Kalo

Kalo
Datu orokorrak
Lurralde eremua	Espainia  Portugal eta baita Frantzia, Brasil, Argentina eta Mexiko ere
Hiztunak	40.000-170.000 (estimazioen arabera)
Ofizialtasuna	Inon ez
Araugilea	Ez du
Hizkuntza sailkapena
Hizkuntza mistoa. Erromantze gramatika; eta romaniaren oinarria lexikoan
Informazio filologikoa
Hizkuntza-tipologia	subjektu aditza objektua
Hizkuntza kodeak
ISO 639-3	rmq
Ethnologue	rmq
Glottolog	calo1236
IETF	rmq

Kaloa Europa hegoaldeko ijitoen hizkuntza da, erromanieraren dialektoa. Iberiar penintsulan mintzatua, batez ere. Jatorrizko hizkuntzaren elementuak gordez, gaztelaniaren edo katalanaren zenbait hitz eta, batik bat, euren gramatika bereganatu ditu.

Talde etniko horren bizimodu gogorra eta estigma historikoagatik, ezkutatutako hizkuntza izan da: taldekoak ez zirenek ez ulertzeko erabiltzen zen. Hori dela eta, gaur egun, gramatika eta sintaxia galduta daude, neurri handi batean. Ijitoen taldeak eta Gobernuz kanpoko erakundeak bultzatzeko eta berreskuratzeko ahaleginak egiten ari dira.

Eragina gaztelanian

Gaztelaniak zenbait hitz hartu dizkio:

• gachó (jatorrizko gadjó, "gizona")
• chava (chavó, "mutikoa", jatorriz "semea" adierazteko erabiltzen zena)
• parné ("dirua")
• chorar ("lapurtu")
• currelar edo currar ("lan egin")
• fetén ("bikaina")
• molar ("gustukoa izan")
• pinrel (pinré, "oina")
• biruji ("hotza")
• piltra ("ohea")
• churumbel ("umea, haurra")

Ikus, gainera

• Erromintxela
• Europako hizkuntza gutxituak

Kanpo estekak