Hugo Sánchez

Hugo Sánchez
Irudi gehiago
Bizitza
Jaiotza	Mexiko Hiria, 1958ko uztailaren 11 (66 urte)
Herrialdea	Mexiko
Familia
Seme-alabak	ikusi Hugo Sánchez Portugal ^(en)
Haurrideak	ikusi Horacio Sánchez Márquez ^(en)
Hezkuntza
Heziketa	Mexikoko Unibertsitate Nazional Autonomoa
Hizkuntzak	gaztelania
Jarduerak
Jarduerak	futbolaria eta futbol entrenatzailea
Ibilbidea Taldeak Urteak J G Club Universidad Nacional 1976 / 1981 188 97 Mexikoko futbol selekzio nazionala 1977 / 1994 58 29 San Diego Sockers 1979 / 1980 32 26 Club Atlético de Madrid 1981 / 1985 111 54 Real Madril 1985 / 1992 207 164 Club América 1992 / 1993 29 11 Rayo Vallecano 1993 / 1994 29 16 Atlante F.C. 1994 / 1995 31 13 LASK Linz 1995 / 1996 20 6 FC Linz 1995 / 1996 20 6 FC Dallas 1996 / 1996 20 6 Club Celaya 1997 / 1997 12 2 Atlético Celaya 1997 / 1997 12 2
Parte-hartzailea 1994ko Munduko Futbol Txapelketa 1986ko Munduko Futbol Txapelketa 1978ko Munduko Futbol Txapelketa 1976ko Udako Olinpiar Jokoak
Posizio edo espezialitatea	aurrelaria
Pisua	73 kilogramo
Altuera	174 zentimetro
Jasotako sariak	ikusi European Golden Shoe  (1990) Pichichi saria  (1985, 1986, 1987, 1988, 1990)
Izengoitia(k)	Don Humildad

Hugo Sánchez (Mexiko Hiria, Mexiko, 1958) futbolari profesional ohia da.

Bizitza

Odontologia ikasi zuen Mexikoko Unibertsitate Autonomoan, eta futbolari gisa Pumas taldean hasi zen jokatzen. Hirugarren mailan ari zela, golegile nagusia izan zen, eta, horri esker, gora egin zuen taldearen barruan. 1975ean Cannesko Txapelketan aritu zen, eta han ere gol gehien sartu zituena bera izan zen. Hala, hamazazpi urte zituela, jadanik ospetsu zen Mexiko osoan, eta kazetariek el niño de oro (Urrezko Mutikoa) esaten zioten. 1975ean, Panamerikar Jokoetako olinpiar taldearekin irabazle izan zen, eta ondoren, Montrealgoetan parte hartu zuen. Joko haien ondoren Mexikora itzuli zen, eta Pumas taldearen talde nagusian hasi zen.

1981ean Atlético de Madrid taldeak kontratatu zuen, eta hasiera zaila izan bazuen ere, arrakasta handia lortu zuen Espainian. 1985. urtea izan zen talde horretan egin zuen azkena eta golegile nagusia izan zen. Mexikora itzuli zen, Pumas taldera, baina berehala Real Madril taldeak hartu zuen. Madrilgo talde horrekin bost Liga Txapelketa irabazi zituen (1986, 1987, 1988, 1989 eta 1990), Errege Kopa bat 1989an, UEFA kopa bat 1986an, eta Superkopa bat 1991n.

Real Madrilgo jokalari zela 250 gol egin zituen, eta Ligako golegile nagusia izan zen hiru alditan. 1990-1991 denboraldian 15 alditan bakarrik jokatu ahal izan zuen, eta 12 gol besterik ez zuen egin, bi lesio izan baitzituen. Hurrengo denboraldian ere ez zituen partida asko jokatu, Real Madril taldeko zuzendaritzak ez jokatzeko isuna ezarri baitzion, UEFAko partida batera joan nahi izan ez zuelako. 1992an, Mexikoko América taldera joatea erabaki zuen, baina hurrengo urtean Espainiara itzuli zen Rayo Vallecano taldean aritzeko asmoz. Azken talde horretan ez zen ondo ibili eta Mexikora itzuli zen. 1996an utzi zuen futbol profesionala.

FIFA 100 zerrendan (bizi diren futbolari onenen zerrenda) dago, bai eta FIFAko adituek osatzen duen XX. mendeko 50 Jokalari Onenak zerrendan ere.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Hugo Sánchez

• (Gaztelaniaz) Hugo Sánchezen ibilbidea