Luis García Plaza

Luis García Plaza
Irudi gehiago
Bizitza
Jaiotza	Madril, 1972ko abenduaren 1a (52 urte) (52 urte)
Herrialdea	Espainia
Hezkuntza
Hizkuntzak	gaztelania
Jarduerak
Jarduerak	futbolaria eta futbol entrenatzailea
Ibilbidea Taldeak Urteak J G Baniyas SC / Club Atlético de Madrid / Atlético Madril B 1991 / 1995 54 2 Yeclano Deportivo 1995 / 1995 13 0 Rayo Vallecano B 1995 / 1996 Benidorm CF 1996 / 2000 49 1 Talavera CF 1996 / 1996 8 0
Posizio edo espezialitatea	atzelaria
Altuera	180 zentimetro

Luis García Plaza (Madril, Espainia, 1972ko abenduaren 1a) futbolari ohia eta entrenatzailea da.

Futbol jokalari gisa talde apaletan aritu zen. Entrenatzaile ibilde oparoa izan du ordea, lehen mailako hainbat talde entrenatuz, esate baterako Deportivo Alavés.

Ibilbidea

Jokalaria

Atlético Madril taldearen harrobian hasi zen jokatzen. Lehen mailako taldearekin kontzentrazio batean egion bazen ere ez zuen debuta egiterik lortu^[1]. Benidorm taldearekin Bigarren B mailara igo zen, hura izan zen kirol arrakasta handiena, eta 27 urte zituela futbola utzi beharra izan zuen menisko lesio larri baten erruz.

Entrenatzailea

Jokalari ibilbidea utzi ondoren Alteara joan zen bizitzera eta entrenatzaile titulua atera zuen. Altea, Villajoyosa eta Villarreal B entrenatu ondoren bigarren mailan entrenatzeko aukera eman zion Elx Club de Futbol taldeak.^[2]

2008an bigarren mailan zegoen Levantek fitxatu zuen eta bigarren urtean Lehen mailara igotzea lortu zuen^[3]. 2011n Getafek fitxatu zuen eta hiru denboraldi egin zituen, une hartan Lehen mailan talde madrildarrari partida gehien zuzendu zizkion entrenatzaile bihurtuz. Ondoren Arabiar Emirerri Batuetan, Txinan eta Saudi Arabian izan zen entrenatzaile lanetan.

2020an RCD Mallorcara joan zen eta Lehen mailara igo zuen.^[4]

2022ko maiatzaren 23an Deportivo Alavések fitxatu zuen bigarren mailan zela eta hau ere lehen mailara igo zuen lehenengo urtean^[5]. Hurrengo urtean 10. postuan gelditu zen Alavés eta Luis García Plazak bi urte gehiagotarako berriztu zuen kontratua. 2024-25 denboraldia ongi hasi bazuen ere hainbat partida irabazi gabe egon izanagatik zuzendaritzak kaleratu egin zuen^[6]. Zaletuen zati handi batek ez zuen gustuko izan kaleratzea. Partida garrantzitsuen aurreko prentsaurrekoan euskaraz motibazio esaldiak esaten zituen^[7] eta amaitu ere halaxe egin zuen azken prentsaurrekoa.^[8]

Taldeak

Jokalari lanetan

Taldea	Urtea	Oharrak
Atlético Madril B	1991-1994
Yeclano	1994-1995
Rayo Vallecano B	1995-1996
Talavera	1996
Benidorm	1996-2000	Bigarren B mailara igo

Entrenatzaile lanetan

Taldea	Urtea	Oharrak
UD Altea	2001-2003
Villajoyosa CF	2003-2005
Villarreal B	2005-2006
Elx	2006-2007
Benidorm	2007-2008
Levante	2008-2011	Lehen mailara igo
Getafe	2011-2014	Lehen mailan
Baniyas Club	2014-2016
Beijing Renhe	2017-2018
Villarreal	2018-2019
Beijing Renhe	2019
Al-Shabab Club	2019-2020
RCD Mallorca	2020-2022	Lehen mailara igo
Deportivo Alavés	2022-2024	Lehen mailara igo

Erreferentziak

1. «Mata, Busquets, Luis G.Plaza, Codina, Cavenaghi, Uche, Drenthe, Alvaro. Granada - Ideal» web.archive.org 2010-09-29 (Noiz kontsultatua: 2024-12-06).
2. (Gaztelaniaz) Hernández, Monserrate. (2006-09-10). «Revolución franjiverde en busca del primer triunfo» Diario AS (Noiz kontsultatua: 2024-12-06).
3. «El Levante regresa a la elite en MARCA.com» www.marca.com (Noiz kontsultatua: 2024-12-06).
4. (Gaztelaniaz) Forteza, Gabriel. (2021-05-18). «El Mallorca firma el noveno ascenso de su historia» Diario AS (Noiz kontsultatua: 2024-12-06).
5. (Gaztelaniaz) «¡El Alavés vuelve a Primera!» www.sport.es 2023-06-18 (Noiz kontsultatua: 2024-12-06).
6. «Alavesek Luis Garcia Plaza kargugabetu du» Berria 2024-12-02 (Noiz kontsultatua: 2024-12-06).
7. «Luis García Plaza, euskaraz: Hoberenak zarete, goazen Glorioso!» EITB 2023-06-19 (Noiz kontsultatua: 2024-12-06).
8. «Luis Garcia Plazak euskaraz esan dio agur Alavesi» EITB 2024-12-03 (Noiz kontsultatua: 2024-12-06).

Kanpo estekak

• (Ingelesez) BDFutbol webguneko entrenatzaile profila