Isaac Schapera

Isaac Schapera
Bizitza
Jaiotza	Garies ^(en) , 1905eko ekainaren 23a
Herrialdea	Erresuma Batua  Hegoafrika
Heriotza	Londres, 2003ko ekainaren 26a (98 urte)
Hezkuntza
Heziketa	London School of Economics Lurmutur Hiriko Unibertsitatea
Tesia	The tribal system in South Africa: a study of the Bushmen and the Hottentots ^(en)
Doktorego ikaslea(k)	John Comaroff ^(en)
Hizkuntzak	ingelesa
Jarduerak
Jarduerak	antropologoa eta unibertsitateko irakaslea
Enplegatzailea(k)	London School of Economics Chicagoko Unibertsitatea Torontoko Unibertsitatea
Jasotako sariak	ikusi Fellow of the British Academy Fellow of the Royal Society of South Africa Huxley Memorial Medal  (1969)
Influentziak	Bronisław Malinowski
Kidetza	Britainiar Akademia

Isaac Schapera (Garies, Namaqualand, Hegoafrika, 1905eko ekainaren 23a - Londres, Ingalaterra, 2003ko ekainaren 26a) antropologoa izan zen. Haren metodo etnologikoa zehatza izateaz gainera, globala izan zen, ezagutu zituen herrietako kulturaren dimentsio eta adierazpen ugari aztertu baitzituen: sinesmenak, erlijioa, festak, ahaideak, sexu-portaera, ohiturazko zuzenbidea, migrazioak.

Bizitza

Lurmutur Hirian hazi eta hezi zen, baina Ingalaterrara joan zen ikasketak sakontzera. Han, Alfred Reginald Radcliffe-Brownen ikasle izan zen eta, besteak beste, Bronislaw Malinowski ezagutu zuen. 1929an, Hegoafrikara itzuli zen, eta hurrengo urtetik aurrera eskolak ematen hasi zen Johannesburgoko Unibertsitatean. Hotentotak, boskimanoak eta batez ere egungo Botswanako tswanak aztertu zituen.

1950ean, Britainia Handira itzuli zen, eta Antropologiako irakasle gisa lan egin zuen, erretiroa hartu zuen arte (1969). Egindako ikerketa antropologikoen inguruko lan asko argitaratu zituen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.