Janelle Commissiong

Janelle Commissiong

Bizitza
JaiotzaPort-of-Spain, 1953ko ekainaren 15a (71 urte)
Herrialdea Trinidad eta Tobago
Hezkuntza
HeziketaFashion Institute of Technology (en) Itzuli
Jarduerak
Jarduerakmodeloa, edertasun lehiaketan parte-hartzailea, enpresaburua eta politikaria
Altuera165 zentimetro
Jasotako sariak

Janelle Penny Commissiong (Puerto España, Trinidad eta Tobago, 1953ko ekainaren 15a) modeloa, enpresaburua eta politikaria da. 1977ko Miss Unibertso lehiaketa irabazi zuenean, bere herriko lehen Miss Unibertso izan zen. Gainera, arraza beltzeko lehen erregina izan zen Dominikar Errepublikako Santo Domingo hirian Miss Universo koroatu zuten.[1] Handik urte batzuetara, 1998an, Wendy Fitzwilliam koroatuko zuten, hirugarren erregina beltza eta Trinidad eta Tobagoko bigarren Miss Unibertso erregina.[2][3][4][5]

Biografia

[aldatu | aldatu iturburu kodea]

Aita Trinidadekoa eta ama Venezuelakoa zen. Bishop Anstey bigarren hezkuntzan ikasi zuen. 13 urte zituela Ameriketako Estatu Batuetara emigratu zuen, han 12 urte eman eta gero bere jaioterrira itzultzeko. New Yorken, modelajea ikasi zuen Fashion Institute of Technology-n, 1976an Puerto España jaioterrira itzultzeko.[1] Une horretan, Miss Trinidad eta Tobago hautatuak, Margaret Elizabeth McFarlanek, Miss Simpatia titulua irabazi zuen. Hurrengo urtean, Janelle Commissiong hautatu zuten Dominikar Errepublikako Santo Domingon 1977ko Miss Universo lehiaketan Trinidad eta Tobago uhartea ordezkatzeko.[6]

Mis Unibertso lehiaketa

[aldatu | aldatu iturburu kodea]

Miss Unibertso edertasun-lehiaketan Miss TT (Trinidad eta Tobago) oso ezaguna izan zen, baina ez zen titulurako gustukoena. Miss Austria, Eva María Duringer, azken segundora arte faborito handia izan zen. Farrah Fawcett aktorea zirudien, 1970ean Los angeles de Charly seriean egindako lanarengatik ezaguna. Beste batzuk Miss Colombia, Aura María Mojica, Caliko neska exotikoa, eta Miss Nicaragua, Beatriz Obregón Lacayo, Managuako Barbie amerikar ikusgarria. Baina ez zen gogoko gisa agertu, ez baitzuen oso ondo hitz egiten ingelesez.

Miss Trinidad eta Tobago Miss Fotogenia hautatu zuten finala baino 4 egun lehenago. Miss Unibertsoren historian saria irabazi zuen bigarren emakume beltza izan zen. Uztailaren 16an, Santo Domingoko Antzoki Nazionalean, Janelle Commissiong ikusgarri egon zen finalaurrekoan eta finalean. Oso egun ona izan zen harentzat, Miss Austriak ez zuen talentu bera erakutsi eta. Handik minutu batzuetara, Janelle Commissiong Miss Unibertso zen.

Lehen Miss Unibertso beltza, 1977

[aldatu | aldatu iturburu kodea]

Miss Trinidad eta Tobagok 1977an erakarri zuen nazioarteko arreta. Jendez betea zegoen, Miss Unibertsoren kronologian lehen emakume beltza baitzen. Satelite bidezko transmisioaren amaieran, Janelle Commissiong-en garaipena ospatu zen Trinitate eta Tobagon. Puerto España jaioterrian inauteri bat sortu zen. Egunkari guztiek historia bera aipatzen zuten. New York Timesek esan zuen "Miss Unibertso 1977 bonba beltza izan zela". Egia esan, 1952an sortutako Miss Unibertso lehiaketaren historian, munduak ez zuen Miss Unibertso beltzik izan ordura arte, 1977ra arte.

12 epaile egon ziren: Oscar de la Renta (diseinatzaile dominikarra), Dionne Warwick (kantaria), Gordon Parks (argazkilari amerikarra), Roberto Cavalli (Italiako diseinatzailea), Marisol Malaret (Miss Unibertso ohia), Wihelmina (Herbehereetako diseinatzailea) eta beste pertsona ospetsu batzuk.

Erreginaldiaren ondoren, Joaquín Balaguer Dominikar Errepublikako presidentearekin (Miss Unibertsoren jarraitzailea) elkarrizketa izan zuen Jauregi Nazionalean. Miss Unibertso bezala, mundu osoko nazio asko bisitatu zituen: Islandia, Argentina, Hong Kong, Peru, Puerto Rico, Ameriketako Estatu Batuak.

1978an, Jane Txilera joan zen, eta epaile berezia izan zen Miss Playas de América del Sur delakoan. Bere erreginaldian, beltzen eskubideen eta munduko bakearen defendatzailea izan zen. Trinitateko Gurutzea jaso zuen, herrialdeko kondekorazio preziatuena, 1977an.[1] Hiru posta-zigilu ere eman ziren haren omenez.

Karibeko ikono

[aldatu | aldatu iturburu kodea]

Karibeko ikonoetako bat da, Roberto Clemente beisboleko jokalaria, María Eugenia Charles politikaria, Marlene Ottey atleta, Billy Ocean kantautorea eta Tim Duncan saskibaloi jokalariarekin batera.

Enpresaburu

[aldatu | aldatu iturburu kodea]

Trinitateko Destino Turistikoak Kudeatzeko Konpainiako presidente izendatu zuten 2017. urteko urrian. 2012tik 2015era, Turismoaren Garapenerako Konpainia izeneko bere aurreko agentziako presidenteordea izan zen.[7]

Bizitza pertsonala

[aldatu | aldatu iturburu kodea]

Brian Bowenekin ezkondu zen, 1989ko azaroan istripu batean hil zen Bowen Marineren fundatzailearekin. Hil ondoren, Alwin Chow enpresaburuarekin ezkondu zen.[1]

Aintzatespenak

[aldatu | aldatu iturburu kodea]
  • 1977an, Trinitateko Gurutzea jaso zuen, herrialdeko kondekorazio preziatuena.[1]
  • Hiru posta-zigilu atera ziren haren omenez.

Erreferentziak

[aldatu | aldatu iturburu kodea]
  1. ↑ a b c d e «The Caribbean woman who shocked the world as the first black Miss Universe in 1977» missuniverse.com 4 de octubre de 2017.
  2. ↑ (Ingelesez) Miss Universe 1977. (Noiz kontsultatua: 2024-04-21).
  3. ↑ (Ingelesez) Nouman, Muhammad. (2023-02-04). «July 16, 1977: Janelle Penny Commissiong-Chow Crowned as the First Black Miss. Universe» Black Then (Noiz kontsultatua: 2024-04-21).
  4. ↑ (Ingelesez) «Janelle Commissiong Miss Universe 1977: From being the first black Miss Universe to a successful businesswoman | Angelopedia» www.angelopedia.com (Noiz kontsultatua: 2024-04-21).
  5. ↑ (Ingelesez) «Miss Universe winners from 1971 to 1980 | Angelopedia | Latest News» https://www.angelopedia.com (Noiz kontsultatua: 2024-04-21).
  6. ↑ (Gaztelaniaz) Libre, Diario. (2023-11-15). «Janelle Commissiong, la única Miss Universo coronada en RD, entre jurado que seleccionará a la nueva reina» Diario Libre (Noiz kontsultatua: 2024-04-21).
  7. ↑ «Penny Commissiong heads new tourism agency» Loop News (Trend Media) 4 de octubre de 2017.

Kanpo estekak

[aldatu | aldatu iturburu kodea]
Aurrekoa:

Rina Mor  Israel

Miss Unibertso

1977

Hurrengoa:

Margaret Gardiner, Hegoafrikar Batasuna