aut, José. (9 de febrero de 1934). «La mujer y el ajedrez» Luz (Madrid): 14. ISSN 9968-490X..
  7. ↑ Messenger 2011, 473-474 orr. .
  8. ↑ Bowen 2000, 46n orr. .
  9. ↑ Bowen 2000, 46 orr. .
  10. ↑ «Doña Clara Stauffer Loewe» ABC (Madrid): 82. 15 de octubre de 1984.

Bibliografia

[aldatu | aldatu iturburu kodea]
  • Bowen, Wayne H. (2000). Spaniards and Nazi Germany: Collaboration in the New Order. University of Missouri Press. 
  • Messenger. (2011). «Beyond War Crimes: Denazification, ‘Obnoxious’ Germans and US Policy in Franco's Spain after the Second World War» Contemporary European History (20): 455-478.  doi:10.1017/S0960777311000488. ISSN 0960-7773..
  • Walters. (2009). Hunting Evil. Bantam Books ISBN 9781409084181..

Kanpo estekak

[aldatu | aldatu iturburu kodea]