Emilia Pérez

Emilia Pérez
Jatorria
Argitaratze-data	2024
Izenburua	Emilia Pérez
Jatorrizko hizkuntza	gaztelania; ingelesa; frantsesa
Jatorrizko herrialdea	Frantzia eta Mexiko
Ezaugarriak
Genero artistikoa	musika-filma, film komikoa eta LGBTeei buruzko filma
Iraupena	130 minutu
Kolorea	koloretakoa
Zuzendaritza eta gidoia
Zuzendaria(k)	Jacques Audiard
Gidoigilea(k)	Jacques Audiard
Antzezlea(k)
	Karla Sofía Gascón ; Adriana Paz (en) ; Zoe Saldana ; Selena Gomez
Ekoizpena
Ekoizlea	Pascal Caucheteux; Nicolás Celis (en)
Edizioa	Juliette Welfling
Ekoizpen-diseinatzailea	Emmanuelle Duplay (en)
Bestelako lanak
Musikagilea	Clément Ducol (en) ; Camille (en) ; Georges Brassens
Argazki-zuzendaria	Paul Guilhaume (en)
Koreografoa	Damien Jalet (en)
Historia
Jasotako sariak	Europako zuzendari onenaren Saria ; Emakumezko aktore onenaren saria (Cannesko Zinemaldia) ; 2024 Cannes Film Festival (en) ; Europako film onenaren Saria ; 37th European Film Awards (en)
Nominazioak	Europako film onenaren Saria ; 37th European Film Awards (en) ; Jacques Audiard, Pascal Caucheteux, Valérie Schermann (en) , Anthony Vaccarello

Emilia Pérez 2024ko Jacques Audiard frantziar zinema zuzendariaren film dramatiko musikala da. Ekoizpen frantziarra izan arren, Mexikon kokatua dago eta bertako gizartea du eszenategi, indarkerian fokatuz neurri handi batean, eta trans identitateen gaia jorratuz.^[1] Gai horien trataera ez zen kritikari kultural guztien gogokoa izan.

Audiarden lanean bere ohiko kolaboratzailea, Thomas Bidegain zuberotarra, ageri da baita ere lanean, gidoi eta arte-zuzendaritzako kolaboratzaile gisa kredituetan.^[2]

Sinopsia

Oharra: Atal honek istorio osoa edo amaiera argitzen du.

Gainkualifikatua eta gutxietsia, Ritak abokatu gisa dihardu kriminalak arazoetatik ateratzea justiziaren esku uztea baino gehiago intesatzen zaion abokatu-langela batean. Egun batean, ustekabeko zerbait jazoko zaio: Manitas-ek, kartel bateko buruak, kontratatu egingo du laguntza behar duelako bere negozioetatik erretiratu eta luzaroan ezkutuan prestatutako plan bat benetako bihurtzeko: emakume gisa bizi nahi du aurrerantzean, Emilia Pérez izena hartuta, sexua berresleitzeko ebakuntza eginez bide batez.^[3]

Aktoreak

Zoe Saldaña : Rita Moro Castro
Karla Sofía Gascón : Juan «Manitas» del Monte / Emilia Pérez
Selena Gomez : Jessi del Monte
Adriana Paz : Epifanía
Mark Ivanir : Dr. Wasserman
Édgar Ramírez : Gustavo
Daniel Velasco Acosta : Edgar
Sébastien Fruit : «El Flaco»

Harrera

Filmak izendapen eta sariak jaso izan ditu, baina kritikak ere bai Mexikon bertan, adibidez Ricardo Gallegos zine kritikari mexikarraren iritziz:^[4] Esterotipoz betea dagoela, esamoldeak eta azentuak ez dira egokiak (aktore nagusietako batzuk ez dira mexikarrak), eta Mexikok dituen arazoenganako hurbilpena sentsibilitate gutxikoa dela.

Paul B. Preciado filosofo (eta zinegile) espainiarrak arrazista eta transfoboa iritzi zion filmari. Genero trantsizio marrazten den ikuspegi psikopatologiko batekin egin zela uste du Preciadok, zenbait ardatz aipatuz, adibidez: kriminalizazioa, exotizazio etnografikoa, eta trantsizioaren errepresentazio mediko-kirurgikoa. ^[5] ^[6] Ildo bertsutik, Juan Barquin queer ikuspegiko kritikari mexikar-estatubatuarrak idatzi du filmeko trans gaiaren errepresentazioa atzerakoia dela, ez aurrerakoia.^[7]

Rodrigo Prieto zine zuzendari mexikarrak ere kritikatu izan du filma, autentikotasuna falta zaiolakoan. Prieto Netflixen emandako Pedro Páramo filmaren zuzendaria da, eta Netflix da halaber Emilia Perezen streaming plataforma eskubideduna.^[8]