Griselda Gambaro

Griselda Gambaro
Irudi gehiago
Bizitza
Jaiotza	Buenos Aires, 1928ko uztailaren 24a (96 urte)
Herrialdea	Argentina
Familia
Ezkontidea(k)	Juan Carlos Distéfano ^(en)  (1995 -
Hezkuntza
Hizkuntzak	gaztelania
Jarduerak
Jarduerak	idazlea eta antzerkigilea
Jasotako sariak	ikusi John Simon Guggenheim Memorial Foundation beka  (1981) [[]]  (2023)

Griselda Gambaro (Buenos Aires, Argentina, 1928ko uztailaren 24a -) argentinar idazle eta antzerkigilea da.

Biografia

1976tik 1983ra, Bartzelonan bizi izan zen, diktadura militarraren garaian Argentinatik ihes egin ondoren. Izan ere, Ganarse la muerte eleberria debekatu egin zuten Videla jeneralaren aginduz. Kontalari eta eleberrigile gisa hasi zen ospea irabazten, eta olerkiak ere idatzi zituen, baina antzerkigile gisa da, batez ere, ezaguna. Absurdoaren teatroaren eraginpean idatzi zituen antzerki-lan nagusiak, Eugène Ionescoren eta Franz Kafkaren obraren eraginpean, batez ere. Irudi poetiko erdiragarriak sortu ditu, eta pertsonen arteko komunikaziorik eza nabarmendu du bere obretan. Gizarte-ohituren faltsukeria salatu, eta existentziaren zentzurik eza azpimarratu du. 1960ko hamarraldiko antzerkigile handienetakoa izan zen, eta Argentinako antzerkigintzako obra klasikotzat hartzen dira Gambaroren antzerki-lan batzuk, ezinbesteko erreferentzia bihurtu dira.

Gambaroren idazlan ugarien artean, aipagarriak dira hauek: Las paredes (1963), Viejo matrimonio (1965), El desatino (1965), El campo (1968, nazien kontzentrazio-esparru bateko gertaerak biltzen dituena), Sucede lo que pasa (1974), Lo mejor que se tiene (1996) eta Teatro 1-7 (1997-2004).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.