Manuel Puig

Manuel Puig
Irudi gehiago
Bizitza
Jaiotzako izen-deiturak	Juan Manuel Puig Delledonne
Jaiotza	General Villegas ^(en) , 1932ko abenduaren 28a
Herrialdea	Argentina
Heriotza	Cuernavaca, 1990eko uztailaren 22a (57 urte)
Heriotza modua	berezko heriotza: miokardio infartu akutua
Hezkuntza
Heziketa	Buenos Airesko Unibertsitatea
Hizkuntzak	gaztelania
Jarduerak
Jarduerak	idazlea, antzerkigilea, gidoilaria, eleberrigilea eta aktibista
Izengoitia(k)	Manuel Puig

Juan Manuel Puig Dellodonne (General Villegas, Buenos Aires, 1932ko abenduaren 28a - Cuernavaca, Mexiko, 1990eko uztailaren 22a) argentinar eleberrigilea izan zen. Gutxik bezala agertu du probintzietako giroa, modu kritikoz baina aldi berean samurtasun handiz. Zinema-ikasketak egin zituen, Erroman eta New Yorken. Lehenengo bi eleberrietan, La traición de Rita Hayworth (1968) eta Boquitas pintadas (1969), Buenos Airesko erdiko klasearen mitologia sexual eta sentimentalak aztertu zituen, masa-kulturetako hizkuntzak erabiliz, zinemarena batez ere; herri-abestietako (tango eta boleroetako) eta bihotzeko aldizkarietako edota garai hartako irratsaioetako giroaz baliatu zen azterketa horretan. 1973an, The Buenos Aires Affaire argitaratu zuen, eta 1976an El beso de la mujer araña, Hego Amerikako errepresio politikoaren azterketa argia, haren obrarik ezagunena ziur asko. Azkeneko horretan oinarrituta, film eta antzerki-lan bana egin ziren, arrakasta handikoak biak ere. Beste lan aipagarri batzuk: Pubis Angelical (1979); Cae la noche tropical (1988).

Erreferentziak

Wikimedia Commonsen badira fitxategi gehiago, gai hau dutenak: Manuel Puig

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.