Joséphine Jobert

Joséphine Jobert
(2014) Irudi gehiago
Bizitza
Jaiotza	Paris, 1985eko apirilaren 24a (39 urte)
Herrialdea	Frantzia
Familia
Familia	ikusi Marlène Jobert (aitaldeko izeba) Eva Green (lehengusu) Elsa Lunghini ^(en) (lehengusu)
Hezkuntza
Hizkuntzak	frantsesa ingelesa
Jarduerak
Jarduerak	aktorea, abeslaria eta zinema aktorea
Altuera	168 zentimetro
Lan nabarmenak	ikusi Nos années pension ^(en) Sous le soleil de Saint-Tropez ^(en) Cut ! ^(en) Death in Paradise Death in Paradise
Musika instrumentua	ahotsa

Joséphine Jobert (Paris, 1985eko apirilaren 24a) frantziar aktorea da. Death in Paradise telesailean Florence Cassell detektibe sargentuaren rola betetzeagatik da ezaguna^[1].

Biografia

Joséphine Jobert Parisen jaio zen artista familia batean. Ama, Véronique Mucret Rouveyrollis, argazkilaria, musikaria, idazlea, aktorea eta zinema zuzendaria da eta aita, Charles Jobert, kamaralaria eta argazki zuzendaria. Marlène Jobert aktorea izeba du eta Eva Green lehengusina^[2].

1997. urtean Montrealera bizitzera joan zen familia eta han abeslari eta aktore izateko ikasketak egin zituen^[3]. Familiarekin batera hainbat bideo, webserie eta telesailetan hartu zuen parte^[1].

20 urte zituela Frantziara itzultzea erabaki zuen aktore ibilbidea hasteko. 2008 eta 2014 artean Frantziako hainbat telesailetan hartu zuen parte. Ohiko pertsonaia izan zen Foudre^[2] eta Cut !^[4] telesailetan, bakoitzean 100 kapitulutik gora eginez. 2008an Nos années pension telesaileko abestiarekin 15 astetan zehar Frantziako abestien zerrenden goialdean kokaturik egon zen^[1]. 2012 eta 2013 urteetan ama zuzendari zuen filmetan ere aritu zen.

2015 eta 2019 artean Death in Paradise telesaileko aktore bihurtu zen. Bigarren mailako pertsonaia izaten hasi zen baina ondoren protagonista bihurtu zen^[5]. 2021ean berriz itzuli zen telesailera.

Filmografia

Telebistan

Urtea	Filma	Pertsonaia	Oharrak
2007-2011	Foudre	Alice Watson	105 atal
2008-2009	Nos années pension	Amel Habib	19 atal
2010	Mes amis, mes amours, mes emmerdes...	Lucie	atal bakarra
2011	Emma shine	Zoé
2013	Alice Nevers : Le juge est une femme	Djamila	atal bakarra
2013-2014	Sous le soleil de Saint-Tropez	Roxanne	19 atal
2013-2015	Cut !	Victoire Vila	109 atal
2014	Villa Karayib	Kannelle Benneteau De la Prairie	1 eta 2 denboraldiak
2015-2019, 2021-2022, 2024	Death in Paradise	Florence Cassel sargentua	51 atal
2019	Le temps est assassin	Maria Chiara Baldi	4 atal
2019	Nina		atal bakarra
2020	Avenue 5	Bidaiaria	atal bakarra
2022	Concordia
2024	Saint-Pierre	Geneviève "Arch" Archambault	protagonista

Filmeak

Urtea	Filma	Pertsonaia	Zuzendaria
2012	Enquête d'amour	Jo	Véronique Mucret Rouveyrollis
2013	Paroles	Esméralda	Véronique Mucret Rouveyrollis
2016	The Establishment	Rebecca Hart	Simon J. Knight

Erreferentziak

1. ↑ (Ingelesez) «BBC One - Death in Paradise - Florence Cassell» BBC (Noiz kontsultatua: 2020-03-01).
2. ↑ (Frantsesez) «Foudre - Joséphine Jobert : "Je passais les Noël avec Elsa et Eva Green"» www.purepeople.com (Noiz kontsultatua: 2020-04-01).
3. (Ingelesez) «Josephine Jobert reveals REAL reason she left Death in Paradise» HELLO! 2019-02-19 (Noiz kontsultatua: 2020-04-01).
4. (Frantsesez) F.P. (2014-07-08). «Joséphine Jobert (Cut) au casting de Meurtres au paradis (France 2)» www.programme-tv.net (Noiz kontsultatua: 2020-04-01).
5. (Ingelesez) «Joséphine Jobert explains her Death in Paradise exit: "I quit the show for personal and professional reasons"» Radio Times (Noiz kontsultatua: 2020-03-01).

Kanpo estekak

• Aktorearen IMDBko fitxa irakurgai (Ingelesez)