Maialen Axpe

Maialen Axpe
Bizitza
Jaiotza	Arrasate, 1993ko maiatzaren 4a (31 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	atleta
Atletismoa Kirol diziplinak pertika jauzia Errekorrak Berezitasuna Irizpidea Data M Marka pertsonalak Berezitasuna Lekua Data M
Parte-hartzailea 2018 European Athletics Championships ^(en)

Maialen Axpe Etxabe (Arrasate, 1993ko maiatzaren 4a - ) gipuzkoar atleta da, pertika jauzian espezializatua.^[1] Club Atlético San Sebastián taldeko kidea da.

Espainiako txapelketa ugari irabazi ditu eta nazioarteko txapelketatan ere aritu izan da.

Ibilbidea

Arrasateko taldean egin zuen debuta 2008an eta ondoren Donostiako taldean sartu zen. Nazioarteko lehen txapelketa 2012an izan zuen Bartzelonan, Munduko gazte mailako txapelketa. 24. postuan gelditu zen. Hurrengo urtetan 23 urtez azpiko Europako txapelketatan izan zen, Tamperen, Aubagnen eta Tallinnen.

2018an nazioarteko hiru txapelketa jokatu zituen. Europako Txapelketan pertika jauziko finaletik kanpo gelditu zen^[2] baina Iberoamerikako Txapelketan zilarrezko domina eskuratu zuen Trujillon^[3].

2019an egin zuen bere marka pertsonala, 4,50 metro Antequeran, pista estalian.^[4] Urte berean Stockholmen Diamantezko Ligan parte hartzekoa zen baina Iberia hegazkin konpainiak ez zion pertikak fakturatzen utzi eta ezin izan zuen lehiaketa jokatu^[5].

2023an Espainiako txapelduna izan da aire librean^[6] eta pista estalian^[7].

Emaitzak

Nazioarteko txapelketak

Urtea	Txapelketa	Lekua	Postua	Marka
2012	Munduko txapelketa (Gazte mailan)	Bartzelona ( Katalunia)	24.a	3'85 m
2013	Europako txapelketa (23 azpitik)	Tampere ( Finlandia)	24.a	3'70 m
2014	Europako txapelketa (23 azpitik)	Aubagne ( Frantzia)	-	-
2015	Europako txapelketa (23 azpitik)	Tallinn ( Estonia)	17.a	4'00 m
2018	Mediterraneoko Jokoak	Tarragona ( Katalunia)	10.a	4'00 m
	Europako Txapelketa	Berlin ( Alemania)	19.a	4'35 m
	Iberoamerikar txapelketa	Trujillo ( Peru)	02 !	4'20 m
2019	Europako txapelketa (Indoor)	Glasgow ( Eskozia)	17.a	4'25 m
2023	Europako Jokoak	Chorzów ( Polonia)	12.a	4'25 m

Espainiako txapelketak

• Espainiako txapelketa aire librean
  • Txapeldun (3): 2021, 2022, 2023
  • Bigarren (2): 2017, 2018
• Espainiako txapelketa pista estalian:
  • Txapeldun (2): 2019, 2023
  • Bigarren (0)
  • Hirugarren (2): 2017, 2020

Marka pertsonalak

• Pista estalian: 4,50 m (Antequera, 2019ko otsailaren 16an)
• Aire librean: 4,45 m (Getafe, 2018ko uztailaren 22an)

Erreferentziak

1. Real Federación Española de Atletismo. Maialen Axpe Etxabe. .
2. «Sergio Fernandez 400 metroko hesiduneko finalean izango da» Berria 2018-08-08.
3. (Gaztelaniaz) López, Karel. (2018-08-26). «Maialen Axpe, plata en el Campeonato Iberoamericano de Perú» El Diario Vasco (Noiz kontsultatua: 2023-07-31).
4. «Maialen AXPE | Profile | World Athletics» worldathletics.org (Noiz kontsultatua: 2023-07-31).
5. «Maialen Axpe ezingo da Stockholmen lehiatu, Iberiak ez duelako pertikak fakturatzea onartu - Arrasate» Goiena.eus (Noiz kontsultatua: 2023-07-31).
6. «Urrezko eta zilarrezko dominak Axpe eta Ruiz de Azuarentzat - Arrasate» Goiena.eus (Noiz kontsultatua: 2023-07-31).
7. «Maialen Axpe Espainiako txapeldun; Malen Ruiz de Azua, azpitxapeldun - Debagoiena» Goiena.eus (Noiz kontsultatua: 2023-07-31).

Kanpo estekak