David Helfgott

David Helfgott
Fitxategi:Ezezaguna Irudi gehiago
Birtuoso
Bizitza
Jaiotza	Melbourne, 1947ko maiatzaren 19a (77 urte)
Herrialdea	Australia
Bizilekua	Bellingen ^(en) Perth
Familia
Aita	Elias Peter Helfgott
Ezkontidea(k)	Gillian Murray ^(en)  (1984ko abuztuaren 20a -  2022ko abuztuaren 16a)
Haurrideak	ikusi Les Helfgott ^(en)
Hezkuntza
Heziketa	Royal College of Music Mount Lawley Senior High School ^(en)
Hizkuntzak	Australiako ingelesa
Irakaslea(k)	Alice Carrard ^(en)
Jarduerak
Jarduerak	classical pianist ^(en) , musikaria eta instrumentista
Enplegatzailea(k)	West Australian Opera ^(en)
Jasotako sariak	ikusi ohorezko doktore : Edith Cowan University ^(en)
Influentziak	Elias Peter Helfgott ^(en) eta Cyril Smith ^(en)
Genero artistikoa	musika klasikoa erromantizismoa
Musika instrumentua	pianoa grand piano ^(en)
davidhelfgott.com

David Helfgott (Melbourne, 1947ko maiatzaren 19a) australiar piano-jotzailea da. Lau urterekin hasi zen pianoa jotzen, aitaren gidaritzapean. Aitak semea piano-jotzaile handia izatea nahi zuen kosta ahala kosta, eta lehentasun osoa eman zion pianoa ikasteari, nahiz eta familia ia pobrezian bizi. Bederatzi urte zituela eman zuen bere lehen kontzertua. Hamabi urterekin, Estatu Batuetara ikastera joateko aukera sortu zitzaion herritarrek eskainitako diruari esker, baina aitak ez zion baimenik eman, familia deseginda geratuko zelakoan. David lur jota gelditu zen. 1966an, eta aitaren nahiaren kontra, Londresko Royal College of Musicen ikasketak sakontzeko diru-laguntza onartu zuen. 1970eko hamarraldian nerbioetatik gaixotu zen, eta denboraldi luzeak egin zituen erietxean. 1983an jatetxe batean jotzen hasi zen, arrakasta handiz. Jotzen hasi aurretik, igerian ibili ohi zen luzaro, lasaitzearren. 1984an ezkondu egin zen, eta urte hartan bertan itzulerako kontzertua eskaini zuen Octagon Antzokian, Australiako Unibertsitatean. Eritasuna sendagaien bidez tratatu zuen, baina sintometako batzuk ez zitzaizkion sekula desagertu: azkarregi eta ilunegi hitz egiten zuen, eta berehala galtzen zuen arreta.

Zinema

1996an Scott Hicksek zuzendutako Shine filman Hefgotten bizitza pantailaratu zen..

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.