Malebogo Molefhe

Malebogo Molefhe

(2017)
Bizitza
Jaiotza1980 (43/44 urte)
Herrialdea Botswana
Hezkuntza
Hizkuntzakingelesa
tswanera
Jarduerak
Jarduerakaktibista eta giza eskubideen aldeko ekintzailea
Ibilbidea
Taldeak Urteak Pos Zbk
 
Jasotako sariak
Sinesmenak eta ideologia
Erlijioakristaua
Facebook: malebogo.molefhe Twitter: MalebogoMax Instagram: malebogo_max LinkedIn: malebogo-molefhe-022837258 Edit the value on Wikidata

Malebogo Molefhe (Botswana,1980) Botswanako aktibista eta saskibaloiko jokalari ohia da. Zortzi tiro jaso ondoren, genero-indarkeriaren aurkako aktibista bilakatu zen. 2017an, Adorezko Emakumeen Nazioarteko Saria jaso zuen.[1]

Biografia

[aldatu | aldatu iturburu kodea]

Molefhe 1980an jaio zen. Botswanako saskibaloiko selekzio nazionalean jokatu zuen, 18 urterekin profesionalki praktikatzen hasi zen kirolean.[1]

Mutil-lagun ohiak 2009an eraso zion, 29 urte zituela.[2] Erasoan zortzi aldiz tiro egin zion. Erasotzaileak bere buruaz beste egin zuen tiro batekin.[3] Malebogo bizirik atera zen eta erasotik osatu zen, nahiz eta bizkarrezurrean lesio bat izan gurpildun aulkian utzi zuena.[4][5]

Malebogo Botswanako irratian genero indarkeriatik eta etxeko indarkeriatik bizirik atera direnen defendatzaile bihurtu da. Tailerrak eta trebakuntzak antolatu ditu estatuko eta gobernuz kanpoko erakundeekin Botswanan.[5]

Malebogok beren autoestimua indartzeko prestakuntza eman die gazteei, genero-zapalkuntzari eta etxeko beste abusu mota batzuei aurre egin diezaieten. Botswanako Hezkuntza Ministerioarekin batera, programa bat sortu zuen haurrek etxeko genero-indarkeriari buruz ikas dezaten. Gainera, Malebogok kirol paralinpikoak eta, oro har, emakumeentzako kirolak ere sustatzen ditu.[5]

2017ko martxoaren 29an, Ameriketako Estatu Batuetako Estatu Departamentuak hainbat nazionalitatetako 12 emakumerekin batera, Emakume Adoretsuen Nazioarteko Saria eman zion Washington D. C.n.[2][6] Botswanako lehen emakumea izan zen sari hori jasotzen.[7] Nazio Batuen Populazioaren Funtsak iragarri zuenez, Botswanako emakumeen bi herenek baino gehiagok aurre egin behar izan diote beren bizitzan genero-indarkeria motaren bati.[8]

Ikus gainera

[aldatu | aldatu iturburu kodea]

Erreferentziak

[aldatu | aldatu iturburu kodea]
  1. ↑ a b (Ingelesez) International Women of Courage: Malebogo Molefhe. 2017-04-07 (Noiz kontsultatua: 2023-08-19).
  2. ↑ a b (Ingelesez) «U.S. government gives injured Botswana hoops star award; Denver’s Craig Hospital gives wheelchair» The Denver Post 2017-04-10 (Noiz kontsultatua: 2023-08-19).
  3. ↑ (Ingelesez) KOLANTSHO
    Correspondent, CALISTUS. (2010-03-19). «Gunners start title defence» Mmegi Online (Noiz kontsultatua: 2023-08-19)    .
  4. ↑ Gharib, Malaka. (2017). «Shot By Her Boyfriend and Now Using a Wheelchair, She Found a 'New Me'». NPR..
  5. ↑ a b c «Biographies of the Finalists for the 2017 International Women of Courage Awards» web.archive.org 2017-03-29 (Noiz kontsultatua: 2023-08-19).
  6. ↑ U.S. Department of State. (2017-03-29). First Lady Melania Trump Poses for a Photo With International Women of Courage Awardee Malebogo Molefhe of Botswana. (Noiz kontsultatua: 2023-08-19).
  7. ↑ (Ingelesez) Youth, Botswana. (2017-03-31). «Malebogo Molefhe Becomes The First Motswana To Receive Secretary of State’s International Women of Courage Award!» Botswana Youth Magazine (Noiz kontsultatua: 2023-08-19).
  8. ↑ (Ingelesez) Nast, Condé. (2017-04-04). «I Was Shot By My Boyfriend. Now I'm Working to Make Sure That Doesn't Happen to Anyone Else» Teen Vogue (Noiz kontsultatua: 2023-08-19).

Kanpo estekak

[aldatu | aldatu iturburu kodea]