EuroVelo 1

EuroVelo 1
Irudi gehiago
Jatorria
Ezaugarriak
Dimentsioak	10.650 () km
Deskribapena
Honen parte da	EuroVelo
eurovelo.com…

EuroVelo 1 edo Atlantikoko kostaldeko ibilbidea distantzia luzeko Europan zeharreko bizikleta-bidea da, eta EuroVelo sarearen parte da. Atlantikoko Kostaldeko Bidea deitzen zaio. Ipar lurmuturrean (Norvegia) hasi eta Caminhan (Portugal) amaitzen da. 11.000 km-ko luzera du eta sei herrialdetatik igarotzen da: Norvegia, Erresuma Batua, Irlanda, Frantzia, Euskal Herria, Espainia eta Portugal.

Deskribapena

EuroVelo 1 ibilbidea iparraldetik Europako hegoalderaino doa, bere kostalde atlantikoari jarraituz. Hasieran, Norvegiatik eta haren fiordoetatik igarotzen da. Ipar Itsasoa zeharkatu eta britainiar lurretara iritsi ondoren, Irlandako kostaldea zeharkatzen du. Kontinentera itzultzean, Frantzia zeharkatzen du itsasertz osoan zehar. Ondoren, Espainia gurutzatzen du barnealdetik . Azkenik, Portugalgo kosta atlantikora itzultzen da, hegoaldetik iparraldera.

EuroVelo 1 ibilbidea EuroVelo sarea osatzen duten ibilbide luzeena da.

Herrialdeak eta ibilbidea

EuroVelo 1 ibilbideak baldintza hauek ditu, eta herri hauetatik igarotzen da. Parentesi artean beste ibilbide batzuetarako estekak adierazten dira.

Norvegia

Norvegiako ibilbideak garatuta daude. Norvegiako kostaldeko ibilbidean, transbordadorea erabili behar da behin baino gehiagotan.

Norvegiako ibilbidea: Ipar lurmuturra (EV7 hasiera, EV11 hasiera) - Tromsø - Vestvågøy - Bodø - Trondheim (EV3 hasiera) - Ålesund - Bergen (EV12).

Erresuma Batutik jarraitzeko, Ipar Itsasoa zeharkatu behar da.

Erresuma Batua (Iparraldea)

Britainia Handiko uharteko ibilbideak EuroVelo seinalizazioarekin

Britainia Handiko uharteko ibilbideak EuroVelo seinalizazioa dute eta garatuta daude. Irlanda uhartearen iparraldeko ibilbideak garatuta daude ere.

Ibilbidea Erresuma Batuko iparraldean: Aberdeen (EV12) - Inverness (EV12) - Glasgow - Stranraer - (Transbordadorea Ipar Irlandara) - Belfast - Lisburn - Strabane - Londonderry.

Irlanda

Irlandako ibilbideak EuroVelo seinalizazioarekin garatuta daude, oraindik garatzen ari diren hegoaldekoenak izan ezik.

Irlandako ibilbidea: Sligo - Galway (EV2 hasiera) - Limerick - Waterville - Cork - Rosslare - (Transbordadorea Erresuma Batura).

Erresuma Batua (Hegoaldea)

Ibilbidea Erresuma Batuko hegoaldean: Fishguard - Newport - Bristol (EV2) - Plymouth - (Transbodador a Frantzia).

Frantzia

Frantzian, EuroVelo 1 ibilbidea Vélodyssée izenez ezagutzen da. Ibilbide osoa EuroVeloren seinaleekin garatuta dago.

Ibilbidea Frantzian: Roscoff (EV4 hasiera) - Nantes (EV6) - La Rochelle - Rochefort - Arcachon.

Euskal Herria

Ibilbidea Euskal Herrian: Baiona - Hendaia - Irun ( Behobia zubia) - Bidasoako Bide Berdea - Irurzun - Plazaolako Bide Berdea - Iruñea (EV3) - Lizarra.

Espainia

Espainian, ibilbidea EuroVelo seinaleekin garatuta dago gehienean (Santo Domingo de la Calzadatik (Errioxa) El Real de la Jararaino (Sevilla). Gainerako ibilbidea garatzen ari da (Valverde del Camino eta Ayamonte (Huelva) arteko zatia izan ezik, dagoeneko garatuta baitago).

Ibilbidea Espainian: Logroño - San Millán de la Cogolla - Santo Domingo de la Calzada - Burgos - Frómista (EV3) - Palentzia - Valladolid - Tordesillas - Toro - Zamora - Salamanca - Baños de Montemayor - Ruta de la Plata Bide Berdea - Hervás - Galisteo - Cáceres - Mérida - Almendralejo - Villafranca de los Barros - Zafra - Monasterioa - El Real de la Jara - Valverde del Camino - Molinos del Aguako Bide Berdea - Huelva - Ayamonte .

Portugal

Portugalen, mugatik Sagreseraino, ibilbidea garatuta dago. Herri honetatik Caminhako ibilbidearen amaierara arte, gainera, EuroVeloz seinaleztatuta dago.

Ibilbidea Portugalen: Vila Real de Santo António - Faro - Sagres - Sines - Setúbal - Lisboa - Peniche - Nazaré - Figueira da Foz - Porto - Viana do Castelo - Caminha.

Epilogoa

Islandiako Turismo Bulegoak, 2014. urtean, herrialde hori EuroVelo 1ean eta haren ibilbidean sartzeko proposamena egin zuen. Uhartearen hegoaldetik 900 km-ko ibilbidea gehitzeko asmoa du, Seyðisfjörður eta Keflavík artean.

Erreferentziak

Kanpo estekak

• EuroVelo 1 ibilbidearen webgunea Espainian