Faxista Txikien Erakundea

Faxista Txikien Erakundea
Datuak
Motaerakundea eta youth organisation (en) Itzuli
HerrialdeaMantxukuo
IdeologiaRussian Fascism (en) Itzuli
JabeaRussian Fascist Party (en) Itzuli
Historia
Sorrera1934
Desagerpena1943
Kroxka aldizkaria

Faxista Txikien Erakundea (errusieraz: Союз фашистских крошек, Soiuz faxistskikh kroxek)[1] Errusiako Alderdi Faxistaren umeentzako erakundea izan zen. 1934ko maiatzaren 10ean sortua izan zen Harbinen. «Jainkoarengan sinesten duten, Errusia maite duten, lana errespetatzen duten neska-mutil errusiarrek» bertan sartzeko eskubidea izan zuten[2] (3 eta 10 urte bitarteko neska-mutil emigrante errusiarrak ziren)[3]. «Faxista Txikien Gutunaren» arabera jokatu zuen. Erakundearen xedeak «ume errusiarrak kaletik eta desnazionalizazioaren kolpetik salbatzea» izan zen[4].

Faxista txikien sei aginduak:

  1. Faxista txikiak Jainkoarengan sinesten du;
  2. Faxista txikiak Errusia maite du;
  3. Faxista txikiak gurasoak errespetatzen ditu;
  4. Faxista txikiak lana errespetatzen du;
  5. Behera komunistak;
  6. Aintza Errusiari![3]

Kideak mailatan banatzen ziren: «faxista txiki arruntak», «adimendunak», «jakintsuak» eta «abangoardistak»[5].

Faxista txikien uniformea ​​honako hauek osatzen zuten:

  • mutilentzat: alkandora beltza, gerrikoa eta galtza beltzak;
  • neskentzat: alkandora zuria eta pitxi soineko beltza[2].

Elkarteak Kroxka aldizkaria argitaratzen zuen[3].

Erakundearen zaindaritzat Santa Olga Kievekoa hartzen zen[6]. 1938ko Santa Olga jaietarako Kroxka aldizkarian argitaratutako faxista txikien araudiak:

  • faxista txikiak ez da luzaroan ohean egoten, baizik eta berehala jaikitzen da;
  • beste inork baino garbiago garbitzen du bere burua, eta hortzak garbitzen ditu egunero;
  • inoiz ez da bihurri izaten, eta guraso guztiek faxista txikia eredu gisa jar diezaiekete haien seme-alabei;
  • ez du inoiz juduekin jolasten, ez die ezer hartzen eta ez du haiekin hitz egiten;
  • faxista txikiek ez dira inoiz elkarren artean liskarrik egiten eta ilunabarra baino lehen berriro adiskidetzen dira beti;
  • gogoan dute uniformeak faxista txikiak direlako ematen zietela;
  • uniformea ​​gordetzen dute eta harrotasunez janzten dute, handiek bezala[3].

1941eko apirilaren 13an desegina izan zen[7].

Buruzagiak

[aldatu | aldatu iturburu kodea]
  • Zoia Bulytxeva
  • Natalia Pats-Pomarnetskaia[2]

Erreferentziak

[aldatu | aldatu iturburu kodea]
  1. ↑ Alfabeto zirilikoz idatzitako izenak euskarara aldatzeko transkripzio-sistema, Euskaltzaindiaren 156. araua.
  2. ↑ a b c (Errusieraz) Потапова, Ирина. (2014). «Русский фашизм в Маньчжурии: детские и юношеские организации» Грамота 6 (44): 161-164..
  3. ↑ a b c d (Errusieraz) Окороков, А. В. (2001). Фашизм и русская эмиграция (1920-1945 гг.). Москва: Русаки, 48 or..
  4. ↑ (Errusieraz) Голос эмигрантов (Харбин) Abenduaren 25a: 8..
  5. ↑ (Errusieraz) Голос эмигрантов (Харбин) Uztailaren 30a: 14..
  6. ↑ (Errusieraz) Нация (Шанхай) 4: 59..
  7. ↑ (Errusieraz) Аурилене, Е. Е. (2008). Российская диаспора в Китае. 1920-1950-е гг. Хабаровск: Частная коллекция, 30 or..

Kanpo estekak

[aldatu | aldatu iturburu kodea]