Jaime Balmes

Jaime Balmes
Irudi gehiago
Bizitza
Jaiotzako izen-deiturak	Jaume Llucià Balmes i Urpià
Jaiotza	Vic, 1810eko abuztuaren 28a
Herrialdea	Espainia
Heriotza	Vic eta Casa Bojons ^(en) , 1848ko uztailaren 9a (37 urte)
Hobiratze lekua	Viceko katedrala
Hezkuntza
Heziketa	University of Cervera ^(en)
Hizkuntzak	katalana gaztelania
Ikaslea(k)	ikusi Fèlix Vilarrúbias i Busquets
Jarduerak
Jarduerak	apaiz katolikoa, filosofoa eta idazlea
Influentziak	Agustin Hiponakoa, Tomas Akinokoa, René Descartes, Gottfried Wilhelm Leibniz eta Thomas Reid
Kidetza	Real Academia Española
Sinesmenak eta ideologia
Erlijioa	katolizismoa

Jaime Balmes (Vic, Katalunia, 1810eko abuztuaren 28a - 1848ko uztailaren 9a) apaiz katolikoa, kazetaria eta filosofoa izan zen. Filosofo gisa, eskolastizismo modernoaren barnean kokatzen da, eta XIX. mendeko Espainiako filosofo nagusietakotzat hartzen da.

Bere lanean eta zuzendu zituen aldizkarietan —La sociedad (Bartzelona, 1843) eta El pensamiento de la nación (Madril, 1844) aldizkarietan— politika, ekonomia eta gizarteari zegozkion gaiez jardun zuen. Langileen elkarteen alde egin zuen, haien eta ugazaben artean akordioak lortzeko bide bila. Industria eta nekazaritzarekiko protekzionismoaren alde egin zuen. Politikaren alorrean, nazioaren interesak alderdien gainean daudela aldarrikatuz, liberalak eta karlistak programa bakar baten inguruan bildu nahi izan zituen. Ildo horretatik, elkarren kontrako gerran ari ziren monarkiaren bi adarrak batzea, Elisabet eta Montemolíngo kondea elkarrekin ezkonaraziz, Balmesen asmorik ausartena eta porrot handiena izan zen.

Lanak

Lan garrantzitsuenak: El protestantismo comparado con el catolicismo (1842), El Criterio (1843) (euskarara Zinkunegik itzulia, Irizpidea, 1918), Filosofía fundamental (1846) eta Filosofia elemental (1847).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.