Elizabeth Maconchy

Elizabeth Maconchy
Irudi gehiago
Bizitza
Jaiotza	Broxbourne, 1907ko martxoaren 19a
Herrialdea	Erresuma Batua  Britainia Handia eta Irlandako Erresuma Batua  1927ko apirilaren 12a)
Heriotza	Norwich, 1994ko azaroaren 11 (87 urte)
Familia
Aita	Gerald Edward Campbell Maconchy
Ezkontidea(k)	William LeFanu  (1930eko apirilaren 23a -
Seme-alabak	ikusi Elizabeth Anna Le Fanu ^(en) Nicola LeFanu
Hezkuntza
Heziketa	Royal College of Music
Hizkuntzak	ingelesa
Irakaslea(k)	Charles Wood
Jarduerak
Jarduerak	musikagilea
Jasotako sariak	ikusi Britainiar Inperioko Ordenaren dama komendadorea Walter Willson Cobbett Medal

Dame Elizabeth Violet Maconchy Le Fanu, ezaguna Elizabeth Maconchy gisa (Broxbourne, Hertfordshire, Ingalaterra, 1907ko martxoaren 19a - 1994ko azaroaren 11), britainiar musikagilea izan zen, jatorriz irlandarra.

Bere belaunaldiko ganbera-musika lanen egile nagusietako bat da.

Biografia

Sei urte zituela hasi zen musika egiten. Royal College of Musicen egin zituen ikasketak Charles Woodekin.

Béla Bartóken musikak eragin handia izan zuen Maconchyren lanetan. Beka bat lortu zuen Karel Boleslav Jirákekin Pragan ikasteko, eta han egin zituen bere lehenengo lan serioak (Kontzertua piano eta orkestrarako, eta Lurra orkestrarako suitea). Urte horretan bertan, William Le Fanurekin ezkondu zen eta Suffolken hartu zuen bizilekua.

13 kuartetoko sail bat egin zuen harizko tresnetarako 1933-1984 urteen bitartean. Ahotserako lanetan (Heloise and Abelard, besteak beste), hiru operetan eta orkestrarako lanetan argi eta garbi ikusten dira Maconchyren maisutasun teknikoa eta estilo berezia.

Zehatz-mehatz adierazi ez bazuen ere feministen aldekoa zenik, lan handia egin zuen emakumezko musikagileen alde. Composers' Guildeko lehenengo kide emakumezkoa izan zen, eta Britainia Handiko Musika Berria Sustatzeko Elkarteko lehendakari izan zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.