José Luis Pinillos

José Luis Pinillos
Bizitza
Jaiotza	Bilbo, 1919ko apirilaren 11
Herrialdea	Bizkaia, Euskal Herria
Heriotza	Madril, 2013ko azaroaren 4a (94 urte) (94 urte)
Hezkuntza
Heziketa	Zaragozako Unibertsitatea Madrilgo Unibertsitatea
Hezkuntza-maila	doktorea
Hizkuntzak	gaztelania
Irakaslea(k)	Hans Jurgen Eysenck
Jarduerak
Jarduerak	psikologoa, unibertsitateko irakaslea eta idazlea
Enplegatzailea(k)	Madrilgo Unibertsitatea Valentziako Unibertsitatea
Jasotako sariak	ikusi Gizarte Zientzietako Asturiasko Printzesa Saria honorary doctorate of the Pontifical University of Salamanca honorary doctorate of the University of the Basque Country honorary doctor of the University of Valencia honorary doctorate of the University of Santiago de Compostela  (1990) honorary doctorate of Pontificia Comillas University honorary doctorate of the University of Oviedo honorary doctorate of Seville University honorary doctorate of the National University of Distance Education honorary doctorate of the University of La Laguna honorary doctorate of the University of Murcia  (2002) honorary doctorate of the University of Salamanca  (2002)
Kidetza	Zientzia Moral eta Politikoen Errege Akademia Real Academia Española Colegio Libre de Eméritos ^(en) Dibisio Urdina
Zerbitzu militarra
Parte hartutako gatazkak	Espainiako Gerra Zibila Ekialdeko Frontea Bigarren Mundu Gerran

José Luis Pinillos (Algorta, Bizkaia, 1919ko apirilaren 11 – Madril, Espainia, 2013ko azaroaren 4a) psikologoa izan zen.

Bizitza

Bilbon eta Portugaleten lehen ikasketak egin ondoren, 1936an batxilergoa bukatuta, Espainiako Gerra Zibilean boluntario sartu zen frankisten alde borrokatzera. Behin-behineko alferez maila zuela bukatu zuen gerra. Militar izateko bokazioak bultzatuta, Dibisio Urdinerako izena eman zuen, indar militar frankista horrekin Sobiet Batasunean alemaniar nazi inbaditzaileen alde borrokatzeko.^[1]

Espainiara itzulita, Zaragozan Filosofia ikasteari ekin zion. Irakasgai komunen bi ikasturte egin eta gero,^[1] Madrilgo Complutense Unibertsitatean burutu zituen ikasketa horiek, eta ondoren Alemaniara eta Ingalaterrara jo zuen ikasketetan sakontzera. Psikologiako katedraduna izan zen Valentzian (1961) eta Madrilen (1966tik 1986an erretiroa hartu zuen arte), eta honoris causa doktore izendatu zuten Valentziako (1987) eta Euskal Herriko (1989) unibertsitateetan, besteak beste.

Hainbat elkarte eta erakundetako kide eta kargudun izateaz gainera, Zientzia Moral eta Politikoen Espainiako Errege Akademiako (1983) eta Espainiako Errege Akademiako (1988) kidea da. Bere obran indukzio-metodoa zorroztasunez erabiltzen duen jakintzaren alortzat hartu du psikologia, baina azpimarratuz hala ere ez duela ahazten jokabidearen konplexutasuna. Ikuspegi hori oinarri harturik garrantzizko ekarpenak egin ditu gizarte-psikologiaren, talde-dinamikaren, jokabidearen eraldaketaren, eta abarren alorretan. Ikergai izan ditu Francoren garaiko gizarte-jarrerak, estereotipo nazionalak eta gazteen pentsamoldea, besteak beste. Pinillosen liburu ugarien artean bereziki aipagarriak dira La mente humana (1965, Giza adimena), Principios de Psicología (1975, Psikologiako hastapenak), Más allá de Freud (1976, Freudez haraindi) eta La psicología y el hombre de hoy (1986, Psikologia eta gaur egungo gizona).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

1. ↑ (Gaztelaniaz) Rafael FRAGUAS: «José Luis Pinillos, mentor social de la Psicología académica en España», El País, 2013-11-04.

Kanpo estekak